ЗаҺсн уснаннь кирӘр туульдг.

↑

⇐ ПредыдущаяСтр 46 из 156Следующая ⇒

ЗАҺСН УСНАННЬ КИРӘР ТУУЛЬДГ.

Эврәннь арһ-чидләр бәәх кергтә, чидләсн үлү керг кеҗ чадшго, ямаран олвр олна, тедү метәр һару һарх зөвтә гисн сурһмҗ. Заһсн усчн йовҗ, өөдән өсрәд, тууляд нааддгнь медгднә. Тиим хәр уснд заһсна туульлһнь өөдән биш, кемр усн гүн болхла, заһсна туульлһнь өөдән болна.

Эн үг һанцхн заһсна тускар келгдҗәхш. Үлгүринь авад келхлә, ик олврта, ик җалв авдг күн олвриннь кирәр һаруһан һарһҗ, сансарн бәәҗ чадҗана, олврнь баһ, җалвнь бичкн болхла, тер олвриннь кирәр бәәх зөвтә гисн үгмүд.

ЗАҺСН ХОТТА, ЗЕГСН БҮРӘСТӘ.

Заһсч күүнә тускар энүнд келгдҗәнә. Зегсн бүрәсн гисн хулсар бүрксн хаврт бәәдг цаг зуурин мәәхн. Бүрәсн гисн гер бүрксн зегсн. Эн «Заһсн хотта, зегсн бүрәстә» гидг үлгүриг келхләрн, заһсн элвгәр бәәдг, зегсн икәр урһдг һазрт бәәршҗ бәәдг күүнә тускар келгдҗәнә. Заһста һазрт бәәдг күн нурһлҗ заһсар хот кеҗ, терүгәр эврә бийән, өрк-бүлән теткҗ бәәх зөвтә. Заһсар теткүл кеҗ, усна көвәһәр бәәҗ бәәршдг күн уста һазрт икәр урһдг зегс хадҗ, терүгәр герән бүрх зөвтә. Тегәд чигн тиим күүг «Заһсн хотта, зегсн бүрәстә» гиҗ нерәддг бәәсмн.

ЗАҺСНД УТХ ҺАРҺАД КЕРГГО.

Нүлго, хара бәәсн күүнә өмнәс, керг угаһар утх һарһхмн биш, тиим күүнә заңгиг нүлго, олз орулдг заһснла дүңцүлҗ, сурһмҗ өггдҗәнә. Күмн-әмтнд заһсн тусан күргхәс биш, тушаһан күүнд халдахш. Заһсн әәһәд зулхас биш, уснд өөмҗ йовх күүнүр дәврхш. Заһснд утх һарһад мел кергго гих кергтә. Заһсиг бәрҗ авад, чанад идх цагт, болвчн, бас утх һарһад кергго, чанад болһчксн заһсна махнь җөөлн болсн деерән, яснасн эврән зааград һарад, күүнә амнд орхларн, эврән заядар урсна. Тегәд чигн заһсна махиг идх цагт, утх кергго болҗ һарна. Болв эн үлгүриг келхләрн, зуг һанцхн заһсна тускар келгдсмн биш. Эн үлгүр келгдхләрн, нүл уга номһн болн җөөлн заңта, кенд болвчн му юм кедго, күүнә өмнәс сөрҗ үг эс келдг, күүнд деерлкх санан уга күүнә тускар келгдҗәнә гих кергтә. Үлгүринь келдмн болхла, заһснла әдл номһн, күүнд тусан күргхәс биш, тушаһан мел кезәчн халдаш уга күүнә өмнәснь сөрҗ, терүнд күч үзүлҗ, «утх һарһад кергго» гисн сурһмҗ кенд болвчн өггдҗ бәәнә гих кергтә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте