Алв салькн кедҮ кҮчтӘ болдг болвчн, ҺаҢхсн Өвсн хуҺрдг уга.

↑

⇐ ПредыдущаяСтр 33 из 156Следующая ⇒

ҺАЛВ САЛЬКН КЕДҮ КҮЧТӘ БОЛДГ БОЛВЧН, ҺАҢХСН ӨВСН ХУҺРДГ УГА.

Җөөлн седкл, сәәхн заң хатуг, догшниг, модьруниг диилнә гисн сурһмҗ. Үлгүрлхд, һалв салькн кедү дүңгә догшн болдг болвчн, цаһан өвсн мел төрүц хуһрхш, хамхрхш, юңгад гихлә, тер тедү дүңгә җөөлн, терүнд хамхрдг юмн уга.

ҺАЛЗУРСН НОХА ЭЗӘН ЧИГН ЗУУДГ.

Һалзу гем йир догшн, күчтә гем, терүнәс саглх кергтә гисн чинртә үгмүд. Ноха эзндән кедү ээлтә, дурта болвчн, һалзу гем ирсн цагт, кениг болвчн зууна, тер дотр эврәннь эзән бас зууна.

ҺАЛУ ДАХСН КЕРӘ УСНД УНҖ ҮКДГ.

Эс меддг, эс чаддг болхла, терүг чаддг кү дахҗ, терүнлә әдлцхәр седхмн биш гисн сурһмҗ.

Усчҗ эс чаддг күн чигн, усчҗ чаддг кү дахад көл уга гүн уснд орхларн, тер бас деер келгдсн керә шовун кевтә уснд чивәд үкҗ одх. Мөр унҗ дасад уга күн, мөр унад дасчксн кү дураһад, мөрн деер мордад, довтлнав гихләрн, мөрнәсн унад, көл-һаран булһлад, эс гиҗ, нам хуһлад чигн оркдг саам харһна.

ҺАНЦАР ДӘ ДӘӘЛҖ БОЛДГО.

Өшәтнлә һанцар бичә ноолд гисн үгмүд. Дәәсиг нег күн дәәлҗ чадшго. Тедү мет, күн һанцар юм күцәҗ чадшго гисн үгмүд.

ҺАНЦХН МОДН ҺАЛД ӨР БОЛДГО.

Юн чигн түләһәр һал түлхәр седх цагт, тер түлх һалд, өр өгх кергтә болҗ һарна. Үлгүринь авад келхлә, модар һал түлхәр седхлә, терүнд өр эс өгхлә, тер модн түлән шатч өгхшго, юңгад гихлә, терүнд түрүләд өр өгхмн. Энүнд һанцхн һалын өрин тускар келгдҗәхш. Эн үгиг күүнә бәәдллә чигн залһатаһар келҗ болна. Үлгүриннь келхд, өрк-бүлнь олн болхла, эзн эврән бийнь һанцарн көдлмш кеҗ, тедниг теҗәхд ик золвңта болад бәәдг саам харһна. Терүнә тускар энүнд бас «һанцхн модн һалд өр болдго» гиҗ келгдҗәнә.

ҺАР БУДГДХЛА — ХАНЦН ЧИГН БУДГДДГ.

Бичкн эндү һарһвчн, терүнд нерн буурна гисн сурһмҗ. Болв энүнд һар ханцн хойрин тускар келгдҗәхш. Үлгүринь келхд, кен чигн күн болвас хаҗһр һарһад, терүнәс көлтә нернь муурхла, тиим күүнә тоомсрнь чигн дорагшан орҗ муурна.

ҺАР ҺАРАН ТАНЬДГ, ҺАСН ШААВРАН ТАНЬДГ.

Һарарн авсан хәрү өгдг гих утхта үлгүр. Хойр әдл күн негдҗ үүрлхлә, терүнд бас эн үлгүр олзлгдна. Модн эс гиҗ төмр һасиг һазрт цокҗ орулх цагт, тер һасиг модн шааврар (төгрг бөдүн модыг ут моднд ишлхлә, терүг шаавр гиҗ нерәднә) цокна.

Болв эн үлгүр, зуг һарин, һасна болн шааврин тускар келгднә гиҗ болшго. Хойр күн хоюрн чигн нег-негнәннь му болн сәәһинь меддг болхла, эднтн һасн шаавр хойр гиҗ келцхәнә. Һасн шаавр хойр гисн эңкр үүрмүд. Тедн тедү мет ниицңгү, нег-негнәсн салшго, салҗ үүлдвр күцәҗ чадшго, тер учрар эн хойриг һасн шаавр хойрла дүңцүлҗәнә. Шаавр һасн угаһар һанцарн үүлдвр күцәҗ чадшго, һасн һанцар бас юм күцәҗ чадшго.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США