lt;Baladikünö! püdö! löfö!>

↑

⇐ ПредыдущаяСтр 6 из 13Следующая ⇒

                                                 <Baladikünö! püdö! löfö!>

                                 [Binonsös levemiküns baiced, püd, löf!]

                                                Baladikiunio! piudio! liofio!

‚Guadalajara’, 1887 yulul 25.

Dokan: ‘Fernández Iparraguirre’.

Guadalajara, velul 25, 1887.

Dokel Fernández Iparraguirre.

Dö vödabuk nulik stamädas Volapüka (1891).

Dö vödasbuk nulik stämas volapüka

Egetob änu dili balid vödabuka at, e tefädo dili Deutänapükik-Volapükik flenöfo fa söl: datuval < obe pepotöli.

Koefobös snatiko reidanes obsik, das senäl balid oba äbinon stun demü votükams mödik, kelis ituvob, e kels ba no öplitons vemo Volapükanis anik ikösömöl ad gebön Volapüki attimik, nes tikön, das ükanoy-la ed üviloy-la — e flanaü Volapükans fiedik, e flanaü söl it: mastal — ad menodön ün fütür oti. Too söl: datuval, do no ävilom e neföro odälom, das lukadäm seimik odistukon stabanomis Vpa, binom man vemo sapik e mükik, e kludo ävätälom vilöfo krütis e konsälis gudikis utis, kelis — pos plag e stud — Volapükaflens veratik igivons ome püdiko e flenöfiko.

Egetobs lenu dili balid vödasbuka at, e spetivo dili deuto-vpik, pepotöl plüetiko obes fa Söl Datuval.

Koefobs kanüdiko lilädeles obsik das senam balid obas äbinom stun, demü votams mödik kelis etuvobs, e kels ba no oplidoms mödiko volapükanes anik, pekösömöl gebön volapüki anuik, nen tikön das äkanon e ävilon, i fa vpans fiedik e fa Söl Masal it, gudumön füdo oti. Abu Söl Datuval, do no ävilom e nevelo odalom das lukadem sembal ädistukom stabis vpa, binom man vemo sapik e mükik, e kludo älensumom viliko krütis e konsälis ut gudik, kelis — pos plag e stud — vpaflens velatik egivoms ome püdiko e fleniko.

Vödabuk nulik at no nog binon (binälo) vödabuk nomüköl Volapüka; binon te mob, keli söl: datuval < loseidom kadäme Volapüka, e te pos bespik flenöfik, e krütam notidik, ovedon-la vödabuk fütürik <nevotöfik> stamädas Vpa laidüpio.

Spelobs kludo, das püd jönik ed ai pädesiröl fino odareigon bevü Volapükans, bi valikans okanons daküpön, das votükams e menods verätiks e zesüdiks, e krüts gudik, pulasumons pö fomam vödabuka nulik Volapükik, keli benokömaglidobs frediko.

No labob anu spadi ad lonülön reidanes obsik votükamis valik; oküpetob te veütikünis onas; kelis setratükob se nunod gudik penotüköl fa flen obas: söl: dokan: ‘Kniele’ < medü gased benodistik oma.

Vödasbuk at nulik no binom nog (natiko) vödasbuk nomik vpa; binom te mob, keli Söl Datuval bitopom kademe vpa, e te pos bepükam flenik, e krütam püblügik, ovedom vödasbuk füdik stämas vpa plo egelo.

Spelobs kludo das püd jönik, e päidesidöl osibinom fino bevü vpans, bi valiks okanoms logön das votams e menodams velätik e zesüdik, e krüts gudik, pelensumoms in fomam vödasbuka nulik vpa, keli beglidobs gäliko.

No labobs anu spadi al bitopön lilädeles obsik votamis valik; onotedobs te utis veütikün; kelis sezügobs se nunod gudik pegivöl fa flen obas Söl Dl. Kniele, in gased sikik oma.

* * *

* * *

Tonat: r < pagebon nu suvikumo, dub kelos evedos mögik ad labükön stamädis mödik me pron rigik onas e vedükön vödis tefik suemovikumis e bevünetikumis, somo pejafädons a. s. se el dlin el drin, se el dled el dred, se el tlep el trep [nutimo: plaf], se el glet el gret, se el led el red, se el dlem el drem, se el kuläd el kurat, e r. Dido menodot at no pejenöfükon leodiko e valatopo, soäsä ba mödikans eviponsöv, ab tu mödikos ba i no binon-la gudik. Alo utos muton pajonön as proged gretik, das pölaced tefü nedasumov tonata: r < enepubon; posä ba tumats anik vödas ya pevotafomons me gebäd tonata: r, no kanoy suemön, kisi odämükosöv, if vöds nog 2300 pulägivonsöv läi ets.

Tonab r pagebom nu ofenikumo, dub atos evedos mögik givön stämes mödik toni rigik oma e mekön kapälnikum e bevünetikum vödis tefik, somo evedoms a. s. se dlin = drin, se dled = dred, se tlep = trep, se glet = gret, se led = red, se dlem = drem, se kuläd = kurat, e l. Dido votot at no pedudugom leo e vätopo, äs ba mödikans evipomsöv, ab tu mödikos ba i no binos gudik. Aliko mutos pabemalön as fästep gretik, das lucödät tefü nelasum tonaba r edepubom; na vöds ba tumats anik ya pifomoms me tonab r, no äkanon suemön, kisi dämosöv, if vöds nog 2-300 kömoms alos.

Fovo finots ä poyümots nuliks pejafons ad malön kladis semik vödas. Sekü geb kludöfik finotas at vöds mödik ämutons pavotükön boso, ye nen votükam stamädas. Finots at binons: 1) el -ir pro vödeds gramatik, sevabo malams in gramat(ir), kludo sagobsöd nu: verbir [värb], ladverbir [ladvärb], deklin(ir) [deklinafom], ladyek(ir), pronom(ir) (pla el pönop netikavik), e r.; 2) el -er pro els ‘militaria’ (vödeds militafebäda), kludo denu no sagobsöd eli batan (finot: -an binon is nesiämik), ab eli bataler [batay], no eli brigan, ab eli brigad(er) [sätamastan], no eli kompan, ab eli kompaner [kompain], e r.; 3) el -eot pro klots, sekü kelos vöd it: klot < peceinon ad el kleot, e sagobsöd pla el nöked eli kraveot [kravat], pla el blit eli bleot, pla el jit eli jeot, e r.; 4) el -et plo zibs, a. s. el huit nu binonöd huet [hüit], el biskid <büikumo el biskit> el bisket, el fömad el fömet [fromad], e r.

Fovo finots nulik pejafoms al bemalön kladis semik vödas. Sukü gebam kludik finotas at, vöds mödik ämutoms pavotön boso, ye nen votam stämas. Finots at binoms: 1.) ir plo glamatikos, o. b. bemalams in gramat(ir), sikod sagobs nu: verbir, ladverbir, deklin(ir), ladyek(ir), pronom(ir) (pla pönop netikavik) e l.; 2.) er plo « militaria », sagobs kludo no fovo: batan (finot « an » binon nesiämik), sod bataler, no brigan, sod brigad(er), no kompan, sod kompaner e l.; 3.) eot plo klots, sikod vöd « klot » it peceinom in « kleot », e sagobs pla nöked kraveot, pla blit bleot, pla jit jeot, e l.; 4.) et plo zibs, a. s. huit binom nu huet, biskid <ba pök pla el biskit>= bisket, fömad = fömet e l.

Reto finots penumädöl no palenlägons len vöds valik tefik, bi vöds mödik ya binons suemoviks nen atos, ab in vödabuk pepladons pö vöd alik vü kläms, kelos binon vemo frutik (ü ma Volapük rigik: “pöfüdik”), do ba mod at tupon primanis u votikanis. Ob it cedob, das tefü vöds mödikün finots tefik ekanonsöv pamoädön, lü vöds kelik dutons a. s. fat(an), mel(öp), desän(äl) [desin], lam(ap), pod(uk), bakun(ed), bim(ep), e r.

Lemäno finots penemöl no pelenlägoms vödes valik tefik, bi vöds mödik binoms ya kapälnik nen atos, ab in vödasbuk pelägivoms vöde alik in kläms, kelos binos vemo frutik (pöfüdik), do ba begineles u votikanes bit at binom tupöl. Klödobs it, das pötü vöds lemödik finots tefik ekanomsöv pamoletön, vödas somik binoms a. s. fat(an), mel(öp), desän(äl), lam(ap), pod(uk), bakun(ed), bim(ep) e l.

Vöds anik pevotükons, bi äbinons netikaviks, neverätiks, ud igo cänidoviks, e spelobs, das tefü ats Volapükans mödik, kels jünu ätadunons Volapüki demü vöds somik, okotenons levemo ed odasevons fino, das datuvan Volapüka no binom neflenik tefü votükams tikälik e zesüdiks. Vöds somik binons: el brasiep [brasid] pla fidaplan, el lurin [yurin] pla luvat, el vertap [vireb] pla vir (bomavir); el ferot [ferarutaveg] pla lelod (bai cein ela lel ad fer), el prod(ab) [prodot, gaenod] pla böfüd, el toun [lenoid] pla böset, el veig pla vegam, el gom [palat] pla guk (vöd kelik lönedonöv gudiküno pro el ‘Gurke’, leigätod kela jünu binon el küg), e r. Vöd: gäl < pevotükon ini el fred, bi el gäl binonöd subsat duna loveädik ad el gal, klu labobs nu: galön = ‘wachen’ (binön galik), gälön [galükön] = ‘wecken’ (vedükön galiki). Kludo küpobs, das te kods veütik äbinons uto, kö votükams pedunons, e kredobs, das dub atos vödabuk ogeton dasevi valikanas gideto tikölas e das okevobädon ad nog plu läfulükön vödastoki, bi vöds pro suemods nulik plu tums pefomons. Binos fino lobabik, das in dabükot at vödabuka pösodanems emoikons. Kludo komandobs vödabuki nulik ladöfiküno Volapükanes valik tala.

In nüm balidfovik onunobs mödikumosi dö vödabuk ed olägivobs lisedi vödas löliko u dilo peceinölas.

Vöds anik pevotoms bi äbinoms nekludik, nevelätik, ud i fecenlik, e spelobs, das tefü ats vpans mödik, kels jünu etaeloms vpi demü vöds somik, okotenoms mödüno ed oklödoms nu, das datuvel no binom neflenik votames lisälik e zesüdik. Vöds somik binoms brasiep pla fidaplan, lurin pla luvat, vertap pla vir (bomavir); ferot pla lelod (fer pla lel), prod(ab) pla böfüd, toun pla böset, veig pla vegam, gom pla guk (vöd kel pötom gudiküno plo « Gurke », jünu « küg ») e l. Vöd « gäl » pevotom in « fred », bi « gäl » binom subsat lovegolik al « gal », also labobs nu: galön = wachen (binön galik), gälön = wecken (mekön gälik). Logobs also, das te kods veütik äbinoms, kö votams pemekoms, e kredobs, das dub atos vödasbuk otuvom läsevi valikas gitiko tikölas e das oläpolom al lefulnam pluo, bi vöds plo bemalots nulik plu ka 100 pefomoms. Binos fino loblik, das in pübot at vödasbuka nems lönik pösodas emobliboms. Komedobs also vödasbuki nulik vamiküno volapükanes valik tala.

In onüm opükobs umo dö vödasbuk ed olägivobs lisedi vödas peceinöl löliko u dilo.

* * *

Spelobs, das Volapükaflens valik ovilons yufön me mon e kevob püdiälk söli: datuval, kelan ai sakrifom timi, sauni, e moni okikis frutü Vp löfik obas.

* * *

Spelobs das vpaflens valik oviloms yüfön me mon, e kevobam püdik Söli Datuvali, kel aivitimom timi, sauni, e moni omik pöfüdü vp löfik obas.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману