Захин модн заҢҺрач, залуҺин сӘн омгч.

↑

⇐ ПредыдущаяСтр 50 из 156Следующая ⇒

ЗАРҺИН КӨЛ МӘӘҺГ.

Хаҗһр зарһ кесиг эн үгмүдәр шалһҗана. Урд, хаана цагт, болхла, зарһиг кехләрн, зуг баячудын сә хәәҗ, тедн бурута болвчн, зарһ тедниг харсдг төләд, олн әмтн «Зарһин көл мәәһг» гиҗ келдг бәәсмн. Тегәд эн деер келгдсн товчта үг кезәңк, өңгрсн цагин хуучрҗ одсн үг. Болв өдгә цагт, болхла, зарһиг кехләрн, зәрмдән тиим йовдл бас харһна гиҗ, келх кергтә. «Зарһин көл мәәһг» гисн үг зарһиг кехләрн, зөрц хаҗһрар кенә гисн үг. Тегәд ода бийнь эн товч үг чинрән гееһәд уга гиҗ, келх кергтә.

ЗАХИН МОДН ЗАҢҺРАЧ, ЗАЛУҺИН СӘН ОМГЧ.

Захин модн заңһрач болдг учрнь болхла, догшн салькн эс гиҗ һалвин күчиг түрүн болҗ тер бий деерән даана. Тиигҗ күч дааҗ авдг төләднь, тер захин модн заңһрҗ уйдна. Тегәд чигн тер модыг үлгүрт орулҗ «Захин модн заңһрач» гиҗ келдг болсмн.

 «Залуһин сән омгч» гисн сурһульта, эрдмтә, медрлтә, олн әмтн заагт нернь һарсн, тоомсрта күн гиҗ келҗ болхмн. Тиим күн терүгәрн омг авдгтнь «Залуһин сән омгта» гиҗ үлгүрт келгднә.

Захан модн залуһин сән хойриг дүңцүлдг учрнь болхла, захд бәәх модн заңһрад уйдсн цагт, наадк урһа баг моднас әмтнд түрүн болҗ заңһрҗ, йилһрҗ үзгднә, залуһин сәнь болхла, тер тоомсрта, нертә, сурһульта, эрдмтә төләдән, терүгәрн омг кеҗ, олн әмтн загас тер захин модн мет, йилһрҗ үзгддг төләднь, «Залуһин сән омгч» гиҗ үлгүрт орна.

ЗЕЕГИН СӘНЬ ТАСРДГО, ЗЕСИН СӘНЬ ХҮВРДГО.

Зег гисн батар хатхсн утцн. Терүгәр хувц кеерүлҗ, терүнә көвәһәр зег утц уйна. Энүнд зег сән зеслә батарн дүңцүлгдҗәнә. Юн чигн зеегиг зүсн-зүүл өңгтә зүстә, нурһлҗ торһн утцар һарар хатхҗ, зег уйгдна.

Зег хатхна гидг һарин ик нәрн үүл гих кергтә. Эн нәрн үүлиг бәрҗ кедг хальмг күүкд улс дунд цөн болдг билә. Үүл бәрҗ, хатхмр эс гиҗ зег хатхҗ уйхларн, йир үлү гидг тохнятаһар болн батар хатхҗ уйдг бәәсмн. Тегәд чигн тиим һарин үүлдән һавшун күүкд улсин хатхҗ уйсн зеегин тускар хальмг улс үлгүртән орулҗ «Зеегин сәнь тасрдго» гиҗ келцхәнә.

«Зес» гисн улан мөңгн цинк хойриг хәәләд негдүлхлә, «зес» болҗ һарна. Зесиг орсаһар «латунь» гиҗ келнә. Хальмг ут туульд болхла, «зес хоңшарта, зеерң шилвтә» шулм эмгн гиҗ келгднә. «Зес» гидг төмр өңгән алдҗ хүврхш. Эн төләднь, тегәд «зесин сәнь хүврдго» гиҗ, эн үлгүрт орҗ келгднә.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии