Арвн ҮгӘс негинь бийдӘн тогтаҖ авхла, Тер Үг — зӨӨр.

↑

⇐ ПредыдущаяСтр 11 из 156Следующая ⇒

АҢ АҢГАС—АРАТ МЕКЧ.

Аратын мекиг әмтн цуһар медцхәнә. Зәрмдән мектә күүг арат күн гиҗ келцхәнә. Аратын мекин тускар хальмг амн үгин утх-зокъялд йир олн тууль келгднә, тегәд чигн эн аңгиг мекч гиҗ келцхәнә.

АРВН ҮГӘС НЕГИНЬ БИЙДӘН ТОГТАҖ АВХЛА, ТЕР ҮГ — ЗӨӨР.

Күүнә келсиг оньһҗ соңс, теднәс кергтәһинь тодлҗ ав гисн сурһмҗ уг-уңгдан тер зөөр болх гисн чинртә үгмүд. Кен чигн күн соңссн тоот соньн зәңгәс, күүнә келснәс, ядхдан, арвн үгәс негинь бийдән (толһадан) тодлҗ, тогтаҗ, медҗ авхла, тер зөөр болх гисн ухан.

Дегтрт, соньнд (газетд), седкүлд бичгднә, радиоһар юн соньн юмн соңсгдна, медрлтә, номта, сурһульта улсин келсн әәлдхврд (лекцд) болн күүндврт шин соньн-сормн юн бәәнә, хамг тер тоотас адг-ядхдан, баһ гихдән, арвн үгәс нам негинь болвчн тодлҗ, медҗ толһадан тогтаҗ авхла, кен чигн күүнә медрлнь өөдән һарч өсхнь лавта.

Эн товчта үгин чинрнь йир ик болн онц темдгтә. Дорас өсч йовх баһчуд эн товчта үгәс үлгүр, уха авч, олн зүсн халхар бичгдсн шинәс барлгдсн дегтрмүд, седкүл шунҗ, седклән сәәнәр тәвҗ, умшсн деерән, тер дегтрмүд, седкүлмүдт бәәх ода цагин олн әмтнә җирһләс иштәһәр һарсн шин төрмүдин тускар бичгдсн хамгиг тодлҗ, тогтаҗ, медҗ авхла, тер мел йоста ухани зөөр болх гиҗ, келх кергтә. Арвн үгәс негинь биш, нам тер арвн үгиг цугтаһинь толһадан тогтаҗ авхла, тиим йовдл кенд болвчн тусан күргхнь лавта.

АРВН ҖИЛД АТН БОЛХАР, НЕГ ҖИЛД БУУР БОЛ.

Олнд тус күргл уга, нерән һарһл угаһар, тоомср угаһар олн җилд йовхин орчд цөн җилд нертә, тоомсрта, әмтнд тусан күргәд, теднә зовлң-җирһллә орлцад йовсн деер гисн чинртә үгмүд. Кенчн күн нерән һуташгоһар, олн әмтнлә хамдан йовҗ, мел онц бийән хәләхин ормд олнд бас дөң-тусан күргҗ, цөн җилд болвчн күн кевтәһәр йов гисн сурһмҗ энүнд өггдҗәнә.

АРВН ЦӨГЦ ӘРК УУСН КҮН, АМИНЬ НОХА ДОЛАВЧН, АҢХРДГО.

Согтҗ, әрк уухмн биш гисн чинртә үгмүд. Эн сурһмҗ өгчәх үгмүд әркин хорха уусн, «әрк» гихлә, ухан-сегәһән алдад, арвн цөгц әрк өгв чигн, кевтнь уучкад, шал согтад, унҗ одсн цагтнь, ноха аминь долав чигн, меддм биш гиҗәх чинртә, дөгәһәд келҗәх, әрк бичә уутха гиҗәх үгмүд.

Әрк икәр ууһад согтсн күн юуһан чигн эс меддгнь бас ил медгднә. Әрк уусн кү гемшәҗ келгдҗәх үгмүд. Тиим күн, ноха аминь долах биш, хувц-хунринь тәәләд, чирм нүцкн үлдсн бийнь, мел төрүц медшго, аңхршго гиҗ келҗ болхмн. Әрк ууһад, согтсн күн болвас әмән әрвлш чигн уга, альд бәәхән медш чигн уга гиҗ, келх кергтә. Әркәс көлтә, зәрм улс әмнәсн чигн хольҗҗ оддг йовдл харһна.

Тегәд чигн әркәс көлтә, һардг хамг зүсн йовдлас уха авад, хол тоолврта товчта үгиг әркд авлгдсн күүһәр үлгүр кеҗ келдг болсмн.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США