Даладхла — ӘӘдг, нерӘдхлӘ — хандг.

↑

⇐ ПредыдущаяСтр 38 из 156Следующая ⇒

ДАЛАД БУЗР УГА.

Далан уснь ик болн гүүндән, далад кедү бузр юмн орв чигн, терүнә уснь кезәчн бузрдҗ бутьхагдхш.

Эн «далад бузр уга» гиҗ далаһар үлгүр авч келлһн, зуг һанцхн далан тускар келгдҗ бәәх үг гиҗ санҗ болшго. Моһлцг һазр деер кедү бузр, му үнртә, әмтнд хоран күргм дала болсн зүсн-зүүл газ һарад бәәсн бийнь, күмн-әмтн бәәршҗ бәәх делкән деерк аһарнь бузрдхш, мел кезәд болвчн тер аһар сәәхн каңкнсн үнр һарад, делкә деер бәәх әмтә хамг цаг кезәд цевр аһар киилҗ җирһнә. Һазр деер төгәлҗ бәәх аһар кемҗән уга, далан уснла әдл дала болсн ик төләдән, терүнә аһарнь бузр уга, мөңкинд цевр болад, терүг әмтә хамг киилҗ, әмд бәәҗ җирһнә.

ДАЛАД ДУСАЛ ЧИГН НЕМР.

Юмн ямаран ик болвчн, цуһар кемҗәтә, тедниг әрвлҗ, үрәҗ тарал угаһар эзлх кергтә гисн үгмүд. Кергән кинән кеҗ, көдлмшәрн немр болҗах кергтә гисн үгмүд. Юн чигн ик юмнд әрвҗ уга юмна бийнь чигн немр болдмн гисн үгиг далала дүңцүлгдҗ. Далан уснь кемҗән уга ик болн гүн төләдән, нам негл бичкн хурин дусалын бийнь чигн далан уснд немр болҗ, далан усинь икдүлҗ деврүлнә. Ик кемҗәтә юмнд бичкәхән юмна бийнь немр болдгин тускар келгдҗәнә. Үлгүринь авад келхлә, йирн йисн деншг деер нег деншг немхлә, бүкл арслң болҗ одхднь бас медгднә.

ДАЛАДХЛА — ӘӘДГ, НЕРӘДХЛӘ — ХАНДГ.

Күүнд юм нерәдлһн эс гиҗ өгхәр седлһн әрүн седкл. Тиим күүнә тускар энүнд келгдҗәнә. Кү күндлхләрн, «Танд бичсн дегтрән нерәдүв» эс гиҗ «Танд нег шүлг нерәдүв» гиҗ келнә. Нерәдлһн нерн гисн үгәс тогтҗ, нерәдлһн нер өөдлүллһн, нер күндллһн гисн үг. Тегәд нерәдлһнд күн ханна. «Даладхла әәдг» гисн үг бас күүг күндллһнә ниицңгү үг. Учр юңгад гихлә, һаран өөдән өргәд даладсн бийнь, тер күүнәс хорад, терүг күндлсн темдг гиҗ энүнд келгдҗәнә.

ДӘӘРТӘ МӨРН ШАРВАДМГ.

Эврәннь җирһлдән күн эндү һарһад, шоодвр авад эс гиҗ түүрмд орад ирсн болхла, терүгән бичә сергәҗ келтхә гиһәд, эн зуһудна (шарвадна). Зәрмдән унаһин мөрнд эмәлинь мууһар, хаҗһрар (тохминь болн делтринь хату болн тегш биш ишкәһәр кеснәс көлтә) тохгдхла, тер мөрнә нурһнднь дәр (шарх) һарна. Тиим дәәртә мөрнд эмәл тохв чигн, деернь күн мордв чигн, дәәрнь өвдхләрн, тер мөрн сүүләрн шарвадна.

Үлгүринь авад келхлә, дәәнд орад, күнд шав авад, цогц-махмуднь эвдрҗ одсн күн болһн, тер хуучрсн шавнь дәкнәс өвдхлә, тиим күн зовньнад, ярвглад бәәнә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте