Ар кӨдлхлӘ, амн чигн кӨдлдг.

↑

⇐ ПредыдущаяСтр 34 из 156Следующая ⇒

ҺАР КӨДЛХЛӘ, АМН ЧИГН КӨДЛДГ.

Көдлмш кехлә, хот олдна, гих чинртә үгмүд. Һарарн көдлмш кехлә, кен чигн күүнд олвр ордг, тер орсн олврарн (җалварн) хот-хол хулдҗ авад, гесән теҗәнә. Көдлмш кеҗ олвр эс олхла, тиим күүнд мөңгн уга болсн учрар, хот-хол тер күн хулдҗ авдг арһ уга болсар, геснь өлсәд хоосн бәәнә.

ҺАРАРН БӘРӘД, НҮДӘРН ҮЗӘД.

Юнчн юмиг кехләрн, эс гиҗ келхләрн, лавта батлад медҗ авчкад, кел гисн чинртә үгмүд. Лавта медл уга күүнә келсн үгиг үннд тәвәд, тер йовдлд мел лавта үнн билә гиҗ келдг улсин өмнәс сөрҗ, тедниг шалһҗ, нүдәрн үзл уга, һарарн бәрл уга, тер тиим, эн иим гиҗ келхмн биш гисн сурһмҗ эн товчта үгәр күн болһнд өггдҗәнә.

ҺАРАРН НЕГ КҮ ДИИЛДГ, ТОЛҺАҺАРН МИҢҺН КҮ ДИИЛДГ.

Шуд хоосн чидлд күчн уга, терүгәр юм күцәҗ болшго, чидл күүнә уханд бәәнә гисн сурһмҗ. Энүнә утхнь болхла, күүнә толһан ухана тоолврас даву күчтә юмн делкәд мел уга гиҗ келгдҗәнә.

Сурһульта болн ик номта, медрлтә күн болвас хамг кех, күцәх санаһан ик урдаснь ухалҗ тоолад, терүнә кехәр, күцәхәр бәәхнь толһаднь диглгдәд белн болҗ одсна хөөннь, терүгән урдаснь зурад, орулҗ буулһчкад, тегәд терүгән кеҗ күцәнә.

ҺАРТАН БАЛТАТА КҮҮКДИГ ТААЛХД АМР БОЛДГ.

Юмта, бәәхтә күүкд өнчрәд үлдсн болхла, тедниг авч өскх улс олдх гисн чинртә үлгүр. Бичкн күүкдт һартнь шикр-балта бәрүлчкәд таалхла, тер бичкн күүкд уульдг угань цугтад медгднә.

ҺАРХ КҮҮҺӘР ҺАЛ БИЧӘ ТҮЛҮЛ.

Көдлмшиг дав зуурин күүһәр келһхмн биш, терүнә көдлмш хоома болна гиҗ утхта үгмүд. Хойрдвар болхла, удл уга һарад йовҗ одх күүһәр һал түлүлхлә, тер күн эзнә түлә әрвлл уга, һалд дуладчкад, һарад йовҗ одхан медхләрн, эзнд бәәсн түләһинь кевтнь түләд чиләчкәд чигн йовҗ одх гиҗ эн товчта үгд келгдҗәнә.

Эн үгин һол учр-утхнь болхла, һарад йовҗ одх күүһәр юм келһхлә, тер күн, кесн юман хоомаһар, мууһар кечкәд йовҗ одх, тиим болхла, һарад йовҗ одх күүһәр юн чигн керг келһәд тус уга гисн сурһмҗ өггдҗәнә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?