Залу кҮҮнӘ сӘӘг мӨрн деер мед, кҮҮкд кҮҮнӘ сӘӘг гертнь одад мед.

↑

⇐ ПредыдущаяСтр 48 из 156Следующая ⇒

ЗАЛУ КҮҮНӘ СӘӘГ МӨРН ДЕЕР МЕД, КҮҮКД КҮҮНӘ СӘӘГ ГЕРТНЬ ОДАД МЕД.

Сән залу чиирг, зөргтә, үгтә-күүртә, хәр һазрт нерән һуташго. Хамг эн тоотыг холд мөрәр удан йовад, хәр һазрт одад, медҗ болхмн гисн утхта үлгүр. Кезәңк күүкд нурһлҗ герин көдлмш кедг бәәсн учрар энүг гертнь одад мед гисн өдгә цагла ирлцшго. Болв өдгә цагин күүкд көдләч болвчн, гертән ахуч, һольшг, кинән болх зөвтә. Иим герин көдлмшәр күүкд күүг гертнь одад медҗ болҗана. Залу күүнә чиирг болн зөргтәһинь медхәр седхлә, терүнлә хамдан мөрн деер, кеер хол һазрт йовхла, терүнә чииргнь болн зөргнь медгдхнь мел ил. Күүкд күүнә сәәһинь медхәр седхлә, тер күүкд күүнә гертнь одхла, медгдхнь бас кенд болвчн сәәнәр медгднә. Учр юңгад гихлә, гертән ирсн күүнд, күүкд күн болвас түрүн болҗ, ирсн гиичин һанзинь авад, тәмк нерҗ өгсн деерән, цәәһән чанад тер гиичән тоох зөвтә. Ташр деернь болхла, гиич ирхинь урдаснь медәд, хувц-хунриннь сәәнинь өмсәд, чирә-зүсән ясад, герән цевр-цеерәр белдҗ яссн деерән, гиич күүнлә һольшг кевәр күүндвр кех зөвтә. Зуг тиигснә хөөннь тер герин эзн күүкд күүнә лавта сәнь медгдхин төләднь, эн үлгүрт орҗ келгдҗәнә.

ЗАЛУҺИН СӘӘНӘС ҮҮЛ ХӨӨҺДГО, УУЛЫН ОРАҺАС ҮҮЛН ХӨӨҺДГО.

Сәәхн заңта, тоомсрта, медрлтә, тоолврта күүнүр даң олн зүсн кергәр сүв-селвг, сурһмҗ, дөң-нөкд авхар әмтн ирцхәнә. Сән залуһас кезәд чигн үүл (керг) тасрхш. Үгтә-күүртә, келтә-амта, сүвтә-селвгтә, медрлтә, эрдмтә, сурһульта, олн әмтн заагт тоомсрта, нернь холд һарсн, цаһан седклтә күн. Түрү-зүдүлә харһсн улст сүв-селвгәр нөкд болдг күн. Тиим күүнд оч, сүв-селвг сурҗ авна, дөң авна, түрсн-зүдсн цагтан терүнәс демнүл чигн сурҗ авна. Тегәд чигн тиим күүг үлгүртән орулҗ «Залуһин сәәнәс үүл (керг) хөөһхш» гиҗ келдг болсмн.

Юн чигн уулын орань өндр болх дутман, терүнә орад үүлн эс гиҗ будн мел кезәчн бәәхән уурхш.

ЗАЛУҺИН СӘНЬ НЕГ ҮГТӘ.

Цөн үгтә, келсн, сансан эркн уга күцәдг күүнә тускар эн үлгүрт келгдҗәнә. Залу күн болвас үг келхләрн, эркн биш тер келсн үгдән күрч, терүг күцәхлә, тиим залуг мел йоста нерән һуташго, сән залу гиҗ үлгүрт орулҗ, тиим болх кергтә гисн сурһмҗ өггдҗәнә.

Хойр күн хоорндан залуһин сәәнә тускар күүндвр кехләрн, иигҗ келцхәнә: «Тер залуг мел йоста сән залу гиҗ келҗ болхмн, келсн үгдән күрч, тер үгән эркн биш күцәнә».

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии