Талламан диктант «дай, к1антий».

↑

⇐ ПредыдущаяСтр 16 из 29Следующая ⇒

Грамматически т1едиллар.

1.Хандешнашна буха сиз хьакха.

2. Шина предложенина бе синтаксически къастам.

Талламан диктант «Дай, к1антий».

Текст.

Иза дара ткъа шо хьалха. Шийла 1а дара лаьтташ. Юьрта ваханчуьра вог1уш вара со сайн деца. Доккха диллинчу лайх сакъералуш, лайла лелхаш вог1учу сунна цкъа вулий дов деш, т1аккха велалуш, хьалха д1аоьхура дада. Г1алара жимма схьаваьлча, гуш хуьлура г1ала а. Дуьхьала вог1уш цхьа стаг хилча, иза генара гора.

 - Хьуьлла йог1у зуда гой хьуна? – хаьттира дадас.

 - Цо х1ун эр ду? – дена юххе х1оьттира со.

 - Хьо вон лелаш ву эр ду, д1ахьажал хьайга, хьо вериг лайх вуьзна. Куьг тохий д1адаккха иза, вашор ву хьо – реза воцуш корта ластийна, д1аволавелира да.

Грамматически т1едиллар.

1.Ц1ерметдешна буха сиз хьакха.

2. Легаде: хьо, сайниг.

Талламан диктант.«Б1аьсте.»

Текст.

 Шолг1ачу дийнахь, кхунна г1о дан ц1ахь сецначу 1абдуллас г1о а деш,нехан бежнаш дажо дигира Ахьмада.Малх дикка лакхабаллалц кхунна г1о деш а 1ийна,шен керт-кехь г1уллакхаш дан д1авахара 1абдулла.Стовн колл олучу меттехь бажа а бажош,б1аьстенна х1инцца самадолуш доллучу 1аламан хазалле а хьоьжуш,гуш долчу суьрто б1аьрганна там хуьлуьйтуш,сапарг1ат даьккхина стеш а,сенъелла йог1у буц а,доллу х1ума серла даьккхина,дох а дина болу къегина схьакхетта малх а.«Кестта хьун а сенлур ю,буц лакха а ер ю,стоьмаша заза а доккхур ду»,- ойла йора к1анта. Ахьмад х1ума йиъна воллушшехь,кхуьнан б1аьрг кхийтира схьайог1учу шина зудчух.Кхунна девзира шен ненан болар.(М.Юнусов)

Грамматически т1едиллар.

1.Хандешнашна буха сиз хьакха.

2.Т1аьххьарлерачу предложенина бе синтаксически къастам

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте