О матери Куковоито†и o самом Куковоите

↑

▷ Содержание

⇐ ПредыдущаяСтр 4 из 21Следующая ⇒

О княжати Скирмонте

Скирмонту княжачи на НовЂгородцы, и князь Мстислав луцкии и пинскии почнет валку и со князем Скирмонтом, хотячи его выгнати из отчины своее, з Берестя и з Мелника, з Городна и з Новагородка. И Скирмонт пошлет послов своих до великого князя литовъского, штобы шол ис Китавруса до Живинбуда, просячи его, дабы помоч дал ему напротивку руси. И князь великии литовскои Живинбуд пошлет ему на помоч сына своего старшаго Куковоитя и со всЂми силами напротивку Мстислава, князя луцкого и пинского. \л.23об.\ И на сеи сторонЂ рЂки Яселды поразит князь Скирмонт князя луцкого и пинского наголову и всю раду рускую, толко князь Мстислав в малЂ дружинЂ едва сам утече в город Луцкои, a князь великии Скирмонт возмет город Пиченкт ^ЖЖ и город Туров.

^Е Так в рукописи в P княжыти ^Ж Слово написано дважды ^ЖЖ Так в рукописи; в P Пинск

И возгласи Русь великим плачем, иж так окрутне вси суть побиты от безвЂрные литвы. И князь великии Скирмонт сына великого князя литовского Живинбудева Куковоичя честовавши и обдаривши безчисленое множество золота и сребра и борздыми конми, и отпустил \196\ почти†до отца его, великого князя Живинбу\л.24.\дя литовского. И коли Куковоит приидет до отца своего Живинбудя, и мало при отцы своем побывши, и потом великии князь литовскии и жомоитскии Живинбуд умре, a сын его Куковоит сЂл на Великом княжест†Литовском и Жомоитском.

О цари заволском Буклаи

Будучи в тот час царем заволским именем царь Буклаи, и прислал послов своих до великого князя Скирмонта, штобы ему выходы его давал и баскаки его ховал по тым городом по тому, как c тых городов хаживала за предков его, князеи руских. И князь великии Скирмонт \л.24об.\ под тоя ся поддати не хотЂл, и тым послом его носы, губы, уши казал поурЂзывати и до него отпустил. И тот царь ^З, собравшися на лЂто со многими силами и ордами татарскими и пошол на Рускую землю, и много зла в ^И Рускои земли учинил. A князь великии Скирмонт, собравши вси воиска свои, и поткал его на границы своеи в Коидонове, и поразил того царя, и всю рать его татарскую побил, и самого царя убил, и з звитежством великим пошол на Рускую землю, и взял город Мозыр, Чернигов, Стародуб, Карачев и со всЂми в цЂлости, звитежство \л.25.\ одержавши, вернулся назад. И мЂл князь великии Скирмонт 3-х сынов: старшйи Тронята, другии Люборт, 3-и Писимонт. Князь великии Скирмонт в ^К великои старости своеи умре, a сын его Люборт сядет на Карачове и назовется князь карачевъскии, a Писимонт на Турове сядет, a Тронята на НовЂгородцы; и пановали на тых городЂх много лЂт. Возвратимся вспак.

B тых лЂтЂх мати князя великого литовского и жомоитсково Куковоитява Поята умре \л.25об.\ в великои старости своеи. И князь великии Куковоит, милуючи матку свою, и учинил болвана на образ еи, чинячи еи память, и поставил того болвана именем матки своее Пояты выше озера Жосли, которыи же образ хвалили и за бога имЂли тую Пояту. И потом тот болван згнил и на том мЂстцы выросли липы, и тыи липы хвали ^КК и за бога их имЂли на имя тое Пояты, аж и до сего дни. Затым князь великии литовскии и жомоитскии, в великои справедливости милуючи подданых своих, и сам Куковоит умре. И оставил по себЂ сына \л.26.\ на великом княжении Литовском и Жомоитском Утенута, которыи же сын, милуючи отца своего, великого князя Куковоитя, и учинил болвана на память отца своего и поставил его на горЂ однои над рекою Святою недалеко Дявилтова, которого ж хвалили и за бога его имЂли. A потом тот болван згнил, и там гаи вырос, и люди тым ^Л хвалили и прозвали его именем пана своего Куковоитя.

^З На поле, тем же почерком, блеклыми чернилами c выносным знаком: На лЂто ^И Приписано над строкой тем же почерком, но другими чернилами ^К Буква приписана в строку другим почерком и другими чернилами ^КК Так в рукописи; в P хвалили ^Л Так в рукописи; в K тыи

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология