АҖГЛАД БӘӘХЛӘ, АҖРҺ ЧИГН КЕЕЛТӘ БОЛҖ ҮЗГДДГ.

↑

⇐ ПредыдущаяСтр 5 из 156Следующая ⇒

АҖГЛАД БӘӘХЛӘ, АҖРҺ ЧИГН КЕЕЛТӘ БОЛҖ ҮЗГДДГ.

Юн чигн юмиг дегд давулад шинҗләд бәәхлә, тер өвәрц болад, ямаран чигн нег темдгтә болна гисн үг. Аҗглна гисн үгиг хальмг келнд шинҗлнә гисн үглә өөрхн үг гиҗ, медх кергтә.

АҖРҺ УНСН КҮН — ДОВТЛМТХА, ӘРК УУСН КҮН — БУРМТХА.

Аҗрһ тарһн, цадхлң, тавар бәәдг мөрн. Тиим мөрн деер һарад суухла, зогсҗ өгл уга, телүләд, гүүхән хәәһәд бәәдмн. Терүнә нурһн деерк эмәлд суучкад, җолаһан сулдхад, босн ишкләд оркхла, мөрн гүүхәр седнә. Әрк икәр ууһад согтсн күн тер әркдән даргдад, серлән гееһәд, болх-болшго үг келәд, бурад бәәдмн.

АҖРҺ УНСН КҮН — ДОВТЛМТХА, ӘӘРГ УУСН КҮН — КЕКРМТХӘ.

Аҗрһ мөрн кезәчн тарһн, цадхлң, тегәд тер тогтнҗ бәәхш, йовхдан дурта, терүг унсн күн болвас довтлхдан дурта. Әәрг (чигә) — ишклң хот, тегәд терүг уусн күүг ишклңгәр кекрүлнә. Тер төләднь әәрг уусн күн — кекрмтхә гиҗ, келнә.

Эн цецн тоолврта, гүн ухата үлгүр зуг аҗрһ унсн күүнә, әәрг-чигә уусн күүнә тускар келгдҗ бәәхш гиҗ, келх кергтә. Адун дотран аҗрһ мөрн күчтә-чидлтә, кезәчн тарһн-цадхлң, амр-тавар бәәдгнь кенд болвчн ил медгднә. Болв эн үлгүрт амр-тавар бәәлһдг, чидлтә-чимгтә, шулун йовдг мөр унсн күн болһн довтлхдан дурта гиҗ, бас келгдҗ бәәнә. Зуг әәрг-чигә уусн күн кекрмтхә биш, нам ямаран чигн ишклң амтта унд уусн күн болһн, кекрмтхә болдмн гиҗ, келх кергтә.

АҖРҺНЬ — АЛГ, УНҺНЬ — БУЛГ.

Күн болвчн, мал-аһрусн болвчн, эцкиннь нег йилһү темдгинь авч, һардгин тускар энүнд келгдҗәнә. Үлгүринь келхд, алг аҗрһла харһулсн гүүнә унһн нег цаһан темдг авч һарна. Цаһан шииртә, төөлтә, цаһан булгта болна. Урһмлын халхар болхла, ямаран экәр тәрән тәргднә, терүнә урһмл тиим болх зөвтә. Үлгүринь авад келхлә, ик урһц өгдг буудян экәр тәрә тәрхлә, тер тәрәнә урһцнь бас өөдән болдг гиҗ, келх кергтә.

АЛГ-АЛГ ГИХЛӘ — АМ-ХАМР ДОЛАДГ.

Сән-сән гихлә, улм давад бәәдг гисн чинртә үгмүд. «Алг» гидг нохан нерәр келгдсн товчта үг. Болв эн товчта үг зуг эн алг нохан тускар келгдҗ бәәх үг биш. Тиим зүстә болн нертә нохас бәәнә. Йирин күүнлә эс гиҗ эзнләһән иҗлдҗ одсн нохаг, толһаһинь иләд, таалхла, тер ноха өвр деер өмн хойр көлән тәвәд, таалҗ бәәх күүнә ам-хамр доладгнь бас медгднә. Болв эн товчта үг зуг нохан тускар келгдҗәхш. Зәрмдән таньдг-үздг иньг-амрган дегд давулҗ магтад, әвртә сән күн гихлә, тер күн бийән магтсн күүнд зуһудад, тер күүг бий талан улм өөрдхҗ авхар седәд, тер күүнә дал-ээминь иләд, көлднь мөргн алдад оддг улсин тускар эн товчта үгд келгдҗ бәәнә.

Олн әмтн заагт зуһу, дегд давад, кел-аман бүлүдәд, болх болшго үг келәд бәәдг улсиг «Алг-Алг» гихлә — ам-хамр доладг» гидг үлгүрәр тедниг шалһҗана.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте