Бура цагтан эс сурсн юмиг бурҺсн болчкад сурхд хату.

↑

⇐ ПредыдущаяСтр 25 из 156Следующая ⇒

БУМАС БУЛЬШГ ХАРМНДГО.

Ик мөңгнә кергәс бичкн мөңг хармнхмн биш гисн сурһмҗ энүнд өггдҗәнә. «Бум» гисн то өдгә цагт, болхла, зун миңһн гисн то болҗ тоолгдна, «бульшг» гисн то урдк цагт нег деншгин өрәлнь болҗ тоолгддг билә.

Тегәд эн «бумас бульшг хармндго» гисн товчта үгин һол учр-утхнь болхла «икәс баһиг» хармндго гисн үг. Үлгүринь келхлә, ик ору орх юмнас, баахн һару һарһхдан хармнад кергго. Эс гиҗ «бум оруһас бульшг хармнхмн биш» гиҗ чигн бас келгднә. Зәрмдән орх оруһинь урдаснь сәәнәр кинҗ тооллго, әрвлҗ, һарх һаруһинь тоолчкад, эн үүлдвриг күцәҗ болшго, дала һару һарч одн гиҗәнә гиһәд, иргч цагтан, һарһсн һаруһасн кесг арвн холван ик ору орулх кергиг күцәл уга зогсачкдг чигн йовдл харһна.

Баһ цагтан эс сурсн эрдмиг, батрад, бурһсн мет, тахшчкад, хатурчкад, дасхд ик зовлңта гисн сурһмҗ. Бура цагтан гисн баһ настадан гисн үг. Бурһсн болчкад гисн үг төлҗҗ, хатурҗ одчкад гисн үг. Тегәд эн «бура цагтан эс сурсн юмиг бурһсн болчкад сурхд хату» гисн чигн юмиг, сурһуль-эрдмиг, көдлмшиг, зүсн-зүүл медрлиг болн талдан чигн олн зүсн эрдмиг баһ настаһасн авн эс дасч, эс сурҗ, эс медҗ авхла, настарҗ ирчкәд дасхд, сурхд, медхд йир хату болн зовлңта болдмн гиҗ эн үгд келгдҗәнә. Үлгүринь авад келхлә, сурһулиг баһ настаһасн авн эс сурхла, медәрҗ ирчкәд сурхла, ик зовлңта болн хату болна. Домбр цокдг, гарма татдг, дуулдг-биилдг эрдмиг баһасн авн дасхд амр болдгнь бас медгднә. Тәмрин (спортивн) халхин зүсн-зүүл эрдмиг баһасн авн дасч авхла, амр болх зөвтә. Зург зурдг, шүлг бичҗ үүдәдг, модна урч, төмрин урч. һарин үүлч болҗ һархин төләд, баһасн авн эн хамг эрдмиг сурч дасхд амр болна. Тегәд эн «бура цагтан эс сурсн юмиг бурһсн болчкад сурхд хату» гидг товчта үг тиим сән сурһмҗ өгчәнә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология