йелдер ерлерге қарағанда жиірек сырқаттанады, арақатынасы 1:2, 1:4.

↑

⇐ ПредыдущаяСтр 6 из 45Следующая ⇒

Созылмалы фиброзды тиреоидитті (тақтай тәріздес тиреоидит, инвазивті тиреоидит, Ридель тиреоидиті). Бұл дертті 1896 ж. Швейцарияның хирургі И. Ридель сипаттап жазған. Дерт - өте сирек кездеседі және бездің, қалқанша безді қоршаған тіндердің фиброзымен сипатталады.

Бұл дерттің этиологиясы белгісіз, ертеректе аутоиммунды тиреоидиттің бір түрі ретінде қарастырылатын, бірақ бұл гипотеза дәлелденген жоқ. Фиброзды тиреоидит – висцералық фиброматозға жатады, ұлғайған қалқанша бездің тіндері дәнекер фиброзды тіндермен алмасады. Патологиялық процеске тек бездің стромасы ғана емес, оны қоршаған анатомиялық құрылымдар – кеңірдек, өңеш, қан тамырлар, нервтер, бұлшықеттер шалдығады.

Әйелдер ерлерге қарағанда жиірек сырқаттанады, арақатынасы 1:2, 1:4.

Клиникасы. Дерт баяу, біртіндеп, симптомсыз басталады. Уақыт өте келе науқас мойынының алдыңғы беткейінде өте қатты ісік тәрізді өспені байқайды. Дерт өршіген сайын біртіндеп тыныс алу, жұтыну қиындап, ас ішкенде шашалу пайда болады, дауысы дөрекіленіп, қарлығып, тіпті дыбысы шықпай қалуы мүмкін. Кейінірек гипотиреоздың клиникалық белгілері пайда болады, қалқанша маңы бездің фиброзының және екіншілік гипопаратиреоздың салдарынан құрысу, сіңір тартылу болуы ықтимал.

Нысанды (объективті) қарау кезінде мойынның алдыңғы беткейінде ісік тәрізді өспені байқауға болады. Бездің үстіндегі терілік жамылғы өзгеріссіз.

Пальпация кезінде без әркелкі ұлғайған, тас тәрізді қатты, кейде бұдырлы, жұтынғанда қозғалмайды.

Зертханалық тексеру жүргізгенде гипотиреоздың белгілері – ТТГ-ның жоғарылауы, Т3 және Т4 титрлерінің төмендеуі байқалады.

Дианозды нақтылау үшін УДТ жүргізу маңызды, ал ажырату диагнозы кезінде жіңішке инелік пункциялық аспирациялық биопсияның орны ерекше. Кейде ашық биопсияға да жүгінеді.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте