Иоган төйөнсөктө ала, Клара менән бер-береһенә тотоношоп сығып китәләр

↑

⇐ ПредыдущаяСтр 8 из 11Следующая ⇒

XI КҮРЕНЕШ

Быуа буйы. Алыҫта иҫке тегермән күренә. Мәрҙән менән Вася яр буйында ял итәләр.

Вася.Һинең фрицтар социалистик ярыш иғлан иттеләрме әллә, баш күтәрмәй эшләйҙәр.

Мәрҙән. Һинекеләр ҙә тырыша.

Вася. Һуңғы ваҡытта һин бик үҙгәрҙең. Туған яҡ һағындырамы?

Мәрҙән. Вася, хәтерләйһеңме Белорусиялағы бәрелеште?

Вася. Барыһын да хәтерҙә һаҡлай башлаһың, йоҡлап булмаҫ.

Мәрҙән. Минең ҡолаҡ төбөндә һаман да теге сабый илаған тауыш ишетелә.

Вася. Хутордағымы?

Мәрҙән. Әйе. Әсәһенең өҙгөләнеүе, фотоаппарат төймәһенең шыҡылдағаны...

Васяи Һин ул тауышты ишетмәнең, сөнки беҙ унан алыҫ инек. Бинокль аша ғына яҡын булып күренә ине улар.

МәрҙәнМин ул тауышты арҡа үҙәгем менән, бар күҙәнәктәрем менән тойҙом. Әле булһа ла тоям... Минең улым да ул ваҡытта бәләкәс кенә ине...

Вася. Һин арығанһың. Был һуғыш синдромы.

Мәрҙән. Немецтың салышайған йөҙө... Күкрәктә ҡайнар тулҡын.

Вася. Һәм аяҡтан йыҡҡан шартлау...

Мәрҙән. Ярай әле һин иҫән-һау инең. Һин ҡаҙып сығармаһаң, теге фашист менән икебеҙгә бер ҡәбер булаһы ине.

Вася. Дааа, брат! Онот, контузия ғәләмәте һиндә. Тиҙҙән, туған яҡҡа ҡайтарырҙар, тыныслан!

Мәрҙән. Тиҙерәк, тиҙерәк тыуған яҡтарға ҡайтырға ине. Тәбиғәте лә, халҡы ла ят бында.

Вася. Халыҡ еңелеүен ауыр кисерә. Кем нисек булдыра, шулай ҡаршылаша. Әйткәндәй, комендатуранан хәбәр бар: йән иҫәбен алыу башлана.

Мәрҙән. Ҡасан?

Вася. Ошо көндәрҙә. Ерле немецтарҙы аҙыҡ-түлек менән тәьмин итеү, сәйәсәткә, миграцияға ҡағылышлы мәсьәләләрҙе лә хәл итеү маҡсатында, тиҙәр.

Иоган менән Клара керә.

Иоган.Гер,солдат!Битундар менән һөттәрҙе алып киттеләр, малдар көтөүлектә.

Мәрҙән. Яҡшы!

Вася. Мин дә үҙемдекеләргә күҙ-ҡолаҡ булайым әле. Польша яғынан килеп, малдарҙы ҡыуып алып киткәләй башланылар. Ҡарауылды көсәйтергә кәрәк. (Сыға)

Иоган.Гер, солдат! Беҙҙең хәлдәр ниҙәр менән тамамланыр икән? Ейәнсәребеҙ... Бик борсолабыҙ.

Мәрҙән. Белмәйем... (Клара илай.)

Иоган.Бына бында беҙҙең ғаилә реликвияләре. Үҙ илегеҙгә ҡайтҡас кәрәге сығыр. (Биҙәүес әйберҙәре төрөлгән сөпрәкте аса) Алығыҙ!

Мәрҙән. Һеҙ нимә?!

Иоган. Зинһар! Битте!

Клара. Гер, солдат! Битте! Хилфе! Гетензимир битте. (Помогите, спасите!)Дина беҙҙең берҙән-бер өмөтөбөҙ. Һеҙ бала ҡайғыһы күргәнегеҙ бармы? Яҡындарығыҙҙы юғалтыу нисек икәнен аңлайһығыҙмы? Йәнегеҙ бармы һеҙҙең?

Мәрҙән. Юҡ! (Башын, ҡолаҡтарын томалап тора) Юҡ! Мин бер кемде лә юғалтманым. Юҡ-юҡ-ююҡ!!! Йәнем үлгән минең!..

Клара. О! Май готт! Ярҙам ит!

Мәрҙән. Китегеҙ бынан! Китегеҙ! Алығыҙ был сүп-сарҙарығыҙҙы!

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии