АВСАР — БАЙҖДГО, ӨГСӘР — ҺАРУТДГО.

↑

⇐ ПредыдущаяСтр 4 из 156Следующая ⇒

АВСАР — БАЙҖДГО, ӨГСӘР — ҺАРУТДГО.

Әмтн заагт күүнәс юм сурҗ авдг авъяста улс бәәнә. Тиигҗ мөңг сурҗ авч, күн байҗдг уга гиҗ энүнд келгдҗәнә. Болв зәрмдән өгәчнр улс бас харһна. Тедн юм хармнл уга әмтнд өгәд, дөң-нөкд болцхана. Тиигҗ өгсәр, тер күн һарутшго, угарш уга, юңгад гихлә, тер бәәсән цугтнь өгшго, терүнә ору ик болсар, өгчәнә гиҗ, келх кергтә. Тер учрар күүнәс хармч күүг бурушаҗ, өгдг күүг таасҗ, эн үгмүдт келгдҗәнә.

АВХД СӘН, ӨГХД ДУРГО.

Юм авхдан дурта әмтн бәәнә, болв тер өгйәһәр авсн өрндән ора әмтн бас бәәцхәнә. Кенчн күүнәс өгйәһәр авсн өрән эркн биш өгх кергтә гисн сурһмҗ өгч, өрндән ора күүг энүнд бурушаҗ келгдҗәнә. Зәрмдән бийнь күүнәс юм сурад авдг әмтн бәәцхәнә. Авхдан тедн йир дурта, болв тедн күүнд юм өгхдән дурго гиҗ, тедниг бас бурушаҗ шалһҗах үгмүд.

АВХЛА — ӨРН, ӨГХЛӘ — ӨҢГ.

Күүнәс юм сурҗ авхла, тер өрнд тоолгдна, терүг хәрү өгх кергтә. Болв зәрм өгәчнр улс күүнд юм өгхләрн, хәрү авшгоһар, өңг-үүртән дөң болҗ өгдг саам бас бәәнә. Тиигҗ өгсн мөңгн — өрн биш, терүг өңг гиҗ келцхәнә. Тер учрар сурад авсн мөңгиг өрн гиҗ тоолцхана, өгчәх күн бийнь сән дурар өгхлә, терүг өңг гиҗ келцхәнә. Өңг — үр, иньг-амрг, нәәҗ гисн чинртә үг.

АҺ ҮЗӘД ЭМӘН ГЕЕҖ.

Талдан сән-сәәхн хувцта күүкд кү үзәд, терүнд дурлад, эврәннь гергән һолсн цагт, эн үлгүр келгднә. Аһ хаана хатн гисн үг. Хатн күн хувцна сәәнинь өмснә, тегәд бәәдләрн эн таасгдна. Эм гисн залуд одсн күүкд күн, гергн, аваль. «Эм» гисн үгәс «эмгн» үг тогтсн болдг.

АДҺСН КҮҮКН ААВИННЬ БАРУН БИЙД.

Ямаран чигн кергиг адһл уга, тохнятаһар кехмн, эс гиҗ хаҗһр болх гисн чинртә үгмүд. Күүкн күн эртәр күргнд одхар, олн күүнлә үгцлдә бәәҗ, хәрд һарх наснь давад, эк-эцкиннь герт үлдсн күүкнә тускар келгдсн товчта үг. Болв адһсн күүкнә тускар чигн эн товчта үгд келгдҗәнә гиҗ болшго, учр юңгад гихлә, энүг чинрәрнь авч хәләх кергтә.

Юнчн керг-үүлиг, урдаснь сәәнәр тоолҗ ухалл уга, адһхла, тер сансн санан, тоолвр күцл уга чигн бәәдг саам бәәнә. Тер цагт эн үгмүд олзлгдна.

Эн товчта үгин учр-утхин һол ухань болхла — ямаран чигн үүлдвр күцәхләрн, адһл уга, аштнь юн болхинь урдаснь сәәнәр ухалҗ, тоолҗ күцәх кергтә гиҗ кенд болвчн сурһмҗ өггдҗәнә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов