Залху кҮн завгтк махндан чигн кҮрч эс чаддг.

↑

⇐ ПредыдущаяСтр 49 из 156Следующая ⇒

ЗАЛХУ КҮН ЗАВГТК МАХНДАН ЧИГН КҮРЧ ЭС ЧАДДГ.

Эн товчта үгд залху күүнә тускар келгдҗәнә. Болв энүнд дегд даву залху күүнә тускар келгднә. «Залху күн завгтк махндан чигн күрч эс чаддг» гисн нам гертән, териннь завгт (ишкә герин хойр туурһин ниилврт) бәәх махан босч авхдан залхурад, хот угаһар, геснь өлсәд бәәдг, тедү дүңгә залху күн гисн үг гих кергтә.

ЗАЛХУҺИН ГЕРТ ТҮЛӘН УГА, ЗАЛЬГДГИН ГЕРТ ХОТ УГА.

Залху күүг болн залху өрк-бүлиг шалһҗ, шоодҗ келсн үлгүр болдмн. Кен чигн күүнә болн өрк-бүлин бәәх бәәдлднь, җирһлднь мел дуту-дунд юмн уга гиҗ келҗ болшго.

Тер мет, олн әмтн дотр, онц бәәдләрн, бәәх җирһләрн йилһрҗ үзгддг күн чигн бәәнә, өрк-бүл чигн бәәнә. Тиим күүнә эс гиҗ тиим өрк-бүлин тускар эн үлгүрт келгдҗәнә. Залху күн эс гиҗ өрк-бүл бешән түлдг түләһән (арһсн, модн, нүүрсн) кевтнь эдлчкәд, һаза һарад авч ирхдән залхурад, хот угаһар, геснь өлсәд суудг. Тиим залху күүнд эс гиҗ залху өрк-бүлд әмтн йир икәр дурго болдмн.

«Зальгдгин герт хот уга» гиҗ келхләрн, әрк уудг, хөөткән санхан мартсн, белдсн теткүлән кевтнь эдлчкәд, эндрк өдрәр бәәдг, маңһдуркан сандго, тоолвр уга әркнч улсин тускар келгдҗәнә.

ЗАНДН МОДН НӘӘХЛСН ТАЛАН, ЗАЛУ КҮН ЗАҢҺСН ТАЛАН.

Зандн бат, чивх модн, тегәд тер бәрн юмнд нәәхлшго, кемр чаңһ салькнд нәәхлхләрн, тер хамхрҗ оддмн. Тедү мет залу күн ямаран юмнур зөрсн болна, ю сансн болна, терүгән күцәх зөвтә. Хаҗиснд орхнь зандн мет хамхрсн (үксн) деер гисн сурһмҗ энүнд өггдҗәнә. Зандн модн заг уга нигт, йир күнд, ик чивхү болсн төләдән, догшн салькн көдлсн цагт, альдаран нәәхлнә, тер нәәхлсн талан заңһрад, хуһрад унҗ чигн одна.

Йоста гидг залу күн болхла, үүл эс гиҗ керг күцәхәр хамаран зөрнә (заңһна), тер зөрсн талан, хәрү хәрл уга, сансн үүлән бүтәһәд, кех кергән эрк биш күцәһәд ирдг төләднь, «Залу күн зөрсн талан» гиҗ келгднә.

ЗАҢ СӘӘТӘД КҮН ХУРДГ, ЗАМГ СӘӘТӘД ЗАҺСН ХУРДГ.

Сән, җөөлн болн цаһан седклтә эс гиҗ күүнлә иньг-амрг бәәхдән дурта күүнә герт кезәд болвчн күн олар хурна.

Усна гүүнднь урһдг замгар заһсн нурһлҗ теткүлән кедгнь цугтад ил медгднә. Тер учр деерәс чигн «Замг сәәтәд заһсн хурдг» гиҗ үлгүрт келгдҗәнә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману