Дина. Юҡ, мәрҙән. Яратам. Майне либо. (минең һөйгәнем)

↑

⇐ ПредыдущаяСтр 10 из 11Следующая ⇒

Дина. Юҡ, Мәрҙән! Яратам! Майне либо! (Минең һөйгәнем)

                                                                      Клара керә

Клара.Дина!

Дина. Гросмутер!

Клара. (Асыуланып) Был хаҡта уйлап та ҡарама!

Дина.Өләсәй!

Клара.Ул дошман! Ир зинд абер айнадонче фрау! (Һин нимә эшләйһең? Һин бит немка!)

Дина.Беҙ бит үҙебеҙ уларға ҡаршы һуғыш башланыҡ!

Клара. Етте!

Дина. Ул яҡшы. Һин миңә бәхет теләмәйһең. Мин бары бер Мәрҙән менән бергә булам! (Клара Динаның яңағына һуға)

Клара. Беҙ Бөйөк милләт! Улар һинең атайыңде үлтерҙе.

Дина. Атай үлмәгән, мин ышанмайым. Ул иҫән! Һиндә нацист хистәре. (Йүгереп сығып китә. Иоган керә)

Иоган. Нимә булды, ниндәй шау-шыу?

Клара. Ейәнеңде тый!

Иоган. Нимә булды?

Клара. Әнә! Совет һалдаты менән...

Иоган. Тыныслан, Клара. Бәлки был әле йәш башының фантазияһы ғыналыр.

Клара. Һөйләш һалдат менән.

Иоган. Нисек? Нимә тип?

Клара. Комендатура, трибунал менән ҡурҡыт!

Иоган. Ҡурҡыт? Һин үҙ аңыңдамы?

Клара. (Илай) Иоган, мин быны күтәрә алмам!

Иоган.Ярай, тыныслан-тыныслан!

Мәрҙән керә.

Мәрҙән.Иоган, фрау Клара, нишләп һаман ҡайтмайһығыҙ? Тиҙҙән таң ата.

(Клара сыға)

Иоган.Тиҙҙән көҙ. Баҫыу эштәре башлана...

Мәрҙән. Һуғыш тирмәнендә күпме ирҙәр онға онталып, ергә ашлама булып һеңде. Һуғыштан һуң икмәк ишелеп уңыр инде.

Иоган. Ниндәй аҡыллы баштар әрәм булды. Халыҡтарҙың аҫыл, юғары культуралы, уҡымышлы улдары юҡ ителде...

Мәрҙән.Культуралымы ул, уҡымышлымы, түгелме, һәр кемдә йән, йөрәк бар. Бер кемдең дә үләһе килмәй. Бирелгән ғүмерҙе үҙ усағын  булдырып, оя ҡороп, ҡатын наҙлап, балалар тәрбиәләп йәшәһе килә.

Иоган. Донъялағы бөтә диндә лә мәңгелек, берҙәм хаҡиҡәттәр бар.

Мәрҙән Шуларҙың береһе – “Үлтермә!”

ИоганҺин беҙҙе ғәйепләйһең инде, һалдат!

Мәрҙән. Ә һин кем ғәйепле, тип уйлайһың?

Иоган. Гитлер – бөтә немец халҡы, тип уйлайһыңмы?

Мәрҙән. Улай булғас, ниңә бүрегеҙҙең ауыҙын үҙ өнөндә ҡайырманығыҙ? Шуның һүҙен күтәреп, ниңә ҡулығыҙға мылтыҡ алдығыҙ? Беҙҙә көс, беҙгә теймәҫтәр, тинегеҙме? Юҡ, Иоган! “Бүрегә һуҡһаң, үлтерерлек итеп һуҡ, үлтермәһәң, ул тештәрен һинең боғаҙыңа батыра!” Шуға ла беҙ бында, һеҙҙең ерҙә. Ярай, таралышайыҡ. Бөгөн көн ҡатмарлы булды. Ямғыр туҡтаны. Иртәгәһенә эшкә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте