Ачсн мӨрнд — амр уга, аля кҮҮнд — ҖирҺл уга.

↑

⇐ ПредыдущаяСтр 15 из 156Следующая ⇒

АЧСН МӨРНД — АМР УГА, АЛЯ КҮҮНД — ҖИРҺЛ УГА.

Кенчн күн шулун көлгнд дурта. Тегәд тиим шулун мөрн даң гишң тохата бәәнә. Терүг цуһар унцхана. Ик кергт болвчн, бичкн кергт болвчн терүг олзлцхана. Тер учрар тиим шулун-дулун мөрнд амрл уга болна. Тедү мет аля күн гер уга, һазр эргәд, шишлң көдлмш уга бәәнә. Тегәд терүнд наадк әмтнлә әдл җирһл уга.

АЧТАГ ЭС АЧЛХЛА — АШТНЬ Ө-ҺУНДЛ БОЛДГ.

Кен чигн күн ач үзчкәд, тер ач күргсн күүнд ханснаннь тускар, ханлт кеҗ, эс келхлә, ачан күргсн күн аштнь өөлҗ һунддмн.

Тегәд чигн «ачтаг эс ачлхла аштнь ө-һундл болдг» гиҗ келгднә. Ачан күргсн күүнд аштнь эркн биш ханлт өргҗ, терүнд келх кергтә гисн цецн үгмүдәр энүнд сурһмҗ өггдҗәнә.

Күн болһна бәәдл-җирһлднь зәрмдән әвр ик түрү-зүдү болн зовлң үзгддгнь кенд болвчн медгднә. Тер цагтнь тиим зовлңла харһсн күүнд үнн цаһан седкләрн ачан үзүлсн күүнә тер ачинь мартад, ач үзүлсинь эс медсн болад йовхла, терүнәс даву ө-һундл уга, гисн чинртә юмн.

Күүнәс үзсн ачан кезә чигн, кен болвчн мел төрүц мартх зөв уга гиҗ, эн деер келгдсн, товчта үгд, күн болһнд сурһмҗ өггдҗәнә.

Ә

ӘӘЛД БӘӘХЛӘ — КҮРТДГ, АЛЬХНД БӘӘХЛӘ — ДОЛАДГ.

Бийдән бәәхлә, эврәһән эдлдг, уга болхла, өөрин улс нөкд болдг гих чинртә үлгүр. Әәл эс гиҗ өөр шидр, хоша хаҗуд бәәршҗ бәәх улст хот-хол, усн-түлән, көлгн, талдан чигн юмн бәәхлә, өгйәһәр болвчн, өңгәр болвчн авч хувацна. Эврә һарин альхн деер эс гиҗ һарт хот-хол, теҗәл-теткүл бийдән авч эдлҗ болх гиҗ эн үлгүрт келгдҗәнә. Үлгүринь келхд, нег хотнд эс гиҗ нег селәнд әәл-хоша, хоорндан сән-сәәхн бәәдг улс нег-негндән дөң боллцад, кенднь юн бәәнә, терүг хувацад, өгйәһәр болвчн, авлцад бәәцхәнә: мөңгн бәәв чигн, хот-хол, усн-түлән бәәв чигн, көлгн бәәв чигн, терүгәрн кен-негндән дөң-тусан күргәд бәәдг төләднь, эн үлгүрт келгдҗәнә.

«Альхнд бәәхлә доладг» гисн үлгүрин учр-утхинь авад шинҗлхлә, эн үлгүр бас олн әмтнә бәәдл-җирһләс авгдсн үлгүр болдмн гиҗ, келх кергтә. «Альхнд бәәнә» эврә бийин һарт бәәнә гиҗ, келгдҗәхнь ил медгднә. Энүнә учр-утхнь болхла, эврә һарт бәәх юмиг, тер дурарн эдлҗ чадх зөвтә гиҗ келгдҗәнә. Үлгүринь келхд, хавтхдан бәәсн мөңгән, гертән бәәх хот-хоолан, хувц-хунран, көлгән болн нань чигн эврәннь һарт бәәх тер хамгиг эзлгч күн эврәннь сансн санаһарн эдлҗ чадҗана гиҗ эн үлгүрт келгдҗ бәәнә гиҗ, келх кергтә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману