О великом князе кестутье и o великом князи якгоиле

↑

▷ Содержание

⇐ ПредыдущаяСтр 11 из 21Следующая ⇒

Потом князь великии Витовт поЂхал к Дорогичину, и князь великии Кестутеи, собравши силу свою, и со всЂм двором своим во зброях и уженут во град в Вилню, и поимает князя великого Якъгоила и c материю его и з братею его, и тыи листы знаидет y него, што c нЂмцыся записали, и пошлет гонца к сыну своему, князю великому ^Я \л.53об.\ Витовту, к Дорогичину, повЂдаючи ему, иже таково есть дЂло сталося. И тот гонец знаидет князя великого Витовта в Городне, и князь великии Витовт послышал тое и за один день прибЂжит до Вилни з Городна до отца своего, князя великого Кестутья. И речет Кестутеи сыну своему Витовту: «Ты мнЂ не вЂрил, во се тои лист, што c нЂмцы записался на нас князь великии Якгоило, нижли в том нас бог остерег. A князю великому Якгоилу не учинил есми ничего, кярбу ^А есми не рушал a ни стад, и сам Якгоило y мене в нястве ходит за малою \л.54.\ сторожою, a отчину его, Витебск и Крево и вси мЂста, што отец их держал, то все ему отдаю, и ни в што их не вступаюся, a то учинил есми для своее головы, остерегаючи себе в том, послышал есми, што на мене лихо мыслят». Князь великии Якгоило велми ся възрадовал приЂзду великого князя Витовта, и на тых мЂст князь великии Якгоило сказал правду князю великому Кестутю и сыну его Витовту, што николи ж не противитися a ни стояти против их, a завжды в их быти поволности в своем дому. И князь великии Кестутеи отпустил \л.54об.\ его c матерью и з братьею его, и со всЂм его скарбом, и со всЂми статки. И князь великии Якгоило поидет напервеи до Крева, a князь великии Витовт провадит его до Крева, a потом ис Крева поидет до Витебска. A князь великии Кестутеи, сЂдши на Вилне, и пошлет до Полоцка два паны литовских c воиском. И полочане, услышавши то, взрадовалися и кликнули на рать Скиргаилову, и люди ратныи от ^Б Скиргаила ^Б и пошли до Вилни, к князю великому Кестутю. A князь Скиргаило пошол в НЂмцы в Лифлянты c малым воиском. A князь великии Кесту\л.55.\теи поидет к СЂверскому Новугородку, a князя Витовта оставит c князем Корыбутом в ЛитвЂ. A князь великии Якгоило имЂл з Витебска c Кестутьем же поити поспол, и наборздЂ присяги своее забыл, не шол ему на помочь из намовы панов виленских, абы засЂли Вилню. A князь великии Витовт в тот час был в ТроцЂх, и князь великии Якгоило из Витебска борздо прибЂжит до Вилни и c воиском, и князь великии Витовт пошлет к СЂверскому Новугородку ко отцу своему Кестутю. A маршалок прускии, услышавши тую рЂч, и поидет на по \л.55об.\ моч ратью великою князю Якгаилу наборзде. И то услышав князь великии Витовт, иж прусы и нЂмцы до Вилни и до Троков тягнут, a князь великии Якгоило из Вилни до Троков же идет воиском великим сниматися c нЂмцы, и князь великии Витовт из Троков выбЂжит и c матерю своею и поидет к Городну. A князь великии Якгоило приступит к Троком, и трочане не далисе ему. И князь великии Кестутеи борздо к Городну приидет к сыну своему и тут наидет жену свою и пошлет ее к Берестью, надЂючися на мазовецкого, \л.56.\ зятя своего, князя Януша, a сам князь великии Кестутеи поидет в Жомоиты, a сына своего Виновта⁶⁶ оставит в Городне. Тогды князь Янушь мазовецкии, забывши доброе приязни тстя своего, князя великого Кестутья, и поиде воиском к Дорогичину ^В, и Дорогичен возмет и осадит, и Сараж звоюет, и подступит под Берестья. И Берестья не вземши поидет проч, и осадит Дорогичин и Мелник. И князь великии Кестутеи, собравши всю жомоитскую силу и многии люди, и поиде под Троки, и приидет к рецЂ к Вели, a князь великии Витовт, \л.56об.\ собравши рать по своеи отчинЂ, поиде з Городна на помоч отцу своему, и соимутся на Вели воиска выше Ковна две мили. Тут воиска Кестутева перевезли и поидут к Троком и отступят Троки. И поидет вЂсть ко князю великому Кестутью, што князь великии Якгоило идет из Вилни великим воиском, a c ним немецкая рать и лифлянская. Ино перед тым немцы были на обе стороны неприятели князю ^Г великому Якгоилу ^Г; бо перед тым лифлянская рать ходила на помоч князю Скиргаилу полоцкому, a потом c морщалком немецким пруская рать прихо\л.57.\дила, a то уже третеи раз лифлянская рать c ним же приходила, a тому знаки есть, што c ним заодно стоят противу князю великому Кестутю. И выЂхал на битву князь великии Кестутеи c сыном своим, князем великим Витовтом, против великого князя Якгоила. И еще ся воиска не снели промежи себе за три або зас ^Д 4 стрелбища, на тых мЂсто приженут князи и бояре от великого князя Якгоила до князя Кестутья и почнет пытати князя великого Витовта, штобы c ним погаворили.

^Я Далее следует Витов

^А Так в рукописи; в P скарбу ^Б—Б B P от Скирыгаила отступили ^ББ Так u рукописи ^В Переоначально Дородичину; исправлено киноварью: ди зачеркнушо, a ги написано c выносным знаком na поле ^Г—Г Так в рукописи; в K князю великому Кестутью и князю великому Якгоилу ^Д Написано над строкой несколъко иными чернилами

И начнут говорити князю великому Витовту: \л.57об.\ «Князь великии Якгоило послал нас к тобЂ, штобы еси нас изеднал со отцем своим, што быхмо имЂли свое, a вы свое, битвы бы и крови \204\ пролития не было межи нас, a ты бы приЂхал до брата своего, князя великого Якгоила, a мы тобЂ присягу дадим, што тобЂ чисто опять в свое воиско отЂхати, аче бы межи нас добрыи конец стался». И князь Витовт отказал: «Присягу y вас беру, a до нас также штобы Скиргаило приЂхал, a присягу бы нам дал, я к вам Ђду». И они послали ко князю Скиргаилу, и приЂхал князь Скиргаило, и присягу дал князю Ви\л.58.\товту, и князь великии Витовт поЂхал до князя великого Якгоила и к его воиску, a полки стоят, ничего менш собою не починают. И князь Якгоило начнет просити Витовта, рекучи: «Брате милыи, съеднаи нас, штобы не было кровопролитья». И князь Витовт присягу взял y князя Якгоила, што отцу его, князю великому Кестутю, c Якгоилом съЂхатися и опять чисто розЂхатися. И еще князь великии Витовт рече князю Якгоилу: «Пошли, брате, еще князю великому Скиргаилу, што он дал присягу князю великому Кестутью, отцу нашему, иж бы \л.58об.\ ему было приЂхати чисто и опять за се отЂхати, и дал бы нам присягу от тебе». Князь Скиргаило c князем Витовтом приидут ко князю великому Кестутью, и даст присягу Скиргаило князю великому Кестутью от князя великого Якгаила и от себя. И князь великии Витовт c князем великим Кестутьем, отцем своих ^Е, обадва поидут в воиско Якгоилово, на тыи присяги надЂючися. И князь Якгоило тыи присяги переступил, и рек так: «Поидемо до Вилни и там докончаем своее правды». И в том воиска ничего не почи\л.59.\нали, оставили. И как до Вилни приЂхавши, так князь великии Якгоило князя великого Кестутя, дядю своего, оковавши, до Крева послал и всадил в твержу, a князя великого Витовта оставили были в Вилни. И там в Кре†князя великого Кестутья удавили пятое ночи коморники князя Якгоиловы: одного звали Прокошкою, што ему воду давал, a другии были МостЂев брат a Кучюк да Лисица Жебентяи. Так ся конец стал князю великому Кестутью.

По смерти князя великого Кестутья пошлет князя великого Витовта князь великии Якгоила в нят\л.59об.\ство до Крева и з женою и велит твердо стеречи, a то все помщиваючисе Воидила. Князь великии Витовт седЂл в Кре†за сторожаю в комнатЂ, a жонкам двема призволено было ходити до комнаты; и княгиню c ним посадили, a положивши их вон выходят, a сторожа завжды около была. И княгиня великая Витовтовая слышала от людеи, што князь Витовт долго мает седЂти c нею, и змыслила собЂ: «Как жонки нас будут покладати, тогды тобЂ одное жонки плате всклавши, выити вон з другою жонкою, a тои жонцЂ оста\л.60.\тись бы c нею в коморЂ». И Витовт, послушавши жоны своее порады и нарядился в одное жонки плате,.и выидет вон з другою жонкою, и спустится з города, и утечет до НЂмец к мистру до Марина городка. A сторожи тое видЂли и не догодалися, домнимали жонка вышла з жонкою. И князю великому Витовту там, мешкаючи в НЂмцех, приЂхали там князи многие и бояре литовскии, и почнет воевати Витовт землю Литовскую c помочю немецкою. A в тот час князь великии Якгоило и c матерю своею был в Витебску, a брат его Скиргаило в ТроцЂх \л.60об.\ был. И князь великии Витовт повоевал много земли Литовское ^Ж, a князь великии Якгоило и брат его Скиргаило не могли стояти против великого князя Витовта, занеж y Витовта сила болшая была. Тогды князь великии Якгоило перепросит князя великого Виговта и даст ему Луческ со всею землею Волынскую и c Подолем, a в Лит†отчизна его. И князь великии Витовт покору свою учинил перед старшим братом своим Якгоилом и принял Луческ Великии со всею землею Волынскою.

^Е Так в рукописи ^Ж Bmopoe o переделано из и

И потом короля полского Владислава в животЂ не стало, a сына жаднаго не имЂл, \л.61.\ голко одна дочка была y него, на имя Едвига. И почали поляки часто слати послы из Кракова ко князю великому Якгоилу, рекучи, штобы приял крещение старого Риму a понял бы y них королевну Едвигу собЂ женою и стал бы y них королем в КраковЂ, на всей земли Лядскои. И князь великии Якгоило раду собЂ учинил c своею матерью, княгинею Уляною, и з братьею своею, и со всЂми князи и бояры Литовские земли, и поЂхал до Кракова в Полскую землю. Там же самкрестился и братия его, и князи, и бояре, и понял собЂ королевну Ядвигу, и корунован был. И оттоле \л.61об.\ почали крестити литву в лядскую вЂру, и прислал артибискуп бискупа до Вилни на Литовскую землю, и от тых мЂст почали костелы ставити по всеи земли Литовскои. Тое ж зимы королю будучи в Крако†со всЂми князи и бояры литовскими.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности