Алтыг Һазрас авдг, медрлиг дегтрӘс авдг.

↑

⇐ ПредыдущаяСтр 7 из 156Следующая ⇒

АЛТЫГ ҺАЗРАС АВДГ, МЕДРЛИГ ДЕГТРӘС АВДГ.

Алтн һазрин өр дотр бәәдг зөөр, медрл дегтрт бәәдг гиҗ, эн үлгүрт келгдҗәнә, тер учрар медрл авх саната күн, дегтр умшх зөвтә гисн чинртә үгмүд.

АЛЬД ЭС АСХРСН ЦУСМБ, АЛЬД ЭС ӨГРСН ЯСМБ?

Өшәтнәс әәҗ, әмән әрвлшгов, цусн асхрад чигн одг, ясн хумхарад чигн одг гисн чинртә зөрмг баатр күүнә үг. Өшәтнәс сүрдл уга, әмән әрвүллго, өшәтнә өмнәснь зөрәд дәврсн цагтан, хальмг олн әмтнә үүдәвр «Җаңһрин» баатрмудын келдг үлгүр эс гиҗ тер баатрмуд эзн Җаңһриннь даалһврар хортнлаһан бәәр бәрлдхәр һарад йовҗ бәәһәд, андһаран тәвхләрн, келдг үг. Үлгүринь келхд, Буурл һалзн мөртә Бульңһрин көвүн Догшн Хар Санлд эзн богд Җаңһр иим даалһвр өгнә: «Бульңһрин Догшн Хар Санл минь, би чамаһан нег хәр һазрт зарн гиҗ бәәнәв. Зархларн, күдр Зарин Зан тәәҗ хаанд: Эл (эв) болхла, ээлинь соңсад, мини күргҗ кел гисн үгиг келәд ирич» гив. «Эл болад бәәхлә, тавн җилә татлһ, миңһн нег җилә алв өгч, оруд нутг болхлань, болх аминь авч ирич; дән болад бәәнәв гихлә, хар-цоохр тугинь шуучҗ хавтхлад, нәәмн түмн хар һалзн агтынь нанд көөҗ авч ирич» — гив.

Санлнь далн күн дамҗлдг далһа шар шаазңгар дараһар далн нег дарв. Анчл богд зүркнь әәвлхәһинь гүвдәд, арвн хойр сүрәнь амн талнь деврәд, арвн цаһан хурһнь альхн талнь үүмлдәд, «Өгрәд одхнь, ааһ ясн бишв, асхрад одхнь, ааһ цусн бишв!» — гиҗ, Санл сүрәлкҗ келхләнь, ома цаһан зүркнь урдус гиҗ халад, эргдг хар нүднь йораларн арвн хойр эргәд, алдр Җаңһриннь зәрлгәр морднав, эвтә буурл мөрим тохҗ өгтн гиҗ, хәәкрв. Эн күүнд сүр орулдг хурц үгтә үлгүр эзн Җаңһрин баатр болһн, хәр һазр орад йовҗ бәәһәд, эзн Җаңһртан андһаран өгч келдг үлгүр.

АЛЬМН ИШӘСН ХОЛД УНДГО.

Юн болвчн тохман дурана гисн үгмүд. Эн товчта үгмүд келгдхләрн, негдвәр, альмн бүчрәсн тасрад унхларн, тер урһсн моднасн эс гиҗ эврәннь ишәсн холд ундго, терүнәннь өөрнь ундгин тускар келгдҗәнә. Хойрдвар, юн чигн темсн эс гиҗ зер-земш болвас эврәннь уңган дахдг, уңгасн холд оддго, терүнләрн мел кезәчн залһата, холвата болдг гиҗ энүнд келгдҗәнә.

Эн товчта үг күмн-әмтнә тускар чигн бас келгднә. Үлгүринь келхд, эк-эцкнь аля-азд, елдң, хулхач-худлч, хуурмг, му заңта болхла, теднәс һарсн үрн-саднь чигн зәрмдән тер эк-эцкиннь му заң-авъясиг авч өсцхәнә гих утхта үлгүр.

Чик седклтә, сән саната, хуурмг биш, ухата, хол тоолврта, гүн медрлтә, сурһуль-эрдмтә, олнд тусан күргҗ дөң-нөкд болхар, кезәд чигн седдг, сән җөөлн заңта эк-эцкәс һарсн үрн-саднь чигн, нурһлҗ, тер хамг сәәһинь бийдән авч, тедниг дураҗ өсцхәнә.

Эн деер келгдсн учр-йовдлыг мал-аһрусна болн урһмлын халхар олзлҗ болхмн: сән тохмта малас сән төл һарна, тәрәнә сән экнәс сән болн өөдән кемҗәтә урһц урһна. Эн туст үлгүрләд келхлә, ик үстә, ик цогцта-махта үкр сән тохмта бухла харһулхла, теднәс һарсн төлнь (туһлнь) бас терүг дураҗ, сән тохмта болҗ өснә. Шүрүн нооста хөөг торһн нооста тохмта хуцла харһулхла, тер хөөнәс һарсн хурһна нооснь ясрҗ, җөөлрнә. Сән һарцта буудян экәр тәрә тәрхлә, тер тәрәнә урһцнь ик өөдән болҗ һарна. Хурдн, сән бәәдл-урһцта гүн мөриг тохмта аҗрһла харһулхла, тер гүүнә төлнь (унһнь) бас хурдн болҗ һарна. Эн хамг йовдлас иш авч, ик кезәнәс нааран амн үгдән чимр кеҗ, товчта үгдән орулҗ, «альмн ишәсн холд ундмн биш» гиҗ келлгднә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?