Даарснд Һал тҮл, Өлсснд хот ке.

↑

⇐ ПредыдущаяСтр 37 из 156Следующая ⇒

Д

ДААРСНД ҺАЛ ТҮЛ, ӨЛССНД ХОТ КЕ.

Түрү үзсн күүнд нөкд бол гисн чинртә үгмүд. Кезәңк цагт, эн үлгүр өргнәр олзлгдҗ йовсн болдг, юңгад гихлә, тер цагт, дулан гер уга болдг билә, хувцнь бас хаһрха-буурха билә. Хотнь тату-тартгнь ил медгдҗәнә. Герт ирсн күүнд түрүн болҗ хот кеҗ өглһн, хальмг күүнә нег сән авъяс.

ДАВСН БОРАГ ЗАНЧ АВЧ НЕКДГО.

Давҗ одсн кергиг ардаснь көөлдәд кергго гих, чинртә үгмүд. Хурт эс гиҗ цаснд бийән норһш уган төләд, күн занч хадһлдг. Болв хур орад эс гиҗ цасн орад гииҗ одсна хөөннь, тер давсн хуриг эс гиҗ цасиг занч авч, некәд тус уга гиҗ келгдҗәнә. Юн чигн юмн цагасн эс гиҗ болзгасн давад, өңгрҗ одхла, терүг ардаснь некәд кергго, мел тус уга гисн учр-утхнь энүнд бәәнә.

Давҗ одсн юмиг мартлго санх кергтә, болв терүг ардаснь некәд тус уга, кергго гисн сурһмҗ. Эн товчта үгин тускар күүнә бәәдл-җирһләс үлгүр авад чигн келҗ болхмн. Үлгүринь авад келхлә, иньг-амрг бәәсн хойр күн хоорндан, учр-йовдл харһад, цүүглддг чигн саам харһна. Тедн цүүгснәннь хөөн эвцәд, цүүгсн цүүгәһән мартчкад, дәкәд урдк кевәрн сән сәәхн бәәхләрн, уга болад өңгрҗ одсн цүүгәһән хәрү некҗ, мел цүүгш угань, кенд болвчн медгднә. Эс гиҗ хойр орн-нутг хоорндан, учр-йовдл һарсн деерәс, дәәлдә кеһәд, дәкәд хоорндан эвцә кеһәд, дәәлддгән уурч одхларн, дәкҗ тер өңгрҗ одсн өшәһән авл уга хәрү цүүгә кецхәхш.

ДАЛА ДӘӘВЛХЛӘ, ҖИРМӘХӘС ЧИГН ДӘӘВЛДГ.

Дән-дәҗг болхла, әмтә юмн цуһар зовна гисн, чинртә үгмүд. Дән кениг болвчн зована, дала дәәвлнә гисн нарт делкәд болҗах дән гисн чинртә үг. Җирмәхә хамгин бичкн болн үүрмг заһсн. Тегәд чигн эн товчта үгд җирмәхә үүрмг заһсиг эң-зах уга (эң-шаҗ уга) ик гүн уста далала дүңцүлҗ үлгүрт орҗ келгднә. Дала дәәвлсн цагт үүрмг җирмәхәст чигн амрл уга болад, тедн чигн далан дәәвллһнд цокгдҗ икәр зовҗ, үүлән үзнә. Тедү мет юн чигн ик юмн көндрҗ дәәвлхлә, тер ик юмн деер бәәсн хамг бичкдүд чигн көндрҗ зовна гиҗ эн үгд келгдҗәнә. Үлгүринь келхд, цаг-цагар һазрин моһлцг догдлҗ чичрсн цагт, һазр деер бәәршҗ бәәх хамг әмтә тоот бас көндрҗ, зовлң үзнә. Эн товчта үгин тускар келдг үлгүрмүд кесг олн учр-йовдлд орулҗ, келҗ болхмн. Үлгүринь келхд, теңгсәр, далаһар аца зөөҗ, әмт зөөҗ йовдг әвр ик кермс (корабльмуд), һалв салькн көдләд, теңгс, дала дәәвлхлә, тер керм дотр йовсн улс чигн бас дәәвлҗ зовлң үзцхәнә.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры