Заагта юмн заагта, зааргин Өндгнь цоохр.

↑

⇐ ПредыдущаяСтр 45 из 156Следующая ⇒

ЗААГТА ЮМН ЗААГТА, ЗААРГИН ӨНДГНЬ ЦООХР.

Хол төрлиг өөрхн төрләс һазалхла, иим үлгүр келгдҗ, терүнә заагиг, йилһвриг тодрхаһар медүлҗ, зааргин цоохр өндгнлә дүңцүлҗәнә. Эн үлгүрин һол учр-утхнь болхла, орчлңд бәәх зүсн-зүүл хамг юмн болвас хоорндан нег-негнәсн заагта болн йилһү, өвәрц болдмн гиҗ келгдҗәнә.

ЗАҺЛМАН СӘНЬ НЕГ ШҮҮРЛҺТӘ, ЗАЛУҺИН СӘНЬ НЕГ ҮГТӘ.

Сән залу келсн үгдән күрдмн, олн үг келдмн биш. Эн үлгүрт орҗ келгддг заһлма шовун, баахн цогцта болвчн, йир хурдар нисдг, ик күчтә, үлү эвтә болн шамдһа шовун. Хурдар нисч, бәрҗ идхәр йовх шовуһан зуг негл шүүрч бәрдгтнь терүг тиим магталтаһар сән залула дүңцүлҗәнә.

ЗАҺСН ТОЛҺАҺАСН АВН ҮРДГ.

Көдлмшт эндү һарһад, дуту-дунд элвг болад, терүг һардҗах толһач учртан эс авсн цагт, эн үгмүд тиим һардачиг шалһҗ келгднә. Эн товчта үгиг келхләрн, негдвәр болхла, заһсн үрхләрн, толһаһасн авн үрдгнь цугтад ил медгднә; хойрдвар болхла, кемр нег хамт (коллектив) болҗ көдлҗ бәәх улс заагт эвдрлт эс гиҗ хаҗһр йовдл һархла, хамтын толһач улсас авн эклнә, гиҗ, энүнд келгдҗәнә.

Үлгүринь авад келхлә, нег хамтд хулха-худл һарад, авлһ авлдан һарад, әрк уулдан һархларн, тер толһач улсас авн эклдмн гиҗ, сурһмҗ энүнд өггдҗәнә.

ЗАҺСН УСНА ГҮҮНИНЬ ХӘӘДГ, КҮН ЮМНА СӘӘНИНЬ ХӘӘДГ.

Нерән бичә һутатха, цевр-цер, әмтнд сәәнд үзгдҗ йовх кергтә гисн үгмүд. Кен чигн күн болһн, эврәннь җирһлин хаалһдан кезә болвчн, юн чигн юмна сәәнинь хәәдгнь, цугтад ил медгднә. Үлгүринь келхлә, күн болһн бәәршҗ бәәх герин сәәнинь хәәҗ орна, йовх көлгнә сәәнинь авч көлглнә, хувц-хунрин кееһинь болн батынь олҗ өмснә, хот-хоолын сәәнинь болн амтта-шимтәһинь олҗ ууна, бәәршҗ бәәх һазр-усна сәәнинь хәәҗ бәәршнә.

Заһсн болхла усн гүн болх дутман, терүнд икәр таасгдна, усн гүн болхла, заһснд усчхд амр, гүн уста һазрт заһсна эркн хотнь, усна замг, ик болна, заһснд идх зүсн-зүүл амтта, шимтә юмн элвг болна.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров