Бийд уга зовлҢ — кҮҮнд медгддго.

↑

⇐ ПредыдущаяСтр 23 из 156Следующая ⇒

БИЙД УГА ЗОВЛҢ — КҮҮНД МЕДГДДГО.

Зовлң эс үзсн күн талдан күүнә зовлң медшго гиҗ, энүнд келгдҗәнә. Зовлңгиг медхин кергт терүнә зовлңгиг шинҗлҗ хәләх кергтә, тегәд терүнлә зовлңгинь хамдан хувацх кергтә гисн сурһмҗ энүнд өггдҗәнә.

БИЙИН ҮНР БИЙД МЕДГДДГО.

Эврә дуту-дунд бийд эс медгддгин тускар энүнд келгдҗәнә. Кен чигн күүнә заң-бәәртнь, ухан-седклднь, цогц-махмудтнь, кесн-күцәсн үүлдвртнь дуту-дунд харһна. Болв тиим болдг болвчн, күн болһн тер эврәннь дуту-дундан, нанд тиим дуту-дунд бәәнә, мини кесн үүлдврт тиим хаҗһр бәәнә, иим дуту-дунд бәәнә гиҗ, бийнь бийән шалһҗ гемшәдг күн йир ховр болн берк болх. Тегәд чигн эн йовдлас үлгүр, иш авад, «бийин үнр бийд медгддго» гиҗ келгднә.

БИЙИН ШҮРҮН — БИЙД ҺӘ БОЛДГ.

Модьрунар, күүнлә эл угаһар, азд үг олзлҗ күүндхлә, тер бийднь һә, харш болдг гисн чинртә үгмүд. Тер учрар шүрүлкҗ, керлдҗ, әмтнд шүрүн му заңган медүллһиг бурушаҗ, терүг шалһҗах сүв-селвг өггдҗәнә.

БИЧКН — УУЛЬҖ, ИК — ИЧҖ.

Бичкн күүкдлә ик күн нааддмн биш, тер уульх гисн чинртә үлгүр. Эн үлгүрт медәтә болн баһ наста хойр күүнә тускар келгдҗәнә. Ик гисн медәрсн күн, нернь будгдх, эвго, хаҗһр юм һарһхларн, ичнә, баһ наста (көвүн болвчн, күүкн болвчн) күн хаҗһр юм һарһхларн, әәһәд, әәмцәд, яахан эс медхләрн, уульна. Бүдүн ик наста күн хаҗһр һарһхларн, бийнь бийән гемшәҗ, бийнь бийән шоодҗ, шалһхларн, олн әмтнәс икәр эмәҗ, ичл уга бәәдг зөв уга болҗ һарна; баһ наста күн болхла, хаҗһр му йовдл һарһхларн, дотр бийнь үүмәд, икәр әәмцхләрн, яахан эс медхләрн, уульх зөвтә болҗ һарна.

Эн үлгүрин һол сурһмҗнь болхла; медәтә күн болвас, гемән медәд ичх зөвтә, баһ настань болхла, гемән медхләрн, әәх хөрх зөвтә гиҗ келгдҗәнә.

БИЧКН ЧОЛУҺАР ИК ЧОЛУ КҮҮЧДГ.

Эвтә-арһта болхла бичкн икиг диилдг гисн утхта үгмүд. Эн товчта үгин учр-утхнь болхла, бичкн чидләр ик чидлиг диилҗ болх гиҗ келгдҗәнә. Ик оврта, ик барата, болв күүрг чолуг бичкн болвчн, күүрг биш, хату чолуһар цокад кемтлә бәәҗ, терүг үр-мәр кеһәд хамхлҗ болдгнь ил медгднә. Үлгүринь келхд, ик зузан болн бөдүн төмриг һалд улалһчкад, баахн оврта төмр алхар дархн күн давтад цока бәәҗ, нимгләд, нәртхәд оркна эс гиҗ, хойр әңг болһад, тәәрәд чигн оркна. Бөк бәрлдән болсн цагт, хойр бөкин негнь баахн цогцта, маштг нурһта болвчн, ик оврта, ик цогцта, әвр ик өндр нурһта бөкиг диилнә.

Тегәд чигн эн деер келгдсн олн зүсн йовдлмудас үлгүр болн иш авч, «ик чолуг бичкн чолуһар күчдг» гиҗ келгднә.

Күндәрн кесг тонн татдг ацана автомашиг дорнь «домкрат» гидг бичкәхән эрәстә һар машиһәр өргҗ болдгнь кенд болвчн бас цугтад медгднә. Эн товчта үгин тускар авад келхлә, «нурһнь бичкн болвчн нудрмнь чиңһ болна» гиҗ келгднә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США