О княжати Монтвиле, Кгинбутове сынЂ

↑

▷ Содержание

⇐ ПредыдущаяСтр 2 из 21Следующая ⇒

И часу панованя Монтвилова повстал царь Батыи и пошол на Рускую землю, и всю землю Рускую повоевал, и князеи руских многих постинал, a иньших \л.18об.\ в полон повел, и столец всее Руское земли и город Киев зжог и пуст учинил. A князь великии киевскии Дмитреи, боячися великои силы и моцы его, збЂг c Киева в город Чернигов, и потом довЂдался, што город Киев созжен и вся земля Руская спустошона, и слышал, иж мужики мешкают без господаря a зовухсядручане. И он, собравшися c людми, и пошол ко Друцку, и землю Друцкую посЂл, и город Друческ зарубил, и назвался великим князем друцким. A в тот час довЂдался великии князь Мондвил жомоитскои, иже Руская земля спустошона \л.19.\ и князи рускии розогнаны и он, давши воиска сыну своему Ердивилу, и послал c ним панов своих радных, напервеи c Колюмнов Кгрумня, a другаго со Урсинов именем Лишкис, a третьего з Рож именем Игровжис. И зашли за реку Белю, и потом перешли реку Немон и нашли в четырех милех от реки Немна гору красну, и сподобалося им, и учинили на неи город и назвали его Новъгородок. И учинил собЂ в нем князь великии столец, и назвался великим князем новгородцким. И пошодши из Новагородка, зарубил город Городен, и потом пошол до Берестья и нашол Берестеи и Дорогичин, \л.19об.\ и Мелник от Батыя опустошены и покажены, a он тыи городы зарубил и почал на них княжити. И потом умре князь великии Монтвил жомоитскии, и по нем сЂл на Великом княжест†Жомоитъском Вининт. A другии вышереченыи его сын, Ердивил, имет княжити на Новегородце и на тых вышеречены городцех, и подавал паном своим, которыи c ним вышли, островы и пущи: Кунпю дал остров около реки Ошмены, которое нынЂ зовется Ошмена, и все прилежаное к Ошмене, што на нем князи и панове в повЂте Ошменъском держат. A Ечькшеви дал остров, \л.20.\ которыи по нем назван есть Еишишки, и все \195\ прилежаное к повЂту Еишишскому. A Кгровжу дал остров, которыи его именем назван есть Кгровжишки, и весь повЂт Кгровжишскои. И c Кумпя народился Кгаштол, a из Еикша народился Довоина, a из Кгровжа народился Монвид. И возвратимся вспять. Тут Довоина.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров