КӨнҖлин кирӘр кӨлӘн Җиидг, кишгин кирӘр хот уудг.

↑

⇐ ПредыдущаяСтр 65 из 156Следующая ⇒

КӨНҖЛИН КИРӘР КӨЛӘН ҖИИДГ, КИШГИН КИРӘР ХОТ УУДГ.

Һару һарһхларн, эврәннь мөңгнә кирәр, кемҗәһәр һарһдг; эдл-ууш уухларн, бәәх мал-герәс иш авч эдлдг. Үлүһәр, кемҗән-то угаһар эдлхлә, мөңгн күршго, терүгән санх кергтә гисн сурһмҗ өггдҗәнә. Кир гисн кемҗән, то. Кемҗән уга — тоолҗ болшго олн. Кемҗәһәрн цөөкн тооһарн цөн. Эн үлгүрт теҗәл-теткүләрн тату-тартг бәәдг күүнә тускар келгдҗәнә. Тегәд көнҗлин кирәр (кемҗәһәр) көлән җиидг, кишгин кирәр (кемҗәһәр) хот уудг гиҗ келгднә. Көнҗлиг авгин хавҗ уйхларн, ут болн өргнәр кехәр седхлә, һару икәр һарх болад, хавтхин мөңгнәннь кирәр эд-тавр баһар хулдҗ авсн төләд, тер көнҗлин кемҗәнь уутьхн болсар, көнҗлин эзнь көлән җиихләрн, тер көнҗлин кирәрнь җиидг. Эдлвр-уушнь (кишгнь) тату болсар, хот-хол кеҗ уухларн, бас әрвлҗ, теҗәл-теткүлиннь (оруһиннь) кирәр хот кеҗ уудг зөвтә.

КӨӨҺИН ӨӨР — КӨ, ӨӨҺИН ӨӨР — Ө.

Өөтә күүнә өөр бәәхлә, терүнәс эрдм дасх, му (кө) күүнә өөр бәәхлә, тиим күүнәс мууһин тоот киртә, бузр, залху, хуурмг йовдл дасх гисн сурһмҗ эн үлгүрт өггдҗәнә. Кө гисн юн чигн юмиг харлулҗ буддг хар кө (хәәснә кө). Тегәд тер көөһин өөр бәәсн юн чигн юмн көөтә эс гиҗ киртә хар будгта болл уга бәәшго.

 «Ө» гисн үг хальмг келнд баһ гихдән һурвн чинртә. Негдвәр, «ө» гисн һундл гих чинртә үг болҗ һарна. Үлгүринь авад келхлә, «би танд икәр өөлүв» гиҗ келҗ болхмн. Хойрдвар, «ө» гисн тегш биш гисн чинр медүлҗәнә. Үлгүринь, ө һазр гиҗ келҗ болхмн. Һурвдвар, «ө» гисн медрлтә, билгтә гисн учр-утхта болна. Үлгүринь келхд, «эн күүнтн һартан әвр өөтә эс гиҗ медрлтә күн. Энтн ю болвчн кечкдг күн» — гиҗ, тиим һартан өөтә эс гиҗ медрлтә күүнә тускар келгднә.

КӨРӘ МАХН ХӘӘС ДҮҮРГДГ.

Юн чигн юмн көрхләрн, икднә, өргҗнә. Кемр дүүрң шилтә усиг киитнд көргәхлә, тер шил хамхрҗ одна, юңгад гихлә, усн көрхләрн, икднә, өрггднә. Эн товчта үгиг келхләрн, көрә юн чигн юмн, тер дотр көрә махн, девтхләрн, кемҗәһәрн баһрдг төләднь, тиигҗ келсмн. Үлгүринь келхд, киитнд көрсн махиг хәәснд чанхла, тер махн девтәд халхларн, хәәсн дунд орна.

Тегәд эн товчта үгин һол учр-утхнь болхла, юн чигн юмна һазак дүринь, кемҗәһинь шинҗлҗ хәләсн деерән, терүнә дотрк идинь, чинринь сәәнәр шүүҗ, медҗ авлһнд бәәнә гиҗ келгдҗәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США