Гер уга кҮҮнӘ геснь Өлн болдг.

↑

⇐ ПредыдущаяСтр 31 из 156Следующая ⇒

ГЕР УГА КҮҮНӘ ГЕСНЬ ӨЛН БОЛДГ.

Энүнд өрк-бүл уга, өнчн-өвү күүнә тускар келгдҗәнә. Гертә-малта болн эврә өрк-бүлтә күн болвас хот уух цагларн гертәсн хотан ууһад, кезәчн геснь цадхлң йовхла, гер-мал уга, эврә өрк-бүл уга өнчн-өвү күн болвас хот уух цаглаһан эс ууҗ чадад, болс-бүтсәрнь йовад, геснь кезәд болвчн өлнәр йовдг төләднь, эн үгмүдт келгднә.

ГЕРӘН САНСН КҮН — ГЕЙҮРДГ, ГЕСНЬ ӨЛССН КҮН — ҺУРНИДГ.

Уух цаглаһан хот ул уга бәәхлә, кен чигн күүнә геснь өлсл уга бәәхш. Тегәд геснь өлссн күн чирәнь цәәһәд, му дүр һарһад, һурнинә. Гертәсн һарад удан болчксн күн герән санна, гейүрәд, шуукрад, зовад бәәнә гиҗ энүнд келгдҗәнә.

ГЕСНД БАГТСН НИЛХ КҮҮКД ГЕРТ ЧИГН БАГТХ.

Уульмха, хәәкрдг бичкдүдин тускар келгдсн үгмүд.

ГЕСНДӘН ГЕР ШҮДТӘ.

Бичкн болвчн, ухата гисн үгмүд. Зәрмдән бичкн көвүнчн бөдүн күүнлә әдл үг келнә. Талданар «гесндән гер шүдтә» гисн дотран хорта ухата, дуукр седклтә, күүнә мууг секхдән һавц, бийиннь туск дуту-дундуг, ю санҗахан нуудг күүнә тускар келгдҗәнә.

ГИИЧӘС ХОТ БИЧӘ ХАРМН, БИЙӘСН ХУВЦ БИЧӘ ХАРМН.

Хальмг улс нег сәәхн авъяста: кезәчн цагт гертән ирсн таньдг, эс таньдг күүнд түрүн болҗ хот кеҗ өгәд, терүгән сәәнәр тооҗ, тедниг һундал уга һарһх зөвтә гих утхта үг.

Гертән ирсн гиичәс хот хармнхла — тер йовдл герин эзнд ик му нерн болҗ һархнь медгднә. Тегәд чигн «гиичәс хот бичә хармн» гиҗ келгднә. Гиичнр гертән ирсн цагт, герин эзн күн эврәннь хувцна сәәнинь өмсҗ, гиичнриг күндлҗ тосх зөвтә гих чинртә үгмүд.

ГӨРӘСН ҺАЗРИН ИДГИН СӘӘНД ТАРҺЛДГ, ГЕЛҢ, ҮКЛ ИКДХЛӘ, БАЙҖДГ.

Гөрәсн ут көлтә хурдн аң, сән идг хәәһәд, нег өдр кесг дууна һазрт йовҗ оддг адусн. Кезәнә цагас нааран тег эргҗ бәәршҗ сүргәр бәәдг теегин гөрәсн, теегин идг өвсн сән болн ик болх дутман тарһлдгнь медгднә. Тедү мет, икәр күн үкхлә, гелң әмтн байҗдгнь бас медгднә. Күн өңгрсн цагт, гелң күн терүнә буйинь кенә, күн энүнд бәрц бәрнә, тегәд гелң байҗна.

ГҮРСН ДЕЕС ТАСЛХД ХАТУ, ҺУРВН КҮ ДИИЛХД ХАТУ.

Күн үгән негдүләд ниицхлә, тедн бөк болн гүрсн деесн мет бат гисн үлгүр. Гүрәтә деес таслхд амр биш. Олн әмтнә күчиг гүрәтә дееснә күчнлә, батла дүңцүлҗәнә гих кергтә. Олн улс цуһар негдхләрн, мел төрүц ямаран чигн күчнд диилгдшго, олн әмтнәс күчтә чидл орчлң-делкәд уга гиҗәх чигн үлгүр.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности