Буульсн иҢгиг ботхнднь кҮрг, бульглсн зҮркиг иньгтнь кҮрг.

↑

⇐ ПредыдущаяСтр 28 из 156Следующая ⇒

БУУЛЬСН ИҢГИГ БОТХНДНЬ КҮРГ, БУЛЬГЛСН ЗҮРКИГ ИНЬГТНЬ КҮРГ.

 Хойр үр иньг-амрг болсн хөөн тедниг негдүлх кергтә гисн утхта үгмүд. Ботхта иңгиг ботхнаснь салһад, талдан һазрт тер иңгиг удан бәәлһсн цагт, ботхан икәр санхларн, тер иңгн йир икәр буульхлань, терүг ботхнднь эс күргхлә, өдр-сөөни туршарт чигн иңгн буульхан зогсҗ өгхш. Тегәд чигн буульсн иңгиг ботхнднь күргх зөвтә гиҗ келгднә.

Бульглсн зүркинь иньгтнь күргх кергтә гисн товчта үгиг үлгүр кеҗ олн әмтн келхләрн, хойр иньг-амрг күн, үлгүринь келхд, негн-негндән ик дурта күүкн көвүн хойр нег-негнәсн салу хол бәәхләрн, теднә зүркднь бульглад, хойраднь чигн амр өгл уга бәәсн цагтнь, эн хойр ямаран чигн эвәр негн-негнләһән харһх зөвтә болҗ һарна. Буульсн иңгн болн бульглсн зүркн хойриг хоорнднь холвлҗ, «буульсн ингинь ботхнднь күргх зөвтә», «бульглсн зүркинь иньгтнь күргх кергтә» гиҗ эн үлгүрт орулҗ келгднә. Тегәд иңгн темәнә буульлһнла күүнә зүркнә бульгллһиг эн хойр олмһа сәәхн уйлһта үгмүдиг дүңцүлҗ, үлгүрт орулҗ келлһн басл гүн ухатаһар хол тоолвртаһар келсн үгмүд.

БУУР ҮКХЛӘ, БОТХАР БОСДГ.

Ямаран чигн өрк-бүлиг нег күн толһалҗ һардна, тер өңгрсн цагт, терүнә дарукнь ормднь зогсна. Эн һанцхн өрк-бүлин тускар келгдҗ бәәхш, көдлмшин туст энүг бас олзлҗ болҗана. Юн чигн мал өсхләрн, төлән авч өсдг гиҗ келгдҗәнә. Үлгүринь келхд. кемр буур үкхлә, терүнә ормд эр ботхн өсәд, нас авад ирхләрн, буур болҗ зогсна. Юн үкв чигн, терүгәр дутхш, терүнә ормд дарукнь өсәд, бас терүнә үүл даана гисн чинртә үг.

БУУРИН МУНЬ — БОТХНЛА, КҮҮНӘ МУНЬ — КҮҮКДЛӘ.

Энүнд му күүг му буурла дүңцүлҗәнә, юңгад гихлә, тедн бичкдүдлә наадна. Бичкн күүкдлә наадсн бөдүн күүнд ямаран ухан бәәх, терүнд талдан кергго болад, бичкн күүкдлә наачана. Терүг шалһҗ, бурушаҗ сүв-селвг энүнд өггдҗәнә.

БУУРХ ЦАГТ — ШУЛМ НӨКД, БУЛХ ЦАГТ — ГЕЛҢ НӨКД.

Энүнд шулм гелң хойриг дүңцүлҗ. Кезәнә әмтн шулм бәәх гиҗ иткдг билә, тегәд терүнәс әәһәд гемтдг билә. Нөөртән шулмла харһсн болад, зүүд үзчкәд, терүнәс көлтә седклин гем ирәд йовдг саам бәәнә. Тер учрар буурх цагт юн болвчн дәәсн гиҗ келгдҗәнә. Күн өңгрсн цагт, терүнә цогц деер гелң ирҗ, ном умшад, терүнә «сүмсиг» цааран хәләх үклин һазрт (эрлг номын хаанад) эрт күрхд нөкд болтха гисн чинртә ном умшсн учр деерәс авн, үкх цагт, гелң нөкд болна гиҗ келгднә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США