Ик Өгснднь хондг, баҺ Өгснднь Үдлдг.

↑

⇐ ПредыдущаяСтр 56 из 156Следующая ⇒

ИК ӨГСНДНЬ ХОНДГ, БАҺ ӨГСНДНЬ ҮДЛДГ.

Хаалһдан адһл уга үрвәд йовсн күүнә тускар чигн, адһл уга көдлдг күүнә тускар чигн эн үлгүрт келгдҗәнә. Эн үлгүриг келхләрн, кезәнә хальмгин өргн теегт, хотн болһнд, хоосн теҗәл-теткүл уга угатя улс байн улсин гермүд эргҗ, дав зуурин өдр-бәәһин көдлмш кеһәд, гесән теҗәдг бәәсмн. Тиим улс геснә хотын төлә көдлмш кехләрн, икәр хот өгснднь хонад, баһар хот өгснднь үдләд йовдг төләднь, тедн эн үлгүрт орулҗ келгднә.

ИКИН ЧЕЕҖ, БАҺИН БӨГС.

Бөдүн улсин күүндәнд ик (бөдүн) күн кевтәһәр орлцад, теднлә үг булалцад бәәдг баахн көвүг икин чееҗ гиҗ келнә. Хойр залуһин күүндәнд, бийдән кергго юмнд орлцхмн биш гисн сурһмҗ энүнд өггдҗәнә. Наснь баһ, бичкн күн баһ кевәрн бәәх кергтә гисн үлгүр.

ИКРХГ КҮҮНД ИНЬГ ХОВР.

Ик саната, һанцхн бийән сәәнд меддгт, тоолдг күүнд әмтн дурта биш гисн чинртә үгмүд. Ик сана зүүснәс, үлү му авъяс мел уга, юңгад гихлә, икрхг, ик саната күүнд олн дурго.

Тиим икрхг, ик саната күүнлә үүрлхәр, иньглхәр седх күн йир ховр болҗ һарна. Бийән ик ухатад тоолад, бийәсн талдан улсиг муңхгт, һәргтәд тоолдг күн тиим болдмн. Терүнлә нам үүрлхәр, иньглхәр седдг күн берк болх. Тегәд чигн тиим улсин тускар «Икрхг күүнд иньг ховр» гиҗ келгдсмн.

Тегәд эк-эцкнь эврәннь үрн-садан баһаснь авн ик сананд бичә дасхтн, икрхг бичә болтн гисн сурһмҗ энүнд өггдҗәнә.

ИЛ БӘӘХИГ ИЛВӘР ЧИГН ХААҖ БОЛДГО.

Ил бәәх юм нууҗ болшго гисн үгмүд. Үнн кезәчн илдкдх, тер үгмүд кезәчн диилх, илв терүнд нөкд болшго гисн утхта үгмүд. Илв гисн орсаһар «гипноз», «волшебство». Юн чигн күүнә нүднд үзгдҗәх, һарт бәргдҗәх юмиг, юуһар болвчн, тер дотр илвәр (ааль һарһҗ, нүд хааҗ) нууҗ болшго, юңгад гихлә, ил бәәх юмн илдҗ һарл уга бәәш уга. Үлгүринь келхд, нарн һархиг юуһар чигн халхлҗ зогсаҗ болшго, җилин дөрвн цагиг (хавр, зун, намр, үвл) цаг-цаглаһан ирхинь бас зогсаҗ болш угань кенд болвчн ил медгднә. Тер мет, сөөг өдр сольдгиг, өдриг сө сольдгиг чигн илвәр чигн уураҗ болшго.

Кен чигн күн худл-хуурмг юм һарһад, тер күүнә кесн гемнь илдәд һарч ирхлә, тер илдсн гемән илвәр чигн хааҗ чадшгон төлә, эн олмһа болн онц йилһү сенр үгтә, товчта үгиг, келдг болсмн.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте