Амта кҮҮкиг баранд хуравчн, болдго.

↑

⇐ ПредыдущаяСтр 10 из 156Следующая ⇒

АМНЬ АЛТАД, ААРЦГНЬ ШОРАД.

Керг күцәҗ чадшго болхла, амарн көөрхмн биш гисн үлгүр. Энүнд амарн ю болвчн кечксәр йовдг күүнә тускар келгдҗәнә. Амарн Алта уулд күрчксәр, бийснь болхла одачн нег ормдан бәәх, аарцгарн шорад бәәдг улсин тускар, келгднә. Кеһәд уга юман кечксәр, күцәһәд уга юман күцәчксәр, йовсн әмтнә тускар һарһсн үлгүр.

АМТА КҮҮКИГ БАРАНД ХУРАВЧН, БОЛДГО.

Эн товчта үгмүдт һанцхн амта күүкнә тускар келгдҗ бәәхмн уга гиҗ келх кергтә. Энүнд хойр күүнә хоорнд орлцад, эс сурсн бийнь үг келдг күүнә тускар келгдҗәнә. Сул амта, үг келхдән ик дурта, үнн худл хойрин заагур мел зогслго үг келәд, бурад орлцад йовдг күүнә өмнәс сөрүд кеҗ, үзг-чиг уга үг келәд йовдг улсиг шалһҗ келҗәх товчта үг гих кергтә.

«Амта күүкиг баранд хуравчн, болдго» гисн үлгүриг санад, эндү һарһчксан Амрхн оратҗ медв. Өрүнә Арслңгиг орҗ ирхд күүндврин хоорнд орулҗ, эцкиннь тускар келхәр Амрхн шиидлә, болв нөөрнь күрәд, әрә торчасн көвүнд тер үг келшгоһар седв. Ода эврәннь отхн көвүндән байрлтха гиһәд, Арслң хәрү ирхинь келхәс биш, эцкиннь тускар Хүрмчә Арслңд келх гиҗ, ухалсн уга. Тегәд үкрән экләд сааҗаһад, тер зәңг Арслңд ямаран седкл орулх гиҗ санад, күцц саалго, эврән тер зәңг соңсхҗ, яһҗ байрлдгинь үзхәр шиидәд герт орҗ ирв. Зуг хойр көвүнә бәәдләр: Хүрмчә сүрдсн бәәдлтә хооран, үүдн тал цухрхла, Арслңгин нүдн төгргтәд, чирәнь цәәһәд, герин тал дунд зогсҗасинь һаһань үзн, эврәннь эндүһән медв. «Амта күүкиг баранд хуравчн, болдго» гиһәд, чи, хәәмнь, тесҗ чадсн угайчи? — гиҗ Амрхн көвүндән ууртаһар келв». «Баран» гисн ишкә герин деед барун бийд хурачксн үв-эд (хувцн-хунр), авдр, үкүг, девл, ширдг.

АМТТАГ УУВ ГИҖ — АМНЛА НААЛДДГО, АЛТТАГ УНВ ГИҖ — ААРЦГЛА НААЛДДГО.

Эн үлгүрин учр-утхнь болхла, әмтәхн хот ууҗ идсәр, цогцд тус күргшго, алтн эмәлтә мөр унсар, күүнә хойр һуйла тер наалдшго гиҗ эн үлгүрт келгдҗәнә. Болв эн цецн үлгүрт амтта хот уухмн биш, алтн цокарта эмәлтә хазарта мөр унхмн биш гиҗ келгдҗ бәәхш. Хотын сәәһинь хәәһәд, әмтнәс йилһү сән амтта хот-унд уухар, олн әмтнәс онц болн өвәрц эмәлтә-хазарта мөр унҗ, бийән әдл улсас йилһҗ, онцрхар, караглхар седдг улсин өмнәснь сөрҗ, тедниг шоодҗ бурутлһна тускар һарһсн ухан-заавр.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология