Ид тату болхла, иньгин бийнь нойн.

↑

⇐ ПредыдущаяСтр 55 из 156Следующая ⇒

ИД ТАТУ БОЛХЛА, ИНЬГИН БИЙНЬ НОЙН.

Күн ид (күчн, чидл) уга болад, тоомср уга болхла, йирин улс биш, терүнә өөрхн иньгнь чигн деерлкх гисн үгмүд, тер төләд, күн кевәр бәәҗ, әмтнд күндтә, тоомсрта болҗ йовх кергтә гисн сурһмҗ энүнд өггдҗәнә. Ид тату болхла, тиим күүнд иньг-амргнь чигн нойрхҗ деерлкдг гиҗ эн товчта үгд келгдҗәнә.

Идтә күн гисн малта-мөңгтә, байн күн, терүнә иднь эс гиҗ күчнь, угатя күүнәс кезәчн даву болна. Тер учр деерәс угатя күн терүнд нойлулад даҗргдад йовна.

ИҖЛӘН ҮЗХЛӘ — ИНЦХӘДГ, ИНЬГӘН ҮЗХЛӘ — ИНӘДГ.

Иньг, амрг, таньл ик чинртә үгмүд, терүг ухата, серлтә күн биш, адусн, малын бийнь меднә, терүнлә дүңцүлҗ, иньгән мартхмн биш гисн сурһмҗта үлгүр. Эн үлгүрин учр-утхнь болхла, мал болвас иҗлсг, күн болвас иньгсг болдмн гиҗ келгдҗәнә. Үлгүринь авад келхлә, кен чигн күн иньгән үзхләрн, байрлад, эркн биш инәнә, мөрн мал болхла, иҗл мөрән үзхләрн, эркн биш инцхәнә, үкр мал болхла, иҗлән үзхләрн, эркн биш мөөрнә, хөн мал болхла, эркн биш мәәлнә. Иньг гисн үгин чинриг энүнд лавта тодрхаһар медүлҗәнә.

ИҖЛӘСН САЛСН МӨРН ЦУУРДДГ, ИНЬГӘСН САЛСН КҮН ШУУКРДДГ.

Иньгллһнә чинрин тускар энүнд келгдҗәнә. Йоста сәәнәр нег-негнәннь уха-седкл медәд, эңкр иньгүдин саллһн амр биш гисн утхта үлгүр. Эн үлгүр деер өггдсн үлгүрлә йир өөрхн чинртә. Болв иҗләсн салсн мөрн болхла, зовҗ цуурдҗ инцхәнә, иньгәсн салсн күн болхла, һундсндан шуукрҗ саналдна. Тегәд эн хойр үлгүрт болхла, байр зовлң хойрин тускар дүңцүлгдҗ келгдҗ бәәнә гиҗ, келх кергтә. Юңгад гихлә, кен чигн күн болвас, байрлсн цагтан инәдг, һундсн цагтан шуукрҗ саналддг.

ИК ДАЛА УСАР ХАНДГО, МЕРГН ЭРДМӘР ХАНДГО.

Йоста мергн күн ямаран олн зүсн эрдмтә, ямаран гүн номта болвчн, тернь мел баһ болҗ медгдәд, улм деернь икәр медхәр седәд, тиим номт наснаннь туршарт көдлнә гисн үлгүр. Юн чигн далан уснь цаглш уга ик болдг төләдән, терүнүр ямаран чигн олн һолмудын болн теңгсмүдин усн гүүҗ ордг болвчн, тер далан уснь эс немгдсн болҗ медгднә.

Олн зүсн эрдмтә мергн күн болһн тер эрдмдән чееҗнь мел ханхш. Тиим олн зүсн эрдмтә мергн күн деернь бас эрдм сурхар седҗ зүткнә. Эннь нам зөвтә чик седкл. Кен чигн күүнә медснәснь эс медснь ик гиҗ келгднә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология