Байн кҮн келмрч, тарҺн мӨрн йовач.

↑

⇐ ПредыдущаяСтр 19 из 156Следующая ⇒

БАЙН КҮН КЕЛМРЧ, ТАРҺН МӨРН ЙОВАЧ.

Урд хаана цагт эн үлгүр һарһсн болх зөвтә, учр юңгад гихлә, тер хуучн хаана йосна цагт күч-көлсәрн бәәдг улс төрүц юн чигн зөв уга билә. Тегәд чигн эн үлгүрт байн күүг тарһн мөрнлә дүңцүлҗ келгднә. Байн күн ю келнә, терүнә келсн үгнь кезәчн зөвтә болдг. Тарһн мөрн күчтә, терүг унҗ йовхд амр болн ицгтә төләднь, терүг йовач гиҗ келдг бәәсмн. Байн күн келмрч гисн бас учрта: урдк цагт хургт, селвлцәнд үг келдгнь байн билә, угатя күүнд тер келмрч болвчн, хургт үг келх зөв уга билә.

Өдгә мана цагт болхла, эн үлгүриг, хойр күн хоорндан амн үгин күүндвр кехләрн үгдән чимр кеҗ, олзлҗ чадхмн.

БАЙН КҮҮНӘ УНҺН-ДААҺН ЭРК, УГАТЯ КҮҮНӘ ҮРН-САДНЬ ЭРК.

Кезәнә хаана йосна цагт угатя улс геснә теҗәлин төлә, харһнҗ үкшгон төлә, баячудт заргдад, өрүн нарн һарснас авн нарн суух күртл кеер хонад, кец дерләд, маңнаннь көлсиг маңнадан түркәд, туһлын туруһар ус ууһад, туурһин хаһрхаһар нар үзәд, халун нарнд шаргдад,үвлин киитнднь даарад, байна мал хәрүләд йовдг цагт, байн күн эврәннь унһн-дааһан, хөөнәннь хурһдан,үкриннь туһлмудан ик зөөрт тоолҗ, тедниг угатя улсар арднь орулҗ хәләлһдг бәәсмн. Тиигҗ сәәнәр хәләҗ өсксн хурһн, унһн, туһл эркн болхнь лавта.

Эн деер келгдсн учр-йовдлас үлгүр авч, байн угатя хойриг дүңцүлҗ, « байн күүнә унһн-дааһн эрк, угатя күүнә үрн-саднь эрк» гиҗ, үлгүр кеҗ ухалҗ һарһв гих кергтә. Угатя күүнә үрн-садн эрк болх зөв уга, тедниг эрклүлдг эк-эцк көдлмшт, тедн даң өлсх, ундасх, даарх зөвтә, тегәд тедн уульдг боллта, тер учрар эдниг «эрк» гиҗ келсн биз. Баячудын күүкд уульх зөв уга, тедниг сәәнәр хәләнә, цаглань хотынь өгнә, тедниг хәләдг шишлң ялч бәәнә.

БАЙН НЕГ БОРАНА, БААТР НЕГ СУМНА.

Байн күүнә мал-гернь боран (цасн) орад, икәр киитрәд, мөстәд, зудрад, һазрин идг тасрҗ одхла, тер байна малнь зутад, үкәд чилҗ оддмн. Баатр күн дәәллдән болсн цагт, негл сумн тусхла, үкҗ оддмн гиҗ келгдҗәнә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману