О князи Олкгирде и o Кестуте

↑

▷ Содержание

⇐ ПредыдущаяСтр 10 из 21Следующая ⇒

По смерти великого князя Кгидимина князь Олкгирд да князь великии Кестутеи были межи собою в милости и y великои ласцЂ, a князь великии Евнутеи межи их был в болшинствЂ, княжил на ВилнЂ. И не полюбился князю Олкгирду ^Ч Евнутеи, и смолвили межи собою братья: как бы его изсадити c Вилни и одному бы межи их сЂсти на ВилнЂ. И смолвивши межу собою, удЂлали рок — котораго дня наЂхати на Вилню и засЂсти город под братом своим, \л.49об.\ князем великим Евнутьем. Также князь великии Олкгирд из Витебска борзо приспЂл ^Ш, a князь великии Кестутеи угнал в город, a князь великии Евнутеи со страху выбЂжит из города из Вилни и утек в горы бос, и там озябнут ему ноги. И нявши его, привели до брата и посадили за сторожаю. Тогды князь великии Кестутеи речет брату своему, великому князю Олкгирду: «Тобе годится быти, брате, князем великим на ВилнЂ; a ты межи нами старшая братья, c тобою заодно живут». И садят его на Вилню, на великое княже\л.50.\ство, a Евнутью дали Жеславль. A змовят межи собою князь великии Кестутеи да князь великии Олгирд, што всеи братьи послушнои быти князя великого Олкгирда, a тыи што придобудут собЂ городов або волостеи, то наполы подЂлити. A быты им и до смерти в великои милости и в ласцЂ, и присягу собЂ на том дали, не мыслити зла межи их никому никакого. Также были в справедливости даже до живота своего. У великого же князя Олкгирда сынов было 12, a y великого князя Кестутья сынов было 6. \л.50об.\ A межи собою любили сынов своих князь великии Олкгирд князя великого Якгоила, a князь великии Кестустеи князя великого Витолта. И измолвили межи собою: «По нашом животЂ тыи будут на Великом князьст†Литовском княжити». Князь пан великии Витовт також в великои милости были c Якгоилом при отцЂх своих. Потом князь великии Олкгирд умре, a князь великии Кестутеи, не хотячи шлюбу брата своего изменити, князя великого Олкгирда, посадит братанича своего на Вилни князем великим Якгоила Олкгирдовича. \л.51.\ НЂхто паки был перед тым y князя великого Олкгирда паробком неволным, холоп, звали его Воидимом. Перво был пекарем y князя великого Олкгирда, потом дал собЂ постелю слать ему и воду собЂ пити давати, потом паки полюбился был ему, и дал ему Лиду держати, и повел его в добрыи дни. И потом, по животЂ князя великого Олкгирда, князь великии Якгоило повел Воидима велми высоко, и даст за него сестру свою, княгиню Марю, што была за князем Давыдом. И князь великии Якгоило князю великому Кестутю, дятку своему, во всем великую жа\л.51об.\лость учинил: братонну его, свою сестру, за холопа отдал. И был тот Воидило в великои моцы y князя великого Якгоила, и почнет тот Воидило c нЂмцы соимы и листы ся записывати a стояти против великого князя Кестутья. НЂкто паки был лифлянскии кунтар, звали его Авъкгуштыном. Тот кунтар князю великому Кестутью сповЂдал: «Ты того не вЂдаешь, што великии князь Якгоило посылает к нам часто Воидила и ужо записался c нами, как мает тебе избавити городов, a ему бы ся достало иже c его женою, сестрою \л.52.\ князя великого Якгоила». И князь великии Кестутеи вЂдал то, што князь великии Витовт гораздо живет c князем великим Якголом, и почнет Кестутеи жаловатися сыну своему Витовту, рекучи: «Ты c ним гораздо живешь, a Якгоило ужо записался c нЂмцы на нас». И князь великии Витовт рече отцу своему, великому князю Кестутью: «ВЂрь ^Щ тому, отче, бо того межи нами нЂт, заю ^Э ж ^Э Якгоило живет со мною гораздо». Потом паки учинилося великое знамя: даст великии князь Якгоило Полтеск брату своему Скиргаилу, и полочане \л.52об.\ приняти его не хотЂли на Полтеск. И князь великии Якгоило пошлет воину литовскую з братом своим Скиргаилом к Полоцку, и оступят город Полтеск, и нЂмцы, мистр, пошлет на помощь к Полоцку добывати города. И князь великии Кестутеи почнет опять жаловатися, проплакиваючи, сыну своему, князю великому Витовту, на Якгоила, рекучи: «Сестру твою дал за холопа Воидила, што c нЂмцы записался нас воевати, a то мнЂ из Немец явлено. A другое: c ким мы воюемся? C нЂмцы. A оним ^Ю и Полотца ^Ю добывают. A то явлено, иж им сто\л.53.\яти на нас c нЂмцы». И князь великии Витовт откажет отцу своему, великому князю Кестутью, рекучи: «Еще я тому не довЂриваю».

^Ц Буквы на написаны над строкой другим почерком и другими чернилами ^Ч B К Олькгирду и Керстутю ^Ш Так в рукописи; в K не приспЂл ^Щ Так в рукописи; в P не вЂр ^Э—Э Так в рукописи; в P заню ж ^Ю—Ю Так в рукописи; в P они им Полоцка \203\

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману