О князи витовтђ, как король полскии якгоило прислал до него,\л. 67об. \ просячи его

↑

▷ Содержание

⇐ ПредыдущаяСтр 13 из 21Следующая ⇒

Также князю Витовту, будучи в НЂмцЂх y мистра, в Марином городку, прислал к нему король полскии Якгоило, рекучи ему: «Брате милыи, болши того не кази земли Литовское и не пустоши отчизны своее и нашие, a поди к нам в еднание и в великую братскую приязнь, возми собЂ княжение Вилню и сядь на столцы дяди своего, великого князя Олкгирда и великого князя Кестутя, отца своего». И князь великии Витовт слышавши, учинит собЂ раду c князми своими и паны своими литовскими, c князем Юрем Нарымунто\л.68.\вичем БЂлским и c князем Иваном Олкгимонтовичом, и c тыми порадился, поиде в Литву, и сядет на великом княжении Литовском на ВилнЂ. И были ради вся земля Литовская и Руская. A князь Корыбут Олкгирдович нЂшо ^ЛЛ почнет на то радити и не в слушности быти y князя великого Витовта, и почнет воиско свое збирати. И зступилися воиска на мЂсте на ДокудовЂ, и сталася битва, и побЂгут воиска Корыбутовы, и побито их много, и сам Корыбут убЂжит в Новгородок, и тут была княгиня и дЂти его. И князь \л.68об.\ великии Витовт опять, собравши воиско, и оступить Новгородок, и взял князя Корыбута и княгишо его, и дЂти его в нятство взял. И потом княгиня Олкгирдовая умерла, и король полскии прислал Витебска держати соколничего своего Федора Весну. A князь Швинтрыгаило тогды ещо молод, и будет Федор Весна держати Витебск c приказаня короля Якгоила. И Шинтрыгаило не мог терпЂти, што Федор держит Витебск из ^М его послушенства, и князь Шинтрыгаило город Витебск засЂл и Федора убил. Была ж королю Якгоилу o том жалость великая, и писал до брата сво\л.69.\его Витовта, иж бы он тое помстил. И князь Витовт взял c собою Скиргаила и собрал воиско великое литовское, и поидет к городу Витебску на князя Швинтрыгаила. И напервЂи Витовт поидет ко Друцку, и друцкыи князи стрЂтили Витовта c великою честию, и ударили ему челом в службу. ОттолЂ князь великии Витовт приидет к Орши; оршане в городе затворилися два дни, и потом город взяли. И от того Витовт приступил к городу Витебску, и князь Швинтрыгаило затворился в городЂ Витебску, и почал Витовт города Витебска добывати. \л.69об.\ И тут же приидет на помоч ко князю Витовту СвЂтославович ^ММ смоленскии, и ударит челом князю великому Витовту в службу. И почали твердо добывати города, и витеблене не могли терпЂти, и далися Витовту. И князь Швинтрыгаило выидет вон з города и ударит челом князю Витовту, и князь Витовт взем город Витебск и осадит, и сам поидет до Вилни.

^Л Далее еще раз великии ^ЛЛ Так в рукописи; д. 6. нЂшто ^М После из буква е; в P не з ^ММ B Арх Юри Светославич

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов