Амнас алдрсн Үг алд-делм сундг.

↑

⇐ ПредыдущаяСтр 9 из 156Следующая ⇒

АМНАС АЛДРСН ҮГ АЛД-ДЕЛМ СУНДГ.

Келсн үг йир шулуһар холд тарад йовҗ одна гисн утхта үгмүд. Тер учрар үгиг келхләрн, болһаҗ, үлү орулл угаһар, тер кевтнь келҗәх зөвтә. Арһта болхла, олн үг келхмн биш, үгин цөнь сән гисн сурһмҗ энүнд өггдҗәнә. Эндүһәр келсн үг алд делм сунна гисн — тиим түргәр холд тарна гиҗ, энүнд келгдҗәнә.

Дәкәд болхла, күүнә келсиг цугтнь үннд тоолҗ болшго гисн утхта үгмүд. Эн үг эврәннь тустан бас учр-йовдлта гих кергтә, учр юңгад гихлә, авгтан келсн күүнә амнас һархларн, эн үг нег учрта, нег кемҗәтәһәр һардгнь мел лавта.

Болв тер үгиг соңссн күн, бийәсн деернь немҗ келәд, терүгинь соңссн талдан нег күн деернь бийәсн немә йовҗ, тер үг түрүн келснд немгдә йовҗ, түрүңк учр-утхнь сольгдҗ өсәд, «алд-делм» сунад оддмн гиҗ эн товчта үгд келгдҗәнә. Үлгүрнь, Манҗин Нимгрин «Колхозин туск келврт» иигҗ бичгднә: «Колхоз бүрдәҗәнә, малмудан негдүлхмн», — гисиг соңссн күн, деернь немәд, «нег ик хәәснәс хот уухмн, така, нохаһан бас негдүлхмн» — гиҗ немҗ, зәңг тархав. Эс гиҗ «Өңгрсн сө мана хотна хөөнд чон орад, хойр хөөнә күзүһинь хазад, идчкәд йовҗ оч» — гихләнь, тер шин зәңг соңссн күн талдан нег хотнд ирәд, келхләрн, деернь бийәсн немәд, хотнд хөөнднь хойр чон орад, хөрн хөөнәннь күзүһинь хазад, идчкәд, йовҗ оч», — гиҗ келхлә, тегәд нег күүнә амнас һарсн үг «алд-делм» болҗ сунна гидг тер.

АМНД ОРШГО ХОТ, НҮДНД БИЧӘ ҮЗГДТХӘ.

Өлн күүнә тускар келгдҗәх үлгүр. Өлсҗ йовсн цагтан, күн ямаран болвчн хот иддг зөвтә. Тер цагт күн идҗ болшго эс гиҗ цогцд таасмҗ уга хотчн идгдҗ одх зөвтә. Тиим хот идхәр, терүг үзл уга бәәсн деер гисн, учр-утхта үгмүд.

АМНДАН — ӘМТӘХН, АРДНЬ ҺАРХЛАРН — ТОНХАР СЕДДГ.

Зәрмдән чирәһәрн харһад күүндхләрн, йир әмтәхн келтә күүг бий талан татад авчкдг әмтн харһна. Тиим күүнд иткәд, зәрм аңхун улс терүнд меклгднә. Тиим күүнәс саглх кергтә гисн, сүв-селвг эн үлгүрт өггдҗәнә. Тиим хойр чирәтә күүг эн үлгүр илдкҗ шалһҗана.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров