О князи станиславли киевъском, которого выгнал князь кгидимин c киева

↑

▷ Содержание

⇐ ПредыдущаяСтр 8 из 21Следующая ⇒

О князи Станиславли киевъском, которого выгнал князь Кгидимин c Киева

Bтот час будучи князю Станиславлю киевскому в Брянску, выгнаному от великого князя Кгидимина, и прислал к нему князь резанскии Иван. Будучи в старости своеи, просячи его, абы до него Ђхал и дочку его понял, именем Олгу, ибо сына не имЂл, толко одну дочку, и по смерти его, абы был великим князем резанъским. И князь Станиславль \л.45.\ до него Ђхал, и дочку y него нонял, и по смерти его был великим князем резанским. A князь великии Кгидимин, прогнавши князеи руских и от нЂмец землю упокоивши, и пановал много лЂт в покои.

О великом князи Кгидимине, как Троки зарубил и Вилню

И нЂкоторого часу поЂхал князь великии Кгидимин c столца своего, Кернова, в ловы за пять миль за реку Велю, и наиде в пущи гору красну, добровами и ровинами ^Ф обляглую, и сподобалося ему велми, и он там поселился, и заложил город, и назове имя ему Троки, гдЂ нынЂ \л.45об.\ Старыи Троки. И в малых часЂх поЂхал послЂ того князь великии Кгидимин в ловы от Троков за 4 мили, и наиде гору красну над рекою Вилнею, на которои наиде звЂря великого тура, и убьет его на тои горЂ, гдЂ нынЂ зовут Туря гора. И велми было позно до Троков Ђхати и станет на луцЂ на ШвинторозЂ, где первших великих князеи жигали, и обночовал. И спячи ему там, сон видЂ, што ж на горЂ, которую звали Кривая, топер Лысая, стоит волк желЂзныи велик, a в нем ревет, как бы сто волков было. И очютился от сна своего и речет \л.46.\ ворожбиту своему, именем ЛиздЂику, которыи был наиден в орло†гнездЂ, и был тот ЛиздЂико y князя Кгидимина ворожбитом навышшим, потом попом поганским: «Видех деи сон дивныи», и сповЂда ему все, што ся ему во снЂ видЂло. И тот Лиздеико рече господарю: «Княже великии. Волк желЂзныи знаменуется город столечьныи тут будет, a што в нем внутри ревет, то слава его будет слынути на весь свЂт». И князь великии Кгидимин назавтрее ж, не отеждяючи, послал по люди и заложил город один на ШвинторозЂ Нижнии, a другии на Кривои горЂ, которую \л.46об.\ нынЂ зовут Лысою, и наречет имя тым городом Вилня. И збудовавши городы перенесет столец свои c Троков на Вилню и учинит первшим воеводою в Вилне гетмана своего Кгаштолта c Колюмнов, которыи ся народил c Кумпя, которыи был поиман от немцов на КуносовЂ. И княжил великии князь Кгидимин много лЂт на князьст†Литовском и Руском, и Жомоитском, и был справедливыи, и много валк мевал a завжды зыскивал, и пановал фортунливе аж до великое старости своее.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии