ДҮҢНХД АМР, ДҮЛХД ЗОВЛҢТА.

↑

⇐ ПредыдущаяСтр 43 из 156Следующая ⇒

ДУУТА НОХА ЮМ ҮЗДГО.

Эн үлгүрт бурмха, үзсн-соңссан келәд йовдг күүнә тускар келгдҗ, терүг шалһҗ, сурһмҗ өггдҗәнә. Тиим бурмха күүнд юм үзүлҗ, юм келдмн биш. Кезәнә цагт болхла дуута (хуцач) нохас элвгәр бәрдг бәәсмн. Тиим нохасиг сөөднь хөөһән манулҗ, хотнд бәәсн хөөнд чон бичә орултха гиҗ, хадһлдг билә. Ноха хуцад бәәхлә, чон терүнд үзгдҗ иршго, тегәд тер ноха бас юм үзшго.

ДҮҢНХД АМР, ДҮЛХД ЗОВЛҢТА.

Санад, тоолад, кирцәд, дүңцүләд кехәр седхд, амр болҗ медгднә, болв терүг авад кехлә, тер ик зовлңта болҗ һарв. Дүңнәд, кирцәд санхд, амр, болв тер дүңнҗ, кирцҗ сансан һарарн авад, күчән һарһад, күцәх цагт, зовлңта болна гиҗ, эн үлгүрт келгдҗәнә. Дүлх гисн завср уга көдлх, юм кех.

Җ

ҖАҖЛДГИН АРАНЬ ХУРЦ, ЗАЛЬГДГИН ӨРНЬ ҖӨӨЛН.

Җөөлн болн догшн заңта хойр күүнә тускар энүнд келгдҗәнә. Эн товчта үгд хойр күүнә дотрк ухан-седклин тускар үзүлгдҗәнә. Үлгүринь келхд, нег күнь болхла хурц күчн-чидләрн эс гиҗ хурц араһарн күүг хазад идчкхәр седнә. Наадк нег күнь болхла, җөөлн заңта, эвлүн седклтә, эвтә-довта төләдән, наадк хурц арата, күчн-чидлтә, догшн заңта күүг эврәннь эвәр, ээлтә заңгар, догшрхҗ, күчн-чидл үзүлл уга, шууга татл уга, өөшәркл уга, эв-арһан һарһҗ, диилнә гих чинртә үг гиҗ тоолх кергтә.

ҖИВСҢ КҮҮКД КҮҮНӘС ЗӘӘЛ.

Аля, елдң, нерән һутасн күүкд улсин тускар энүнд келгдҗәнә. Җивсң күүкд күн гисн олн залу улсла нәәҗ-нәәхн болад, нерән һутаһад, му нер зүүһәд йовдг төләднь, тиим күүкд улсас зәәл (хол йов) гисн сурһмҗ эн товчта үгәс һарч бәәнә. Тегәд җивсң күүкд улсла шальшхмн биш, оралдхмн биш гиҗ залу күн болһнд сүв-селвг өггдҗәнә. Аля-елдң күүкд улсла, цевр-цер залу күн оралдхла, теднә му нернәс көлтә цевр-цер залу бийиннь нерән буурулҗ, олн әмтн заагт тоомсран алдҗ, нерән һутахнь мел маһд уга гих кергтә.

ҖИЛИХ КҮҮНД ҖИРЛҺӘ ЗААДГ.

Юм сурсн күүнд өгш угаһар седхләрн, арнҗлад, болшго юм заана гисн чинртә үгмүд. Җилих гиҗ холд йовдг, кергго күүнә тускар келгднә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте