О князи Викенте и o князи Ердивиле

↑

▷ Содержание

⇐ ПредыдущаяСтр 3 из 21Следующая ⇒

О князи Викенте и o князи Ердивиле

Пануючи великому князю Викенту в Жомоитскои земли, a Ердивилу в НовЂгородцы и в тых вышереченых городех, и затым умре князь великии \л.20об.\ Викент, и по нем начнет ннжити ^Е Живинбуи, князь литовскии, обЂма тыми княжени, Литвою и Жомоитю, a Ердивил на НовЂгородцы и на всЂх тЂх вышереченых городех руских. И много лЂт княживши Ердивил на тых городЂх и умре, и по нем начнет княжити сын его Минкгаило.

О князи великом Минкгаиле

По смерти отца своего князь великии Минкгаило, собравши воиско свое, и поиде на город Полотск, ино мужи полочане, которыи вечом исправовалися, как Великии Новъгород и Псков. И напервеи пришли к городу их реченому Городец, \л.21.\ и мужи полочане, ополчившися полки своими, и стрЂтили их под Городцом. И велик бои и сЂчю межю собою учинили, и поможе бог великому князю Минкгаилу, и побил мужеи полочан наголову, и город их созже, реченныи Городец, и град Полческ возмет, и остал великим князем полотцким. И будучи ему великим князем новгородцким и полоцким, и пановал много лЂт и умре. И оставил по собЂ двух сынов, одного Скирмонта, a другаго Кгинвила, и Скирмонт почне княжити на НовЂгородцы, a Кгинвил на Полотцку. И поимет Кгинвил дочку y ве\л.21об.\ликаго князя тверскаго y Бориса именем Марию, для которое же окресхился в рускую вЂру, и дали ему имя Борис. И тот Кгинвил, рекомыи Борис, учинил город на имя свое на рецЂ Березыни и назвал его Борисов. И будучи ему русином, был велми набожен и учинил церковь каменную в Полоцку святую СофЂю, другую святого Спаса, дЂвич монастырь вверх реки Полоты от города в полумили, третию церковь, монастыр на Белчицы святаго Бориса и ГлЂба. И пануючи ему ^Ж в Полоцку был ласкав на подданых своих и дал им, подданым своим, волность вечом имЂти \л.22.\ и в звон звонити, и по тому се справовати, как в Великом НовЂгородЂ и во ПсковЂ. И што князь Борис c тою женою имЂл сына Ротволода, названого Василем. И по нем начне княжити сын его Василеи в Полоцку, a сам умре. И князь Василеи, княжачи на Полацку, имЂл сына ГлЂба a дочку Парасковю. И тая дочка Парасковия обецалася девичьство свое захавати в цЂлости до живота своего и постриглася в черницы у святаго Спаса в монастыри над Полотою, и мешкала там 7 лЂт, богу служачи и книги пишучи на церковь. A потом забралася до Рыма, и в Рыме мешка\л.22об.\ючи, богу служила пилне. И мешкая колко лЂт, и освятилася,чкоторую называют святая Прексыдыс, a по-руски Парасковия, которои же в РимЂ и костел збудован на имя ее святое, и там же ее и положили. A брат ее, князь ГлЂб полотцкии, в молодых лЂтех своих, княживши в Полотцку немного лЂт, и умре, и положен бысть y святои СофЂи в Полоцку со отцом своим в одном гробЂ. A полочане почали по тому справовати за ся, как в Великом НовЂгородЂ и ПсковЂ, a пана над собою не имЂли. И возвратимся вспак. \л.23.\

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии