БӨКН КҮН БИЙДӘН ЗӨВ ОРТА.

↑

⇐ ПредыдущаяСтр 24 из 156Следующая ⇒

БӨКН КҮН БИЙДӘН ЗӨВ ОРТА.

Бийнь бичкн болвчн, бийдән зөв чидлтә гисн үг. Кен чигн күн бийиннь кирәр, бийиннь кемҗәһәр, бийиннь чидләр кирцҗ, бийдән зөв юм кеҗ авдг гиҗ эн товчта үгд келгдҗәнә. Үлгүринь келхд, бийдән ор кеҗ авхларн, өмсх хувц уйҗ, һос уйҗ авх болвчн эс гиҗ юм хулдҗ авх цагтан болвчн, зуг бийиннь кирәр, кемҗәһәр, хавтхдан бәәх мөңгнәннь кемҗәһәр хулдҗ авдгнь ил медгднә. Бөкн гисн бөгчхр нурһн гисн үг. Кемр бөкн күн бийдән ор кеҗ авхларн, бийдән зовәр ор кеҗ авдмн гиҗ эн үгд келгдҗ бәәнә.

«Батан өмн ирсн көвүдиг эк-эцкнь өмсх, хувцтаһинь, эдлх хоттаһинь, махта, боорцгта дала-нала болад ирцхәдг билә. «Бөкн күн бийдән зөв орта» гиһәд, ахин авч ирсн белгинь авч ирсн седклднь ханад, хәрү өгчкв» (Эрнҗәнә К. «Һалан хадһл»).

БУЛҺРСН ҺАР — БИЙД АЦАН.

Күүнд дуту, тату-тартг, гемтә зовлңта, көдлмш кеҗ чадшго садн бәәхлә, тер ацан гисн чинртә үгмүд, һар булһрв чигн, көл булһрв чигн, нам күүнә альк болвчн мөчнь булһрхла, тер булһрсн мөчин әмнь тасрад, терүгәр, үлгүринь келхд, булһрсн һарар көдлмш кеҗ эс болсн цагт, тер булһрсн һар цогцд ацан болхас биш, тусан күргшго гисн үг. Кен чигн күүнә цогцнь эрүл-дорул бәәснәс сән юмн уга. Күүнә цогц-махмуднь бүтн-бүрн болхла, седкл-ухань чигн чик серглң болдгнь ил медгднә. Тер учр деерәс юн чигн ярвг, шалтг-шарвг күүнд ирхлә, тер хамг тоот цогцд ацан болна, тушаһан эркн биш хальдана.

Тегәд эн «Булһрсн һар бийд ацан» гисн товчта үгин үчр-утхнь болхла, күүнә нег мөчнь болвчн, булһрад, әмнь тасрсн цагтан, күүнә цогцд ацан болсн деерән, цогцд зовлң бас үзүлнә.

БУЛМГИГ ЗАХАСНЬ ЭКЛҖ ИДДГ.

Халун хотыг захаснь эклҗ идхлә, тер невчк көрглң гисн селвг энүнд өггдҗәнә. Булмг гисн — хәәлсн тоснд эс гиҗ хорһнд буслһад хуурсн һуйр. Терүг болһад, һарһад авад кехлә, авгтан йир һал әдл халун болдг төләднь, терүг идсн күн захаснь эс гиҗ ааһин көвәһәснь авч иддг зөвтә. Болһсн булмгин дундынь дегд халун болдгтнь тиигҗ идсн сән болдг төләднь, иигҗ келгдҗәнә. Эн товчта үг зуг һанцхн булмгин тускар келгдҗәнә гиҗ санхмн биш. Юн чигн халун хотыг, шиңгн болвчн, өткн болвчн, захаснь авч идхлә, тиим хотын халунь баһрдг төләднь, тиигҗ келгддг болсмн. Тедү мет ямаран болвчн ик көдлмшиг, захаснь, бичк-бичкнәр авад экләд кехлә, тернь эркн биш кегдх гисн сурһмҗ энүнд өггдҗәнә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов