ГҮҮхд гҮн мӨрн хурдн, гҮҖрхд аҖрҺ хурдн, дав деер дааҺн хурдн.

↑

⇐ ПредыдущаяСтр 32 из 156Следующая ⇒

ГҮҮХД ГҮН МӨРН ХУРДН, ГҮҖРХД АҖРҺ ХУРДН, ДАВ ДЕЕР ДААҺН ХУРДН.

Гүн мөрн гүүхд хурдн гиҗ келгддг учрнь болхла, гүн мөрнә цогцнь эвтәхн, чидләрн болхла, эр мөрнәс даву чидлтә, гиигн болн нәрхн көлтә хурдн төләдән, тиигҗ келгддмн. Аҗрһ мөрнә гүүдлнь тату болвчн, чидлнь ик. Өөрхн һазрт гүүхд дааһн гиигн цогцта төләдән, хурдн гиҗ келгдҗәнә.

Һ

ҺАҺА — ҺАРТЛ-ОРТЛ, ҮЙ ЭГЧ — УЛЬҺН-ДУЛЬҺН.

Һаһа ачдан йир эңкр, эн энүг хая-хая үзнә, тегәд ачдан бәәсән өгч, йир шулуһар хот кеҗ тоона. Үй эгч энүнлә әдлцхш, эн болс-бүтсәрнь тоона. Һаһа гисн кен чигн күүнә эцкиннь дү күүкнь эс гиҗ эгчнь, тер һаһа күүкд күн дав зууран элгн-садн болдг, тер күүкд күн мордад, хәрд һарч одхларн, эврән бийнь

өрктә-бүлтә, үртә-садта болчкхларн, элгн-садан, өсҗ-боссн һазран мартад, дав зуурин — ортл-һартл садн болҗ тоолгддг төләднь, эн үлгүрт «һаһа эгч һартл-ортл» гиҗ келгднә.

Үй эгч гисн күн чигн күүнә эцкиннь ахаснь эс гиҗ дүүһәснь һарсн күүкн болдг. Тегәд үй эгч ульһн-дульһн гисн һаһас хол элгн-садн гисн үлгүр гих кергтә.

ҺАЗР КЕДҖ ЭРГСН ТЕНГ ЙОВДЛ, ГЕРӘН ЭРГСН ЦЕЦНӘ ТЕМДГ.

Керг угаһар бичә йовад йов, герт кех көдлмш, хәләх эдл-аху бәәнә, ахуч бол гисн сурһмҗ.

ҺАЗР ЭС ДААХ ЮМН УГА.

Күчтә, чидлтә юмна тускар келгдҗәнә. Һазрин моһлцгин аһуд эс багтх юмн уга, учр юңгад гихлә, һазрас ик аһута болн күчтә юмн нарт делкә деер уга болдг төләднь, тиигҗ келгднә.

ҺАЗРИН ЦОВДЫГ ҺАРАР ТАСЛҖ БОЛШГО.

Һазрин цовд гисн һазрин киисн (һазрин моһлцгин ардк болн өмнк полюс) болдмн. Тегәд һазрин киисиг (полюсиг) һарар таслҗ болшго гиҗ үлгүрт орҗ келгднә. Эн үлгүрәс иш авч, ик урһа модна үндсинь бас һарар таслҗ болшго.

ҺАЗРТ КИИССН КҮН, ҺАЗР ТҮШҖ БОСДГ.

Эгл көдлмшч күүнә тускар келгдҗәнә. Тиим күн көдлмшәс көөгдвчн, тер һазрас холд одшго. Һазрас ицгтә болн бат түшг уга төләд, кен чигн күн унхларн, һазр түшҗ босх зөвтә болҗ һарна.

ҺАЛ УГА ҺАЗРАС УТАН ҺАРДГО.

Учр угаһар зәңг һаршго гих чинртә үгмүд. Утан һалас һардг төләд, һал уга һазрас утан һардго гиҗ эн үлгүрт келгдҗәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США