О князи Михаиле, Жикгимонто†сыне

↑

▷ Содержание

⇐ ПредыдущаяСтр 20 из 21Следующая ⇒

О князи Швинтрыгаиле

Того ж лЂта Швинтрыгаило, соб\л.87.\равъшися c князьми рускими и з бояры, со въсею силою рускою, и поидет на Литву. И мистр лифлянскии и c кунторы своими приидет к Швинтрыгаилу на помочь, и знялися Швинтрыгаилом y Брасловли. И тот час мокрость дожду падает на землю, затым не могли до Литовские земли Ђхати, и Швинтрыгаило пошлет в свою землю, и роспустил свою силу всю, a сам поидет до Киева. На третие лЂто князь Швинтрыгаило зжог митрополита в Витебску на имя Герасима, и потом собрался c силою своею в Витебск c князи и бо\л.87об.\яры рускими, и поидет к Брасловлю по Завелскои сторонЂ. Тут приспЂет к нему мистр лифлянскии со всЂми силами своими, и поидут от Брасловля к Вилкомирю. Князь великии Жикгимонт не пошол сам на Швинтрыгаила, даст ему король полскии на помочь 8000 копеиников и пошлет сына своего, князя Михаила, на Швинтрыгаила. И князь Михаило приидет со всЂми силами своими литовскими и c ляхи, и была им битва на Семен день в восень за Вилкомирю на рецЂ. И поможе бог Жикгимонту и его сыну Михаи\л.88.\лу, и побили Швинтрыгаила и всю силу его, и много князеи побили, a иных живых поимали. Убили тогды братанича князя Корбутова Жидимина да князя Ярослава Жинкгвеневича, князя Михаила Семеновича и князя Михаила вяземского Лвовича, a иных князеи побили и живых поимали 42 князеи, a говловах ^А напервЂи князя Ивана Володимировича киевского да брата его Федора Корбутовича, a лифлянского мистра и морщалка его и много кунторов побили, и всих побили и поимали и много c ними было раку ^Б, сла\л.88об.\ваков и чехов.

ПослЂ того побоища, на третюю неделю спустивши, князь великии Жикгимонт собрал свою силу и пошлет князя Михаила, сына своего, на Русь. И пришол князь Михаило, стоял под Витебском 6 недель, и не взем города проч пошел. И послЂ того тое же зимы великии Жикгимонт собрал всю силу литовскую и послал под Полотск. И пришедши рать стояла под Полоцком недЂлю, и не добывши города пошли проч. И на другое лЂто полочане, собЂ ни отку\л.89.\ды помочи не нашли, и подалися князю великому Жикгимонту, и почал княжити Жикгимонт на княжени Литовском и Руском.

B лЂто 6946-е [1438]. Был голод велми великии, по селом и по городом звЂри людеи ядали, a в городе в Смоленску и по мЂсту и по улицам псы людеи едали, головы по улицам волочили, и руки и ноги человЂчьи, матки дЂток своих Ђли от великого голоду, a в великии пост мясо ядали по селом и по волостем, a в тот час четверть была жита по три копы грошеи. И много лиха того году учи\л.89об.\нилася по всеи земли Литовскои и Рускои, и много кровопролитя сталося, брат брата родного своего убивал, и моры были великии. О таковом деи страху люди старые не могут памятовати.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры