Аля амрдго, Һашун кӨрдго.

↑

⇐ ПредыдущаяСтр 8 из 156Следующая ⇒

АЛЯ АМРДГО, ҺАШУН КӨРДГО.

Аля күн удан җирһҗ чадшго. Тер лавта медгднә, тиим күүг шалһҗах чинртә үлгүр. Энүг товчта үг биш, үлгүр гих кергтә: энүнд даршлһ бәәнә, терүгәрн эн товчта үгәс янзарн йилһрнә. Тегәд эн үлгүрин үчр-утх: күмн-әмтнә бәәдл-җирһләс иштәһәр келгдҗ. Алятад, әрк ууһад, көзр наадад, бийән олн әмтн заагт чикәр эс бәрҗ чаддго күүнә тускар келгдҗәнә. Аляд амрл угаг кен болвчн ил меднә. Тегәд чигн тиим алятсн күүг «алятҗ одсн, җирһлин чик хаалһас һарад, зовлңгин хаҗһр хаалһд орсн күн» гиҗ эн үлгүрәс иш авч олн әмтн келнә. «Һашун көрдг уга» гисн үгмүд йирин медгднә, терүг үлгүрт даршлһ кехин төлә орулҗ.

АЛЯ ӘРК ХОЙР — АХ-ДҮ ХОЙР.

Аля кесн күүг эркнч күүнлә дүңцүлҗәнә. Аля чигн сән авъяс биш, эркнч күн бас тедү мет му заң-авъяс һарһдг күн. Аля болвчн, әркнч болвчн эн үлгүрт гемшәгдҗ, тиим буру йовдл һарһхмн биш гисн сурһмҗ энүнд өггдҗәнә.

АМАР КЕЛХД АМР, АВАД КЕХД КҮЧР.

Юн чигн кергиг кехмн, күцәхмн гиһәд, күн болвас амарн келҗ чадхмн. Үлгүринь келхд, худг малтад, ус һазр дорас һарһҗ авхмн гиҗ, амар күн болһн келҗ чадхнь амр. Болв тер худгиг, күрз авад, һазр цоолҗ, малтад, ус һарһад автл, дала болсн көдлмш кех кергтә болҗ һарна. Эс гиҗ эн товчта үг күүнә бәәх җирһллә холвата үг болҗ һарна. Учр юңгад гихлә, үлгүринь, һазр хаһлад, тәрә тәрәд, урһц урһаһад, тер урһциг хураһад, эд-бод кеһәд автл, бас дала ик көдлмш кех кергтә. Эс гиҗ мал өскх керг авад хәләхлә, малыг (үкр, хөн, мөрн) болн талдан чигн зүсн-зүүл мал өскхмн гиһәд, амар келхд амринь кен чигн күн меднә. Болв тер мал өсклһнә кергиг күцәх болад ирхлә, бас дала болсн көдлмш кегдх болҗ һарна.

Тегәд чигн олн әмтн, эн товчта үгәс иш авч, «Амар келхд амр, авад кехд күчр» гиҗ, үгиннь чимр кеҗ келдг болсмн.

Эн товчта үгиг шуд һооднь авад, учр-утхинь шинҗлхлә, юн чигн кергиг амарн келәд күцәхәр седдг күүг бурушаҗ, эврән бийснь һарарн авч керг күцәхдән дурго улсиг шалһҗах чинртә үгмүд.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США