Буру хӘлӘсн эргд нарна герл тусдго.

↑

⇐ ПредыдущаяСтр 27 из 156Следующая ⇒

БУРУ ХӘЛӘСН ЭРГД НАРНА ГЕРЛ ТУСДГО.

Буру, хаҗһр ухата күүнд таньл, өңг-үр уга гисн үгмүд. Буру хәләсн эрг гисн хооран эс гиҗ ардагшан хәләсн эрг, тегәд чигн терүнд нарна толян кезәчн тусдго.

Хол тоолврта цецн үг зуг һанцхн эргин тускар келгдхш. Зәрмдән олн әмтн заагт күүнлә харһҗ, инәч-наач күүндвр кехәс зулад, даңгин маңсисн, миркисн, уурта бәәдл һарад, бийнь бий дотран бәәһәд бәәдг, үзсн-соңссан күүнд келдго, йир му заңта улс хая-хая харһна. Тиим күүнә тускар «олн әмтн заагт эн күүнтн күүнлә эл уга, күүнлә харһхас зулад йовдг, негл буру хәләсн эрглә әдл күн болдмн, иим күүнәс, мөр деернь мөңг хаяд, хол йовх кергтә» гиҗ, хойр күн хоорндан күүндхләрн, келцхәнә.

Тегәд олнас заагрҗ зулдг, даңгин бүтү хәләцтә, олн әмтнәс онцрҗ, ор һанцарн бәәхәр седдг күүг шалһҗ энүнд келгднә.

БУСЛСН ХОТ БОЛСН ТООТА, БОЛСН КҮҮКН ГЕРГН ТООТА.

Келлцсн, үгцсн үгмүдән хәрү цуцлхмн биш гисн утхта үг. Эн цецн болн хол тоолврта үлгүриг хальмг олн әмтн ик кезәнә ухалҗ һарһсн маһд уга. Болсн күүкн гисн зәңг орулсн, күргтә күүкн.

Буслсн хот болсн тоота гиҗ келлһн бас эн туст учр бәәһәд келгдҗәх үг гих кергтә. Хот экләд буслснасн авн, болх күртлән бусла бәәҗ, уг сүүлднь болдгнь медгднә. Юн чигн юмн кегдхләрнь, түрүн болҗ эклцәс эклнә. Үлгүринь авад келхлә, гер экләд бәрхләрн, юмна түрүн болҗ тер герин улнь тәвгднә, дәкәд оч герин бийнь бәргдҗ дуусгдна. Тегәд чигн экләд бәрсн гер тосхгдснд тоолгдна. Болсн (күн келчксн) күүкн гергнд тоолгдна гисн бас нег орта үг. Келәд болчксн күүкн уг сүүлднь хәрд һарл уга бәәшгонь бас ил медгднә. Тиим болхла, тер келәд болчксн күүкн күргндән одл уга мел бәәшгон төләд, терүг әрк ирснәснь авн гергнд тоолна.

Тегәд ахрар авад товчлад келхлә, юн чигн кергиг эклхлә, тер керг күцгдх зөвтә гиҗ эн үлгүрт келгдҗәнә.

БУСУДТ ХУДЛ КЕЛХЛӘ, БИЙИН ИТКЛ БУУРДГ.

Худлчд иткл уга гисн үгмүд. Эн товчта үгиг хальмг олн әмтн ик кезәнә ухалҗ һарһсн үг гиҗ келх кергтә, учр юңгад гихлә, бусудт (харчудт) худл келхлә, тер худл келсн күн эврәннь итклән, тоомсран барна. Кен чигн күн олн әмтнд эс гиҗ харчудт негл дәкҗ худл келчкхлә, тиим күүг дәкҗ күн төрүц иткдгән уурч одхнь бас медгдх.

Олн әмтнд худл келсн күн итклән барна гисн сурһмҗ энүнд өггдҗәнә. Тиим худлч күүнә нернь цугтад соңсгдад, тер күн олна чирәд худлч нер зүүҗ, андрсн күн болна. Тиим күүг олн әмтн: «Энтн ичртән ишкә халчксн, ичрән мел төрүц гееһәд, худлчин цаадк худлч күн», гиҗ келцхәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США