О великом князи Кгидимине и o бигве c князем володимером володимерским

↑

▷ Содержание

⇐ ПредыдущаяСтр 7 из 21Следующая ⇒

О пяти сынЂх Романовых

По смерти великого князя Романа начнет княжити сын его старшии Наримунт, и учинит город Кернов, и знесе з Новагородка столец до Кернова, и начал княжити, и назовется великии князь литовскии, новгородскии и жомотскии. A брат его Довмонт сядет на отчине своеи, на Утене, и назовется князем утенским. A третии брат его, Голша, перешед реку Велью, и нашол реку ^Н красну межи горами над рЂкою Вилнею, в милЂ от устья реки Вели ^НН, гдЂ впадывает в реку Велю, против \л.32об.\ Раконтишков, и учинил город и назовет его именем своим, Голшане. И немного бывши там, и Ђздечи оттолЂ в ловы в пущу за десять миль от того города своего, и наидет гору красну и ровнинами великими обляглую и офитостями наполненую, и сподобалосе ему там, и он и там поселился, и на тои горЂ учинил город над рекою Кораблем, и перенесется оттолЂ, и там начнет княжити, и назовется князем Голшинским. A пятыи брат, Троиден, мешкал при братЂ своем, великом князЂ Наримонте. И довЂдался великии князь Наримонт, \л.33.\ што ж князи ятвезскии измерли, a люди их без господаря мешкают, и князь Нарымонт поидет на них и они не противячися поддалися ^О и поклонилися ^О ему, и он, оставши им ^П господарем ^Р и вземши их, дал брату своему Троиденю за удЂл. И князь великии Троиден наиде гору красну над рекою Бебрею, и сподобалося ему там велми и зарубит город, и назовет его Раигород, и прозовется князем ятвезским и доновским. И будучи ему там на княжени, великии валки чинил з сяли ^С, c русью и c мозовшаны, и завжды сыскивал, и над землями их силныи окрутен\л.33об.\ства чинил, што ж вышеи описует в рускои кроинице, иж горши был тым землям и окрутнЂиши на них, нежели Антиох сирскии и Ирод ерусалимъскии, и Нерон римскии, што так был окрутныи и валечныи.

^ММ Так в рукописи; в других летописях Троиден ^Н Так в рукописи; в Р гору ^ННТак в рукописи; в К Вилни ^О—О Буквы пся и по написаны по стертым буквам то ^П и написано no cmepmou букве ^Р г написано по cmepmou букве ^С Так в рукописи; в P ляхи

Князь же великии Нарымонт поимет жену y лифлянского реченнаго Флядры, дочку его, и брат его Довмонт y того ж Флядра другую дочку его. И немалыи час живучи, рознеможеся жена князя Домонтова утенского и умре. И князь великии Наримонт, слышавши смерть невЂстки своее, жаловал велми, и будучи сам немощон, и по\л.34.\слал жену свою до брата своего Домонта, жалуючи жалости его. И коли приехала жена Нарымонтова до Утены, жалуючи деверя своего, князя Домонта, и князь Домонт, видЂвши невЂстку свою возрадовался велми, a рек так: «МнЂ было жены искати, a ce мнЂ бог жену дал». И понял ее за себе; и в том стала великая брань и розстыджка межи братьи, великим князем Нарымонтом и князем Домонтом. И князь великии Наримонт, видечи жалость свою великуіе, иж брат его жену его за себя кгвалтом взял \л.34об.\ и обослал братью свою, князя Кгедроитя и князя Голшу и князя Троидена, и тестя своего Флядра вифлянъского. И собравшися з братьею и со всЂми людми своими, и потягнул на брата своего, князя Домонта, и обогнал его в городЂ его Утене. И поразумЂл князь Домонт, што не мочь ся ему оборонити, и просил горожан своих, абы ему не подали города, поколь бы он прошол воиско Нарымонтово. И сам спустился з города, и прошодши воиско Нарымонтово, и побЂжит и приидет к городу \л.35.\ Пскову. И мужи псковичи, видЂвши его мужа честна и разумна, и взяли его собЂ господарем и назвали его великим князем псковским. A Нарымонт, взявши город Утену и жону свою, и княжил на Керно†и на НовЂгородци, и на Жомоити, a Домонт на ПсковЂ, и обадва немалыи час княжили. Троиден паки поимет жену y княжети мазовецкого дочку, и имЂл c нею сына, реченного Римонта. И коли сын его Римонт доростал лЂт своих, и отец его Троиден дал его для науки языка руского до Лва Мстиславича, которыи заложил город \л.35об.\ во имя свое, Лвов. И мешкаючи Рымонту y князя Лва, научился языку рускому, и сподобалосе ему вЂра християнская, и окрестился и вразумЂл, иже тот свЂт ничого не есть, и опустивши свЂт постригся в чернцы, и названо имя ему Лаврыш. И будучи в чернцох, пришол до дятка своего Нарымонта и просил его, абы ему дал в Новгородском повЂте мЂстцо на пущи подлЂ реки Немна, гдЂ бы собЂ монастырь збудовати имЂл, и он ему допустил, и он собЂ монастырь збудовал, и поставил напервЂи церковь святого Воскресеня, и оттолЂ прозвано Лаврыщов монастырь. И будучи ему \л.36.\ в монастыри, дятко его умре, и панове литовскии и жомоитскии взяли великим князем Троиденя. И пануючи великому князю Троиденю, и князь великии Домонт, пришодшо зо Пскова, возмет город Полтеск и имет княжити на Пско†и на Полоцку. И жаль было \199\ ему того велми, иж брат его меншии осел в Лит†панство, и почал o том мыслити, как бы ему смерть приправити. A в тых часЂх Троиденю пануючи, и змерли ему обадва брата, князь Голша да князь Кедрус. A з оное вышеиписаное вазни князь великии Домонт направил шесть мужиков на брата \л.36об.\ своего Троиденя забити, гдЂ ж он шел безпечне з ласки ^СС, и тыи мужики его здрадне забили, a сам Домонт, собравшися c людми своими псковскими и полоцкими, и потягнул до Литвы, хотячи быти князем литовским и жомоитским. И реченныи чернец Лаврыш, по-литовски зовомыи Рымон, a по-руски Василеи, жалуючи смерти отца своего, великого князя Троиденя, и оставивши чин чернецкии и пришол до панов. И собравшися во всЂми силами литовскими, и потягнул противку Домонта, хотячи помстити кров отца своего. И ополчившися c полки своими, потка\л.37.\лися з Домонтом над озером. И сшедшимся им c полки своими c обу сторон, и был межи ими бои и сЂча немала з раня даже до вечера, и поможе бог Лаврушу, и все воиско дяди своего Домонта поразил и самого убил, и город Полтеск взял. И возвратившися к столцу отца своего до Кернова, и рек паном: «Кгды мнЂ бог дал помстити кровь отца своего, я свЂта сего отрекся, взял есми на себе черную ризу, господарьства не хочю. Возмите собЂ господаря, кого воля ваша будет. A вед же ражу вам: ачьколвек есть братья моя, Голшин сын Олкгимонт, да Кедров сын Кгинвил. Ино еще \л.37об.\ малы суть, не годятся на панство, бо дятко мои Нарымонт, коли сЂл на Великом князьст†Литовском, герб свои Китаврос зоставил братии своеи, a собЂ удЂлал герб — человЂка на кони c мечом, a то знаменуючи через тот герб пана дорослого, хто бы мог боронити мечом отчины своее. A про то берите собЂ господаря доброго, хто бы мог боронити того панства, Великого князства Литовскаго. И так ми ся видит, иж бы к тому годныи был Витени, которыи был маршалником y отца моего». И панове не хотЂли переступити рады \л.38об.\ a воли господаря своего прироженого, сына великого князя Троиденява, учинили так: видЂчи мужа мудраго a годного Витеня, которыи же был c рожаю a c поколеня Колюмнов, з ыменья, держаного в Жоморти ^Т, реченного Аирякгола, взяли его собЂ великим князем литовским и жомоитским, бо князь великии Троиден, будучи y Жомоити, Ђхал через имЂнъя его Аиракголу и узрЂл оного Витеня еще малым младенцем, и убачил оное дитя обличьем хорошо и возрасту подобного, и взял его к собЂ, и был y него комор\л.38об.\ником, и будучи в коморЂ кождую рЂчь чюдне a радне панскую ховал и справовал. И он, бачечи цноту его и доброе заховане, учинил его y себе морщалником, и был y него милостником и всяким справам годным справцою был, a затым по смерти его взят есть на Великое князство Литовское. И тут скончался род c Китаврусов a начало великое княжене Витенево, род великих князеи литовъских c поколеня a з роду Колюмнов.

^СС Так в рукописи; a P лазни ^Т Так в рукописи.

О великом князе Витени

И будучи великому князю Витеню на Великом князьстве Литовском и Жомоитском, \л.39.\ и Руском, и пановал много лЂт, аж до старости своее во упокои, и родился ему сын Кгидимин. И потом умре великии князь Витеня, а по нем сЂл на великом княжени Литовском и Жомоитском, и Руском вышереченыи сын его Кгидимин.

Начало княжене великого князя Кгидимина на князст†Литовском и Жомоитском, и Руском

О великом князе Кгидимине

Будучи великому князю Кгидимину по смерти отца своего Витеня на Великом князст†Литовском и Жомоитъском, и Руском, и сЂдячи на столци отца своего в Кернове. И па\л.39об.\нуючи ему немного лЂт по смерти отца своего, повстали против его нЂмцы, прусы, лифлянты, и втегнули c великим множеством людеи своих в землю Жомоитскую, хотячи ее собЂ осЂсти. И князь Кгидимин вскорЂ не поспЂ собрати воиска своего против нЂмцов, и послал наистаршаго гетмана своего c малыми людми на город Куносов, умоцняючи его от нЂмцов, a тот был гетман его на имя Кгаштолт, з рожаю c Колюмнов. И нЂмцы того гетмана его обогнавши, и тот город Куносов облегли, и з великих дЂл всего збили, и того гетмана c того города свели и в полон повели, \л.40.\ и землю Жомоитскую посЂли. И князь великии Кгидимин учинит умову c нЂмцы o того гетмана своего, и дал за него 30000 золотых. И на другии год, собравши вси свои силы литовскии и рускии, потягнул на НЂмцы. A нЂмцы и выфлянты, и прусове, и жомоиты з собою вземши, и поткали великого князя \200\ Кгидимина на рецЂ на Ошмене, на сеи сторонЂ Жеимов две мили. И поможе бог великому князю Кгидимину, иж нЂмцов всЂх наголову поразил, a жомоиты от нЂмцов отступили и приступили к господарю своему прироженому Кгидимину, иж \л.40об.\ нЂмцов всЂх наголову поразили и побили все воиско немецкое. И туж звитежство одержавши над нЂмцы, и жомоит к собЂ взял, и пошол c тыми силами и ж ^У жомоитью в землю Немецкую, и взял город Тилжу a другии Ракгнету, и инших городов много побрал, и землю спустошил всю и в полон повел, и невымовное множество кровопролите в НЂмцох учинил звитежъство одержавши, и c великим веселием восвояси отиде.

И упокоивши землю Жомо\л.41.\итцкую от нЂмцрв, и пошол на князи рускии, и прииде напервЂи к городу Володимирю, и князь Вододимир володимирскии, собравшися c людми своими, и учинит бои лют c князем великим Кгидимином. И поможе бог великому князю Кгидимину, иж князя Володимера володимерского самого убил и рать его всю побил, и город Володимир возмет, и потом поидет на князя Лва луцкого. И князь Лев услышал, што князя Володимира литва убили и город Володимер взяли, и он не смел противу стати ему, и побЂжит до князя Ро \л.41об.\ мана, до зятя своего, к Брянску. A князи и бояре волынскии били челом великому князю Кгидимину, абы y них пановал и господарем y них был, a земли их не казил. И князь великии Кгидимин, укрепивши их присягою и оставивши наместников своих y них там, и начне княжити. A потом на зиму шол до Берестья и з Берестья вси воиска свои роспустил, a сам в БерезтЂ зимовал. И скоро Велик день минул, и он, собравши вси ^УУ свои силы литовския и жомоитския, и руския, поиде на другои недели по Велице дни на князя Станислава \л.42.\ киевъского и, пришед, возмет город Уручеи и город Житомир.

^У Так в рукописи ^УУ Далее буквы во, вычеркнутые киноварью

И князь Станислав киевскии, обославшися c князем Олгом переяславским и c князем Романом брянским, и c князем волынским, котораго князь великии Кгидимин выгнал c Луцка, и собралися вси в великом множест†людеи своих руских, и поткалися вси c князем великим Кгидимином на рецЂ на Рпени под БЂлым городом, в шести милях от Киева. И учинили бои и сЂчю велику, и поможе бог великому князю Кгидимину, побъет всЂх князеи руских наголову, и воиско их все побитое \л.42об.\ на мЂстцу зостало, и князя Лва луцкого, и князя Олга переяславского убил, и в малЂ дружине Станислав киевъскии c Романом брянским утекут до Брянска, a князь великци Кгидимин оступит БЂлъград. И горожане видячи, иж господарь их c воиска побег, a воиско все наголову поражено, и они, не хотячи противитися воиску так великому литовскому, и передалися з городом князю Кгидимину, и присягу учинили служити к Великому князству Литовскому. И затым князь великии Кгидимин пошол со всЂми силами своими \л.43.\ до Киева, и обляжа город Киев, и кияне почали ся ему боронити. И лежал князь великии Кгидимин под Киевом месяц, a затым сдумали межи собою горожане киевскии, иж мочь великого князя не могли терпЂти болши того без господаря своего, великого князя Станиславля киевъского. И услышали то, иж Станислав утек от Кгидимина и воиско господаря их побито, a y них нЂт зоставы никоторое и князь их не зоставит. И они, смолвившися одномысленЂ, подалися великому князю Кгидимину, и вышедши из города c кресты, игумены и попы, \л.43об.\ и дияконы, и ворота городовые отворили, и стрЂтили великого князя Кгидимина честно, и ударили ему челом, и поддалися служити, и присягу свою великому князю Кгидимину на том дали, и били челом великому князю Кгидимину, чтобы от них отчины их не отнимал. И князь Кгидимин при том их зоставил и сам честно в город Киев въЂхал. И услышали то пригородки киевскии, Вышегород, Черкасы, Канев, Путевль, Слеповрох, што кияне передалися з городом, a господаря своего слышали, иж утек до Брянска, a силу его всю побили, и вси пришли до \л.44.\ великого князя Кгидимина, и c тыми прежереченными пригородками киевскими подалися служити и присягу на том дали великому князю Кгидимину. И переяславляне слышали, иж Киев и пригородки киевскии подалися великому князю Кгидимину, a государь их, князь Олг, от великого князя Кгидимина убит, и они, приЂхавши, и подалися з городом служити великому князю Кгидимину, и присягу свою на том дали. И князь великии Кгидимин, взявши Киев и Переяславль и вси тыи вышереченныи пригородки, и посадил на них князя Мин\л.44об.\довгова сына Олкгимонта, великого князя Олшанскаго, a сам c великим веселием в Литву возвратися. \201\

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности