Байна зӨӨр — хавтхд, угатян зӨӨр — седклд.

↑

⇐ ПредыдущаяСтр 20 из 156Следующая ⇒

БАЙНА ЗӨӨР — ХАВТХД, УГАТЯН ЗӨӨР — СЕДКЛД.

Байн күүг шалһҗ, терүнә ухан-зөөр зөөх, мөңг олх гисн седкл үзүлҗәнә. Угатя күн мөңгн, зөөр уга болвчн, тер седкләрн байн гисн учрта үг. Энүнд байн угатя хойр ухан-седкләр дүңцүлгдҗәнә. Байн күн ямаран чигн ик зөөртә, хавтхдан дала болсн мөңгтә болдг болвчн, түрү-зүдү бәәх күүнә зовлң медҗ, тер зөөрән түрҗ бәәх күүнлә мел төрүц хувацш уга. Угатя күүнд зөөр гих юмн уга болдг болвчн, седкләрн кенд болвчн, түрсн цагтнь, дөң-нөкд болхар седдгтнь, «байна хавтхднь, угатян седклднь» гиҗ амн үгин чимр болһҗ, эн үлгүрт келгдҗәнә.

Байн күн кедү ик байн болдг болвчн, мел терүнд бәәсн зөөрнь кезәчн баһ болсн болад бәәдгнь ил медгднә. Бийдән зовлң уга, түрү-зүдү уга бәәхләрн, күүнә зовлң медҗ, зовлңта күүнд дөңгән күргшгонь бас ил медгднә.

Угатя күн ямаран чигн түрү-зүдү бәәдг болвчн, эврән зовлңтаһан медсндән, нам седкләрн болвчн зовлңла харһсн күүнд дөң-нөкд болхар седдгнь бас медгднә.

Тегәд чигн, олн әмтн эн деер келгдсн учр-йовдлас иш авад, «байна хавтхднь, угатян седклднь» гиҗ амн үгин чимр кеҗ, эн үлгүриг олзлдг болсмн.

БАЙРЛСН КЕРӘ БӘӘГМТХӘ.

Күүнә хаалһин җирһлд ямаран болвчн байрлх юмн харһна. Тер цагт тиигҗ икәр байрлсарн эрдм-бардм кеҗ, әмтнд хәәкрҗ йовхмн биш гиҗ сүв-селвг энүнд өггдҗәнә.

БАТ УЙДЛ АЛДРДГО, БАТЫН ЭЭҖ УУЛЬДГО.

Ямаранчн кергиг батар, сәәнәр күцәхлә, күн эврәннь җирһлин хаалһд хаҗһр һарһл уга йовсн цагт, тиим бат күүнә ээҗ, юмнд зовҗ, уульшго гиҗәх чинртә үгмүд. Терүнә ээҗд уульдг учр уга, юңгад гихлә, терүнә керг цуһар батар, сәәнәр күцәгдҗәнә. Кергиг тиигҗ батар күцәлһиг энүнд бат уйдлла дүңцүлҗәнә, юңгад гихлә, бат уйдл хувцн элҗ одвчн, тер алдрдмн биш гисн чинртә үгмүд.

БӘӘСӘРН — БАЙН, СУУСАРН — ӨНР.

Бәәсән эдләд, күүнд үлү үзл уга, күүнәс юм хәәҗ сурлго, эврәһән эдлх кергтә. Өрк-бүл олн күүнәс тогтвчн, күн гисн юмн үлүддмн биш. Олн болвчн, цаглаһан өсәд-босад, әмтнә тоод орад, күн болцхах гисн олна сүв-селвг.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США