Зесин сӘнь зеврдго, зе наҺцх хойр мартгддго.

↑

⇐ ПредыдущаяСтр 51 из 156Следующая ⇒

ЗЕСИН СӘНЬ ЗЕВРДГО, ЗЕ НАҺЦХ ХОЙР МАРТГДДГО.

Зе күн цугтаһаснь эңкр болдгин тускар келгдҗ, теднә лавта бат эңкриг сән зеслә дүңцүлҗәнә. «Зе» гисн һарлдсн күүкнәснь һарсн үрн. Күүкнәс һарсн үриг кен чигн күн мел төрүц мартхш. Эн ик чинртә болн тоомсрта үг. Эн үлгүрт деер келгдсн «зесин» тускар бас орҗ келгдҗәнә.

ЗОВЛҺ ИДСН ШҮДН ЗӨВҮРТӘ, ЗОВЛҢ САНСН ЧЕЕҖ ЗОВЛҢТА.

Зовлң санхм биш, тер зовлңгиг махна муулань дүңцүлҗ, сурһмҗ энүнд өггдҗәнә. Зовлһ эс гиҗ йир эцсн мах идсн күүнә шүдн заагурнь хату зовлһин бүлкрҗ одсн махн орхларн, шүднд зөвүр эс гиҗ зовалһн ирнә. Тегәд йир хату болад, шүднд зөвүр үзүлнә. «Зовлң сансн чееҗ зовлңта» гиҗ үлгүрт орулҗ келхләрн, күүнә зовлңгин хатуһинь, зовлң санснас көлтә күүнә цогц икәр зовдгинь медүлхәр седҗ келнә. Эн үлгүрт келгддг махна мунь болгч зовлһиг күүнә зовлңла дүңцүлҗ келгдҗәнә гих кергтә.

ЗОВЛҺ ЧАНХЛА — ХӘӘСН ДҮҮРДГ, ЗОВЛҢ САНХЛА — ЧЕЕҖ ДҮҮРДГ.

Эн үлгүрт зовлң санад бәәхмн биш гисн сурһмҗ өггдҗәнә. Энүнд, урднь келгдсн «Зовлһ идсн шүдн зөвүртә, зовлң сансн чееҗ зовлңта» гиҗ келгддг үлгүрлә йир өөрхн залһата, юңгад гихлә, эн үлгүрт бас зовлһ болн зовлң хойр хоорндан дүңцүлгдҗ келгдҗ бәәнә. «Зовлһ чанхла — хәәсн дүүрдг» гиҗ келгддг учрнь болхла, зовлһ махн юн чигн махна хамгин мунь болҗ тоолгдна, чансн цагт, дала болсн көөсн энүнәс һарад, хәәсн дүүрнә. «Зовлң санхла — чееҗ дүүрнә» гиҗ үлгүрт орулҗ келдг учрнь болхла, зовлңган сансн цагт, бәәсн бий зовад, зүркн цокад, чееҗ дүүрәд оддгнь ил медгднә.

ЗОВЛҢ ИК БАҺ ГИҖ ЙИЛҺДГО.

Кен чигн күн эврәннь җирһлин хаалһдан зовлң үзл уга мел бәәхш. Ташр деернь зовлң ик баһ гиҗ хувагдхш, юңгад гихлә, күн болһн терүнд әдләр зовхш. Зәрм күн күчтә зовлңгар керг кехш, зәрмнь бичкәхн юмнд зовад, урсад-ууляд бәәдг саам бәәнә. Тегәд чигн зовлңгин зун нәәмн айс гиҗ хальмг ут туульст келгднә, зовлң уга җирһл чигн уга гиҗ бас келгднә.

Тиим болсн бийнь күн болһн (ик баһ уга) уг сүүлднь, ямаран чигн зовлңгиг дииләд, эврәннь җирһлдән ут нас зүүлһнүр кезәчн темцнә. Тер учр деерәс юн чигн золвңгиг җирһл дииләд, күүг өмәрән болн деегшән һарһҗ, җирһл көтлнә.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры