БҮчр кедҮ нӘрн болвчн, темсӘн даадг.

↑

⇐ ПредыдущаяСтр 30 из 156Следующая ⇒

БҮЧР КЕДҮ НӘРН БОЛВЧН, ТЕМСӘН ДААДГ.

Күн, аһрусн кедү бичкн болвчн, үрән асрҗ чадна гисн чинртә үгмүд. Юм чигн темс бийәсн һарһдг, терүгән болһҗ урһадг урһмл тоот бийәсн урһҗ һарһсн темсән, терүнә бүчрнь кедү кевтә нәрн болдг болвчн, болад унтлнь даана. Үлгүринь келхд, альмна, кедмнә бүчрнь ямаран нәрхн болвчн, терүнә темснь бийәсн кесг холван ик болн күнд болдг болвчн, бүчрнь теднән даана. Күүнә күзүн кедү нәрн болвчн, толһаһан даадг. Ахрар келхд, йиртмҗд юнчн юмн нег-негнәннь кирцәһәр үүдҗ, терүнд үрәд-тарад одх юмн уга гисн утхта үгмүд.

Г

ГЕГӘНДНЬ МАЛ МАНМ, ГЕРЛДНЬ ҮҮЛ БӘРМ.

Йир кецү сәәхн гисн чинртә үгмүд. Эн товчта үг хальмг олн әмтнә баатрлг дуулврт ах баатрнь болгч Җаңһрин герин күүнә Аһ Шавдлын сәәхнә туск магталд орҗ иигҗ келгднә: «Арвн зурһата Аһ Шавдлын сәәхнинь авад келдмн болхла: «Цааран хәләхләнь цаад далан җирмәхә тоолгдм сәәхн, нааран хәләхләнь наад далан җирмәхә тоолгдм сәәхн; гегәнднь мал манм сәәхн, герлднь үүл бәрм сәәхн болдг болна».

ГЕЛҢ ЙОВСН ЗАЛУҺАС ЗӘӘЛ, БУХ ЙОВСН ЦАРАС ЗӘӘЛ.

Көдлмшт дасад уга модьрун царин болн күүнә тускар энүнд келгдҗәнә. Гелң йовад, гелңгәсн гедр хәрәд, хар болсн залу күн ахуч биш, көдлмшт дасад уга. Тиим залуһас хол йовхмн. Бухасн цар болхларн, тер урдк бух йовсн авъясан алдад уга, модьрун, му заңта, күүнә һарар сәәнәр эс залгддг төләднь, «бух йовсн царас зәәл» (хол йов) гиҗ келгднә.

Дәкәд деернь энүнә тускар домбрт келҗ дуулдг инәдтә, шогта дуунд иигҗ келгднә:

«Гелңгәсн гедр хәрсн ялдртнь одхшив,

Гериһән эргдг арвтднь однав.

Манҗасн хар болсн ялдртнь одхшив,

Малыһан хәрүлдг арвтднь однав».

ГЕР БӘРСНЬ — ҮҮДН ХООРНД, ГЕСӘН ИЛСНЬ — ДЕЕД БИЙД.

Көдлмш кеснь хоосн үлднә, терүг эс кеснь олврта болна гисн чинртә үгмүд. Энүнд көдлмш кедг уга залху кү шалһҗана. Мел тиим учр йовдл мана бәәх җирһлд чигн хара бишәр харһҗ үзгднә. Зәрмдән шин гер бәрлһнд мел төрүц эс орлцсн, көдлмш кел уга, гесән иләд кевтсн улс мек-тах һарһад, нәәҗ-нәәхәрн дамҗулад патьр авчкна, шин гер бәрлһнә тосхлтд күч-көлсәрн орлцсн, патьр авх зөвтә улс патьр уга, герин һаза, үүдн хоорнд үлдцхәнә. Эн үлгүрин чинрнь ода бийнь чигн алдрад уга гих кергтә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману