Талламан болх «Хьуьнхара д1авоьдуш»

↑

⇐ ПредыдущаяСтр 19 из 29Следующая ⇒

Грамматически т1едиллар.

1.Куцдешнаш билгалдаха.

Талламан болх «Хьуьнхара д1авоьдуш»

Текст.

 Хьуьнахула д1авоьдуш, цхьана ирзе кхочу. Кхузахь долу сурт, хьежа к1ордор доцуш, хаза ду. К1айчу, ц1ечу, тайп-тайпанарчу зезагашна къорза куз тесча санна, хаздина х1ара ирзо. Жимма сада1а хьо охьалахвелча, баца юккъехь гуш хуьлу хьуьнан ц1азамаш. Ц1азамаш мерза а, ша-тайпана хьожа йолуш а хуьлу. Малхбасешкахь ц1азамаш мерза а, кегийра а хуьлу, хьуьнан 1индаг1ехьа даккхий, жимма муьста чам болуш. И ц1азамаш пайдехь а, дарбане а ду, къаьсттина берашна.

 Лекхачу хьуьна юккъехь тийна, бодане хуьлу. Делахь а,

Кхузахь шайн болх беш кегийра хьун ю – коьллаш. Уьш дарбане ю аьлча тамашийна хетадала мега. Ч1ижарг1а башха стомма г1ад а доцуш, деха дуткъа даьржина г1аш а, к1айн заза адолуш колл ю. Цо заза доккху аьхка. Цунна т1ера аьхка яьккхина кевстиг дарбане ю. Муьргийн г1ода т1ера чкъор а ду дарбане. Кхано, т1ера стоьмаш хилла бевлча, уьш кхехка а бина, церан хи мелча, шелоно цомгашвина хьо велахь, цо дарба дийр ду.

 Аьхка заза доккхуш йолчу коьллин зазанах боккха пайда оьцу накхармозаша.

Талламан диктант «Доттаг1алла.»

Текст.

 Массо а заманашкахь а сий – ларам бина адамаша оцу сийлахь-доккхачу дешан. Дуьненан массо а маттахь а дека тешамечу доттаг1аллех, цуьнан дерриге а къардечу нуьцкъаллех лаьцна иллеш. Доттаг1алла хестадо шайн стихашкахь, поэмашкахь дуьненан массо а къаьмнийн поэташа.

 Доттаг1алла! Къаьсттина доккхачу маь1не дирзина и сирла дош вайн башхачу, амма вуно чолхечу заманахь. 1аламат кхеташ а, гергара а ду и довха дош шайн кхолламаш даима а цхьанабаьэначу российски хьалкъаша.

 Къинхьегамехь догц1ена йохьалла, эшначохь вовшашна г1о дар, вовшашназеделлачух пайдаэцар – и дерриге а вайн дахаран къастамалла ю, вайн российски адамийн, талхо йиш йоцу г1иллакх ду.

 Вайн республикан культурни дахарехь доккха г1уллакх, бакъалла а долу деза денош хилла д1ах1иттира 1977 шеран сентябрехь Нохч-Галг1айчохь д1адаьхьна Херсонски областан литературан денош.

 Оцу дицлур доцчу цхьанакхетаршкахьоьрсийн а, нохчийн а, украински а, г1алг1айн а меттанашкахь екара вайн Даймахках, халкъийн доттаг1аллих адамийн къинхьегаман толамех лаьцна йолу стихаш.

Ишттачу цхьанакхетарша яздархошна таро ло дахар к1орггера довза, ло керла теманаш, керла васташ.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США