ЙӨрӘл уга алтнас йӨрӘлтӘ зес деер.

↑

⇐ ПредыдущаяСтр 60 из 156Следующая ⇒

ЙОРЛХЛА—УРМД ХӘРДГ.

Йорлхмн биш, терүнд бичә итктхә, йорлхла күүнд харшлт болна гисн утхта үгмүд. Кен чигн күн сансн санаһан күцәхәр зүткнә. Болв тедн заагт кемр йорлхг, йорч күн бәәхлә, тер күн урдаснь йорлад, йортан авлгдад, сансн санань кех кергнь лавта күцхинь маһдт тоолад, яһна-кегнә гиһәд, йорлад бәәхләнь, тиим күүнә урмднь хәрәд, кех күцәх кергнь күцл уга бәәһәд чигн, бәәдг йовдл һарна.

Тегәд эн товчта үгин һол учр-утхнь болхла, йорас хол йовҗ, терүнд седклән авлгдл уга йовхла, сән болх гисн учрта үгмүд.

ЙӨРӘЛ УГА АЛТНАС ЙӨРӘЛТӘ ЗЕС ДЕЕР.

Хармнҗ бәәһәд өгсн алтнас хар ухан угаһар, үнн цаһан седкләрн өгсн «зес» деер болдмн гиҗәх товчта үгмүд. Эн товчта үгин эркн учр-утхнь болхла, дотран дурго сана зүүҗ, хармнад өгш угаһар бәәсн бийнь, зуг арһ уга болад, зөвин учр ахлад, дурн угаһар өгсн ик үнтә алтнас эврәннь үнн цаһан седкләрн өгсн баһ үнтә зесиг йөрәһәд өгхлә, тер алтнас үнтә гиҗ эн үгд келгдҗәнә.

Кен чигн күүнә җирһлин хаалһднь кезә чигн «цаһан седкл» болн «хар седкл» хойр зерглҗ харһад, цаһан седклнь болхла, күүнә җирһлд тусан күргнә, хар седклнь күүнә җирһлд тушаһан халдана. Тер учр деерәс күүнд үнн чик сүв-селвг өгхләрн, «Танд эврәннь цаһан седклән келҗәнәв», гицхәнә.

ЙӨРӘЛИН ЭКНЬ ТОСН, ХАРАЛЫН ЭКНЬ ЦУСН.

Күүнә җирһлин хаалһ сән, түрү-зүдү уга, гем-зовлң уга болтха гисн чинртә үгмүд.

Кезәнә цагас нааран хальмг улс зүсн-зүүл йөрәл тәвдг бәәсмн. Үлгүринь келхд, бүүрән йөрәхин кергт цә чанад, мах чанад, хамдан ирҗ бүүрлсн медәтнринь гертән наар гиҗ авад, шин бүүрән йөрәлһдг билә. Талдан чигн олн зүсн йөрәл бас тәвгддг билә.

«Йөрәлин экнь тосн болхла, харалын экнь цусн», — гиҗ эн үлгүрт орҗ келгднә. Иигҗ келгддгнь бас учрта. Ямаранчн күүнд эс гиҗ аһурснд дурго болхларн, харал тәвцхәнә. Харал тәвхләрн, хоорндан өшәтә улс, нег-негән харадг бәәсмн. Үлгүринь келхд, «хараччн хамхрг, хар усн чамд бичә олддг»! гиҗ харадг билә. Энүнәс көлтә хойр күн хоорндан ноолдад чигн оддг билә. Тегәд чигн харалын экнь цусн гиҗ келгддг болсмн.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США