Атлсн хӨӨн оҢҺц кергго, эдгсн хӨӨн эмч кергго.

↑

⇐ ПредыдущаяСтр 35 из 156Следующая ⇒

ҺАТЛСН ХӨӨН ОҢҺЦ КЕРГГО, ЭДГСН ХӨӨН ЭМЧ КЕРГГО.

Күргсн ач-тус эс меддг күүнә тускар келгдсн үлгүр. Эн үлгүриг олн әмтн ухалҗ һарһҗ келхләрн, күүнәс тус үзчкәд, тер күүнә үзүлсн тусиг мартчкдг улсин туск үг. Зәрм улс, түрсн-зүдсн цагтан күүнәс дөң авчкад, тус үзчкәд, тер күүнә кесн тусиг төрүц мартад, нас эс медсн болад бәәдг улс харһна. Үлгүринь авад келхлә, һолын көвәд ирәд, терүг һатлҗ һарх оңһцд кергтә болсн цагт, күүнә оңһцар һатлад һарчкад, оңһцин эзнд ядхдан амн үгин ханмҗан өргл уга, ардан хәләл уга, йовҗ оддг, ичрән геесн улсин тускар келгдҗәнә.

Эдү мет догшн гем-шалтгла харһад, эдгәсн эмчд амн үгин ханмҗан өргҗ келл уга, эс медсн болад, һарад йовҗ оддг күүнә тускар, энүнд шалһвр кеҗәнә.

ҺАХА ХАДРСН ҺАЗРТ ҺАНЦАРН БИЧӘ ЙОВ, ҺАЗАРАН ЭЛКТӘ КҮҮНД УХАҺАН БИЧӘ МЕДҮЛ.

Таньдг уга һазрт һанцарн бичә йов, өшәтнд ухаһан бичә медүл гисн үлгүр. Һаха хадрсн, гүн нүктә һазрт юн болвчн бәәршҗ бәәх: хорта моһас чигн, догшн зерлг аңгуд чигн, кү тондг хулхач улс чигн бәәх. Тегәд чигн тиим әәмшгтә һазрар һанцарн бичә йов гиҗ, эн үлгүрт селвг-сурһмҗ өггдҗ бәәнә.

Һазаран элктә күн гисн, һаза седклтә күн болдмн гиҗ, келх кергтә. Үлгүринь келхд, шпион күн, аля-азд күн, өшәтн күн гих кергтә. Һазаран элктә гисн иткл уга күн. Кемр тиим иткл уга күүнд ухаһан медүлхлә, тер хорлтан халдаһад чигн бәәх.

Тер учр деерәс һазаран элктә күүнәс хол йовҗ, саглх кергтә гиҗ эн үлгүрт келгдҗәнә.

ҺӘРГТӘҺӘН МЕДСН — УХАТА, АДТАҺАН МЕДСН — ЭРҮЛ.

Ад гемтә күн терүгән медхш, һәрг йирин һәргтәһән бас медхш. Эврәннь хаҗһран, дуту-дундан, эндү һарһсан, му йовдл һарһсан медҗ, тиим йовдл дәкҗ һарһшгов гиҗ, кен чигн күн бийнь бийән шалһҗ, шоодхла, тер ухата йовдл бийд туста йовдл болдг гиҗ, эн хол тоолврта цецн үлгүрт цугтад сурһмҗ өггдҗәнә.

Адтаһан медсн гисн седкл-ухана шалтгтаһан медсн гисн үг болдг. Кемр тер тиим гемтәһән медхлә, тер адта биш, тер күн эрүлд тоолгдна, юңгад гихлә, күн адтаһан меддмн биш. Кен чигн күн ик эндү һарһад, бийдән болн олн әмтнд харшта, хаҗһр йовдл һарһад, терүгән эврән бийнь бийән шоодҗ шалһл уга, зөвән кезәд болвчн бийдән авад, өмнкәсн улм даву эргү болн һәргтә йовдл һарһад йовлһн мел ик һәргтә, тоолвр тату йовдл болдг гиҗ, эн цецн үлгүрт келгдҗәнә.

Ахрар авад келхлә, күн болһн эврәннь җирһлин хаалһдан биив гиҗ зөрмглл уга, кеҗ йовх кергән, бүтәҗ йовх үүлән сәәнәр шинҗлх кергтә, юн чигн юмиг саглҗ кех кергтә гиҗ эн үлгүрт сурһмҗ өггдҗәнә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов