Алдр кҮн Үкв чигн, нернь мартгддго.

↑

⇐ ПредыдущаяСтр 6 из 156Следующая ⇒

АЛДР КҮН ҮКВ ЧИГН, НЕРНЬ МАРТГДДГО.

Нертә, олнд туста күүнә нериг әмтн кезәчн мартшго гиҗ энүнд келгдҗәнә. Делкәд нернь туурҗ, цуг делкән әмтн нернь туурсн күүг меддг учр деерәс, тиим күн өңгрҗ одсна арднь чигн, делкә өңгрҗ деер бәәх цуг олн әмтн терүг мөңкинд мел төрүц мартхш.

АЛТН КЕДҮ КЕВТВЧН, ӨҢГНЬ ХҮВРДГО.

Сән кезәчн юмнд даргддго гисн үг. Алтн ямаран удан һазрт болн уснд кевтвчн, өңгән кезәчн алддго, хүврдго, зеврдгонь кенд болвчн медгднә. Болв эн товчта үгд, зуг һанцхн алтна тускар келгдҗ бәәхмн уга гиҗ, келх кергтә. Энүнд алтнас үлгүр авч, әмтә юмна болн әмн уганчн хамгин сәәһин тускар келгдҗ бәәнә. Үлгүринь келхд, күч-көлснд дурта, сурһульта, эрдмтә, медрлтә, ухата, тоолврта, билгтә күүг кедү муурулхар, дархар седвчн, тер күн даргдшго, алтн кевтә, нег кевәрн бәәх, нег ухаһан сольшго.

АЛТН ХӘӘЛХ ДУТМАН, ӨҢГ ҺАРДГ.

Зовлң үзх дутман, нег кевәр бәәдг күүнә тускар эс гиҗ талын сән, удан элдг зер-зевин тускар, эн үгмүдәр үлгүр кеҗ, келҗ болхмн. Эн товчта үгин учр-утхнь болхла, алтн хамгин хәәртә болн үнтә зөөр, алтн кезәчн төрүц үршго, өңгән кезәчн алдшго, алтыг хәәлх дутман, улм өңгнь герлтәд, гилвкәд бәәдмн гиҗ эн үгд келгдҗәнә. Болв энүнд зуг һанцхн алтна тускар келгдҗ бәәхш, юңгад гихлә, алтнла дүңцүлҗ, талдан чигн юмн бәәх дутман, кезәчн чинрән мел алдшго гиҗ, келҗ болхмн. Үлгүринь келхд, соньн, сән эрдмтә дууч-биич, бичәч, гүн номта, гүн медрлтә улсин эрдмнь бәәх дутман, улм өөдән һарад, өңгтрәд, чинрнь улм өөдләд, олн әмтнд нернь туурад йовна. Иим улсин туст эн үгмүд олзлҗ болхмн.

АЛТН ЭЛВГ ҺАЗРТАН ҮН УГА БОЛДГ.

Ямаран юмнчн элвг һазртан үнән геенә гисн чинртә үгмүд. Эн зуг алтна тускар келгдҗәх үг биш. Алтн ик үнтәг кен болвчн ил меднә. Энүнә һол учрнь: юн чигн юмн элвгәр, икәр бәәсн һазртан үннь тату болна эс гиҗ нам үн уга гиҗ, алтар үлгүр авч, келҗәх товчта үг гих кергтә. Алтн хатяр малтмл төмр, тегәд эн мел амрар олдхш. Тер учрар алтар үлгүр кеҗ, юмн ямаран үнтә болвчн, элвг һазртан үн уга гисн утхта үгмүд гиҗ, цәәлһх кергтә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов